"கவுண்டனுக்கு கவுண்டன் உக்காந்து பேசிருக்கலாம்ல.." செங்கோட்டைனுக்கு கொங்கு பெண் கேள்வி! வீடியோ!

Updated: Monday, December 1, 2025, 17:39 [IST]

Subscribe to Oneindia Tamil

சென்னை: தமிழக வெற்றி கழகத்தின் தலைவர் விஜய் முன்னிலையில் செங்கோட்டையன் தமிழக வெற்றிக்கழகத்தில் இணைந்து இருக்கிறார். இந்த நிலையில் பெண் ஒருவர் பேசிய வீடியோ சமூக வலைதளங்களில் அதிகமாக பகிரப்பட்டு வருகிறது. 'கவுண்டனுக்கு கவுண்டன் உட்கார்ந்து பேசி இருக்கலாம்' என அந்த பெண் பேசி இருப்பதை அதிமுகவுடன் அதிகமாக ஷேர் செய்து வருகின்றனர்.

மிக நீண்ட ஆழமான ஆலோசனைகளுக்குப் பிறகு தவெகவில் இனைந்துள்ளார் அதிமுக முன்னாள் அமைச்சரும், மிக மூத்த நிர்வாகியுமான செங்கோட்டையன். இது கொங்கு மண்டலத்தில் பலத்த விவாதத்தையும், பரபரப்பையும் ஏற்படுத்தியுள்ளது

எம்ஜிஆரால் வெறும் 25 வயதில் அரசியலுக்கு அழைத்து வரப்பட்டு, எம்.எல்.ஏ. ஆக்கப்பட்டவர் ஈரோட்டை சேர்ந்த கே.ஏ.செங்கோட்டையன். அதிமுக வரலாற்றில் ஒன்பது முறை சட்டமன்ற உறுப்பினராகத் தேர்வு செய்யப்பட்டவர் என்கிற பெருமை அவருக்கு உண்டு.

செங்கோட்டையன்

தற்போதைய சூழலில் கட்சித் தொண்டர்கள், நிர்வாகிகள் மத்தியில் மிக மூத்த சீனியர் என்றால் அவர் தான். செங்கோட்டையனை அறியாதவர்களே அதிமுகவில் இல்லை என்று கூட சொல்லலாம். எம்ஜிஆரின் காலத்திலிருந்து ஜெயலலிதா காலம் வரை நிழல்போல் அதிமுகவில் இணைந்திருந்தவர். ஜெயலலிதா மறைவுக்குப் பிறகு கட்சியில் பல மாற்றங்கள் நிகழ்ந்தன. அப்போதைய சூழ்நிலையில், தமக்குக் கிடைத்த முதல்வர் வாய்ப்பை விட்டு, எடப்பாடி பழனிசாமிக்கு ஆதரவு கொடுத்து, அவரை உயர்த்தியவர்களில் முக்கியமானவர் செங்கோட்டையன்.

விஜய் தவெக

இந்நிலையில், கடந்த ஒரு வருடமாக எடப்பாடியின் சில முடிவுகள் மீது அவர் மிகுந்த அதிருப்தியில் இருந்தார். 2026 தேர்தலில் அதிமுக வெற்றி பெற வேண்டுமெனில், ஓ. பன்னீர்செல்வம், டிடிவி தினகரன், சசிகலா ஆகியோருடன் ஏற்பட்ட பிளவைச் சரிசெய்ய வேண்டும் என்று செங்கோட்டையன் பல தடவை எடப்பாடியிடம் வலியுறுத்தினார். பின்னர் கட்சியிலிருந்து நீக்கப்பட்ட அவர் சமீபத்தில் தமிழக வெற்றிக் கழகத்தில் இணைந்துள்ளார்.

அதிமுகவினர் அதிருப்தி

இந்நிலையில், செங்கோட்டையன் குறித்து பெண் ஒருவர் பேசிய வீடியோ சமூக வலைதளங்களில் அதிகமாக பகிரப்பட்டு வருகிறது. 'கவுண்டனுக்கு கவுண்டன் உட்கார்ந்து பேசி இருக்கலாம்' என அந்த பெண் பேசி இருப்பதை அதிமுகவுடன் அதிகமாக ஷேர் செய்து வருகின்றனர். அந்த வீடியோவில் பேசியுள்ள பெண்," பாருங்க மக்களே.. இதில் ஏதாவது நியாயம் இருக்குதா.. முதன் முதலாக இப்போதுதான் என் செல்போன் முன்னாடி உட்கார்ந்து நான் வீடியோ போடுறேன். எங்களுக்கெல்லாம் அவ்வளவு கேவலமா தெரியுது. அவர் பண்ண விஷயம்.

பெண் பேச்சு

சின்ன விஷயம் தான்.. ஆனால், பெருசா தெரியுது. மனசுக்கு பாதிப்பா கூட தெரியுது கோபிசெட்டிபாளையத்தில் வாழ்ந்தவங்களுக்கு 50 ஆண்டுகால அரசியல் சாதனையில் கடைசி காலத்துல உன் தலையில நீயே நெருப்பு அள்ளி கொட்டி இருக்க.. மண்ணை கூட அள்ளி கொட்டல.. இனத்துக்கு இனம்.. கவுண்டனுக்கு கவுண்டன் நீ உக்காந்து பேசி இருக்கலாம் இல்ல..

"கோபியில் கிழிச்சிடுவாரு, கொங்குல கொடி நட்டுடுவாரு"ன்னெல்லாம் பேசறவன் பார்க்க வேண்டியது👇
" கவண்டனுக்கு கவண்டன் உக்காந்து பேசாம கூத்தாடி பின்னால போறியே"ன்னு சாதிசனத்தைப் பேச வச்சிட்டார் கரும்பு மனிதர் pic.twitter.com/VQlin7Mplx
— Newman (@roadoram) November 29, 2025

செங்கோட்டையனுக்கு எதிர்ப்பு

ஒக்காந்து பேசுனா.. குடும்ப பிரச்சனை.. நாட்டு பிரச்சனையே தீருது. இத்தனை வருஷமா பாடுபட்டு ஒண்ணுமே இல்ல நாசமா போச்சு. எல்லாத்துக்கும் பேர் கெட்டுப் போச்சு. இன்னைக்கு இருப்பதிலேயே திராவிட கட்சியிலேயே மூத்த அரசியல் தலைவர் நீதான். இன்னைக்கு பேர கெடுத்து வச்சிருக்க.. கூத்தாடி கூட போய் சேர்ந்திருக்கிறார். அதுக்கு நமக்கு ஏதாவது சம்பந்தம் உண்டா" என பேசியுள்ளார். தற்போது இந்த வீடியோ சமூக வலைதளங்களில் அதிகமாக பகிரப்பட்டு வருகிறது.