ஷாக்கோ ஷாக்.. தமிழ்நாட்டில் மீண்டும் வெப்பம் 4 டிகிரி வரை உயருமாம்! வெப்ப அழுத்த எச்சரிக்கை வேற

சென்னை: வளி மண்டல கீழடுக்கு சுழற்சி காரணமாக ஆகஸ்டு 22 ஆம் தேதி வரை மழைக்கு வாய்ப்பு இருப்பதாகவும் வெப்ப அழுத்தம் அதிகரக்கும் எனவும் சென்னை வானிலை ஆய்வு மையம் தெரிவித்து உள்ளது.

இதுகுறித்து வெளியான அறிக்கையில், "தமிழக பகுதிகளின் மேல் நிலவும் வளி மண்டல கீழடுக்கு சுழற்சி காரணமாக, இன்று மற்றும் நாளை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

ஆகஸ்டு 18 முதல் 22 ஆம் தேதி வரை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

இன்றும் நாளையும் தமிழகத்தில் ஓரிரு இடங்களில் அதிகபட்ச வெப்பநிலை 37 டிகிரி முதல் 39 டிகிரி செல்சியஸ் அளவில் இருக்கக்கூடும்; ஓரிரு இடங்களில் இயல்பிலிருந்து 2 - 4 டிகிரி செல்சியஸ் அதிகமாக இருக்கக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது வெப்ப அழுத்தம் (Heat Stress ) காரணமாக அசௌகரியம் ஏற்படலாம்.

சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான/மிதமான மழை பெய்யக்கூடும். அதிகபட்ச வெப்பநிலை 36-37 டிகிரி செல்சியஸ் மற்றும் குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):
மேட்டுப்பட்டி (மதுரை) 6, பெரியபட்டி (மதுரை) 5, கும்மிடிப்பூண்டி (திருவள்ளூர்), சோழவரம் (திருவள்ளூர்), தென்பரநாடு (திருச்சி), MRC நகர் ARG (சென்னை), பஞ்சப்பட்டி (கரூர்) தலா 3, விருகனூர் (மதுரை), மாயனூர் (கரூர்), மதுரை வடக்கு, சென்னை நுங்கம்பாக்கம், மதுரை நகரம், சிறுகமணி KVK (திருச்சி) தலா 2, ரெட்ஹில்ஸ் (திருவள்ளூர்), சென்னை கலெக்டர் அலுவலக கட்டிடம், ஊத்துக்கோட்டை (திருவள்ளூர்), மயிலம்பட்டி (கரூர்), கத்திவாக்கம் (சென்னை), கல்லிக்குடி (மதுரை), கொடைக்கானல் படகு குழாம் (திண்டுக்கல்), கிருஷ்ணராயபுரம் (கரூர்), பேரையூர் (மதுரை), மணலி (சென்னை), நாட்றம்பள்ளி (திருப்பத்தூர்) தலா 1.

மீனவர்களுக்கான எச்சரிக்கை: நாளை தென்கிழக்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும். மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்த படுகிறார்கள். மேலும் விவரங்களுக்கு: mausam.imd.gov.in/chennai இணையதளத்தை காணவும்." என்று குறிப்பிடப்பட்டு உள்ளது.

English summary

The Chennai Meteorological Center has informed that there is a possibility of rain till August 22 due to the low circulation of the tropical cyclone and the heat pressure will increase.