சென்னையில் ‘96’.. புதிய அரசு பஸ் வழித்தடத்தை தொடங்கிய எம்.டி.சி! இந்த ரூட்ல இனி பயணம் ரொம்ப ஈசி!

சென்னை: சென்னையில் '96' என்ற புதிய அரசு பஸ் வழித்தடம் தொடங்கப்பட்டுள்ளது. தாம்பரம் மேற்கு பேருந்து நிலையம் முதல் அடையாறு பேருந்து நிலையம் வரை '96' என்ற புதிய வழித்தடத்தை அறிமுகம் செய்துள்ளது சென்னை மாநகர் போக்குவரத்துக் கழகம்.

இந்த 96 வழித்தட பேருந்து கேம்ப் ரோடு, பள்ளிக்கரணை, காமாட்சி மருத்துவமனை, துரைப்பாக்கம், கந்தன்சாவடி வழியாக அடையாறு சென்றடையும். 7 பேருந்துகள் இயக்கத்தை அமைச்சர் மா.சுப்பிரமணியன் தொடங்கி வைத்துள்ளார்.

சென்னையில் வேறு எந்த நகரங்களிலும் இல்லாத அளவுக்கு போக்குவரத்து வசதி மேம்படுத்தப்பட்டு வருகிறது. பயணிகளின் தேவையை கருத்தில் கொண்டு சென்னை மாநகர போக்குவரத்து கழகம் சார்பில் ஆயிரத்திற்கும் மேற்பட்ட பேருந்துகள் சென்னை நகரத்திற்குள் இயக்கப்பட்டு வருகின்றன.
பயணிகளுக்கான வசதியை மேம்படுத்தும் விதமாக ஏசி, தாழ்தள பேருந்துகள் சென்னை மாநகர போக்குவரத்து கழகம் சார்பில் இயக்கப்பட்டு வருகிறது. மேலும், பயணிகளின் தேவைகளுக்கு ஏற்ப புதிய வழித்தடங்களிலும் பேருந்துகள் இயக்கப்பட்டு வருகின்றன.

இந்நிலையில், சென்னையில் '96' என்ற புதிய அரசுப் பேருந்து வழித்தடம் தொடங்கப்பட்டுள்ளது. தாம்பரம் மேற்கு பேருந்து நிலையம் முதல் அடையாறு பேருந்து நிலையம் வரை '96' என்ற புதிய வழித்தடத்தை அறிமுகம் செய்துள்ளது சென்னை மாநகர் போக்குவரத்துக் கழகம். இந்த வழித்தடத்தில் 7 பேருந்துகள் இயக்கப்படவுள்ளன. இதனை அமைச்சர் மா சுப்பிரமணியன் இன்று தொடங்கி வைத்துள்ளார்.

வழித்தடம்:

அடையாறில் இருந்து ஜெயந்தி தியேட்டர், சென்னை ஒன் (ரேடியல் சாலை), காமாட்சி மருத்துவமனை, பள்ளிக்கரணை, கேம்ப் ரோடு, எஸ்.ஆர்.பி டூல்ஸ், கந்தன்சாவடி, பெருங்குடி, துரைப்பாக்கம் செக்போஸ்ட், மேடவாக்கம், சந்தோசபுரம், செம்பாக்கம், தாம்பரம் கிழக்கு வழியாக சென்றடையும்.

கால அட்டவணை

அடையாறு பேருந்து நிலையத்தில் இருந்து புறப்படும் நேரம்: 04.50, 05.15, 05.40, 06.05, 06.30, 06.55, 07.20, 07.40, 08.05. 08.30, 09.00, 09.35, 10.10, 10.40, 11.05, 11.30, 11.55, 12.20, 12.50, 13.25, 13.55, 14.20, 14.45, 15.10, 15.35, 16.00, 16.30, 17.05, 17.35, 18.00, 18.25, 18.50, 19.15, 19.45, 20.25 hrs.

தாம்பரம் மேற்கு பேருந்து நிலையத்திலிருந்து புறப்படும் நேரம்: 06.15, 06.35, 07.00, 07.25, 07.55, 08.30, 09.00, 09.20, 09.45, 10.15, 10.45, 11.10, 11.45, 12.15, 12.45, 1310, 13.30, 14.00, 14.25, 15.00, 15.30, 15.55, 16.20, 16.45, 17.10, 17.40, 18.10, 18.45, 19.15, 19.45, 20.20, 20.35, 21.00, 21.30, 22.00 hrs.

English summary

A new government bus route named ‘96’ has been launched in Chennai. MTC has introduced a new route named ‘96’ from Tambaram West Bus Stand to Adyar Bus Stand.