வார்த்தையை விட்ட எடப்பாடி! திருவாரூர் வந்த நயினார்! அருகிலேயே இருந்த எடப்பாடியை பார்க்காம போயிட்டாரே

Updated: Sunday, July 20, 2025, 14:20 [IST]

Subscribe to Oneindia Tamil

சென்னை: திருவாரூர் சென்றிருந்த நயினார் நாகேந்திரன், முன்னாள் முதல்வர் எடப்பாடி பழனிசாமியை சந்திக்காமல் நாகப்பட்டினத்திற்கு சென்றது அரசியல் களத்தில் பரபரப்பை உருவாக்கியுள்ளது. இந்த நிகழ்வு அரசியல் பார்வையாளர்களின் கவனத்தை ஈர்த்துள்ளது.

நயினார் நாகேந்திரனின் பயணம்: அரசியல் நிகழ்வுகளின் தாக்கம்

பாஜகவுடன் கூட்டணி அமைப்பது குறித்து, "நாங்கள் ஒன்றும் ஏமாளிகள் இல்லை" என்று எடப்பாடி பழனிசாமி கூறியுள்ளார். இந்த கருத்து பாஜகவினரிடையே அதிருப்தியை ஏற்படுத்தியிருக்கலாம் என தகவல்கள் தெரிவிக்கின்றன. இந்த வார்த்தைகள் அரசியல் ரீதியாக முக்கியத்துவம் வாய்ந்ததாக கருதப்படுகிறது. இப்படிப்பட்ட நிலையில்தான் திருவாரூருக்கு இன்று வந்த நயினார் நாகேந்திரன், அங்கு தங்கியிருக்கும் எடப்பாடி பழனிசாமியை சந்திக்காமலேயே நாகைக்கு புறப்பட்டார்.

பாஜக உடன் கூட்டணி ஆட்சி அமைக்க நாங்கள் ஏமாளிகள் இல்லை என எடப்பாடி பழனிசாமி நேற்று பேசியிருந்த நிலையில், இது பாஜக தரப்பை அதிருப்திக்கு உள்ளாக்கியதாக கூறப்படுகிறது. திருவாரூரில் இருவரும் சந்திக்க உள்ளதாக எதிர்பார்ப்பு நிலவிய நிலையில், அந்த சந்திப்பு நடைபெறாதது பல்வேறு யூகங்களுக்கு, விவாதங்களுக்கு வழிவகுத்துள்ளது. இரு தலைவர்களும் சந்திக்காதது, அரசியல் வியூகங்களில் ஏதேனும் மாற்றம் இருக்குமா என்ற கேள்வியை எழுப்பியுள்ளது. இந்த சந்திப்பு ஏன் தவிர்க்கப்பட்டது என்பது குறித்து பலரும் ஆர்வமாக உள்ளனர்.

கூட்டணி குறித்த கருத்துகள்: அரசியல் வட்டாரத்தில் விவாதம்

எடப்பாடி பழனிசாமியின் கருத்து, பாஜக மற்றும் அதிமுக இடையேயான உறவுகளில் விரிசலை ஏற்படுத்தியிருக்கலாம் என அரசியல் வல்லுநர்கள் கருதுகின்றனர். அதிமுகவின் கூட்டணி ஆட்சி குறித்து இன்று எதிர்க்கட்சித் தலைவர் எடப்பாடி பழனிச்சாமி பேசியது பெரிய அளவில் விவாதங்களை ஏற்படுத்தி உள்ளது. அவரின் பேச்சு அரசியல் உலகில் பல வியூகங்கள் ஏற்பட வழி வகுத்து உள்ளது.

கடந்த சில நாட்களாக அதிமுக - பாஜக கூட்டணிக்கு இடையே கூட்டணி ஆட்சி தொடர்பாக விவாதம் எழுந்துள்ளது. சமீபத்தில் தமிழ்நாட்டில் கூட்டணி ஆட்சி, இதற்கு அதிமுகதான் தலைமை என்று அமித் ஷா குறிப்பிட்டு இருந்தார். அதாவது அதிமுகதான் தலைமை என்றாலும்.. ஆட்சி தனித்த ஆட்சி அல்ல.. அதிமுக - பாஜகவின் கூட்டு ஆட்சிதான், அதாவது ஆட்சியில் பங்கு எடுப்போம் என்று கூறி இருந்தார். பல ஆங்கில ஊடகங்களுக்கு அளித்த பேட்டியில்.. ஆட்சியில் பங்கு எடுப்போம் என்று கூறினார்.

அண்ணாமலை பதிலடி

அமித் ஷா கூட்டணி ஆட்சி நடக்கும் என்று கூறி வரும் நிலையில் எடப்பாடி பழனிசாமி மீண்டும் மீண்டும் பல இடங்களில் தனிப்பெரும் ஆட்சி அமைப்போம் என்று கூறி வருகிறார். இந்த நிலையில்தான் எடப்பாடி பழனிசாமிக்கு பாஜக முன்னாள் தலைவர் அண்ணாமலை அளித்த பதிலில், என் கட்சித் தலைவர் அமித்ஷா 'கூட்டணி ஆட்சி' என பேசிய பின்பும், நான் அதைத் தூக்கிப் பிடிக்கவில்லை என்றால் எதற்கு தொண்டனாக இருக்க வேண்டும்? கூட்டணி ஆட்சி என்று மூன்று முறை அமித்ஷா தெளிவுப்படுத்தி விட்டார்; இதில் மாற்றுக் கருத்து இருந்தால், அமித்ஷாவிடம் அதிமுக பேசலாம்.

கூட்டணி பற்றி அமித் ஷா முடிவு செய்துவிட்டார். அதில் நான் கருத்து சொல்ல முடியாது. ஒரு தொண்டனாக அதை ஏற்றுக்கொள்வேன், என்று கூறி உள்ளார்.

எடப்பாடி பதிலடி

இப்படிப்பட்ட நிலையில்தான் அண்ணாமலை, அமித் ஷாவிற்கு நேற்று திருவாரூரில் எடப்பாடி பழனிசாமி அளித்த பதிலில், பாஜகவுக்கு ஆட்சியில் பங்கு கொடுக்க அதிமுக ஒன்றும் ஏமாளி அல்ல.. கூட்டணி வேண்டும் என்றால் வேண்டும்.. வேண்டாம் என்றால் வேண்டாம்.. அதைப்பற்றி கவலையில்லை என்று நேரடியாகக் கூறியுள்ளார். அதாவது பாஜக என்ன கேட்டாலும் கூட்டணியில் இடம் கிடையாது என்பதை எடப்பாடி பழனிச்சாமி உறுதியாக கூறி உள்ளார்.