"ஜனநாயகன்! அரசியல்வாதி விஜய்யை தேர்தலில் மோதி பாருங்க மோடி"! பிரதமருக்கு தமிழக காங்கிரஸ் கட்சி சவால்

சென்னை: ஜனநாயகன் திரைப்படத்திற்கு தணிக்கை சான்றிதழ் வழங்குவதில் சர்ச்சை எழுந்துள்ள நிலையில் விஜய்க்கு ஆதரவாக காங்கிரஸ் கட்சியின் மூத்த தலைவர்கள் பேசி வந்தனர். தற்போது தமிழக காங்கிரஸ் கட்சியும் விஜய்க்கு ஆதரவாக பிரதமர் நரேந்திர மோடிக்கு கண்டனம் தெரிவித்துள்ளது.

இதுகுறித்து அக்கட்சி வெளியிட்டுள்ள பதிவில் கூறியிருப்பதாவது: அன்புள்ள @PMOIndia @narendramodi அவர்களே, நடிகர் விஜய்யின் 'ஜன நாயகன்' திரைப்படத்தைச் சுற்றியுள்ள சர்ச்சை, அரசியல் அதிகாரத்தின் துஷ்பிரயோகம் குறித்த கவலைகளைத் தூண்டியுள்ளது. அரசியல் கருத்து வேறுபாடுகள் புரிந்து கொள்ளக்கூடியவை என்றாலும், ஒரு கலைஞனின் படைப்பை இலக்கு வைப்பது ஏற்றுக்கொள்ள முடியாதது.

அரசியல் ஆதாயங்களுக்காகத் திரைப்படங்களுக்குத் தணிக்கை செய்வதை தமிழ்நாட்டு மக்கள் பொறுத்துக்கொள்ள மாட்டார்கள். கலையும், பொழுதுபோக்கும் அரசியல் போர்களில் காய்களாகப் பயன்படுத்தப்படாமல் இருப்பதை நீங்கள் உறுதி செய்ய வேண்டும் என்று நாங்கள் கேட்டுக்கொள்கிறோம். அதிகாரிகளுக்கு நீங்கள் கொடுக்கும் அழுத்தம் காரணமாக விஜய்-ன் திரைப்படம் தாமதங்களைச் சந்தித்து வருகிறது, இது தயாரிப்பாளர்களுக்கும், ரசிகர்களுக்கும் அநீதியானது. கலையிலிருந்து அரசியலை விலக்கி வைப்போம், படைப்புச் சுதந்திரத்தை மதிப்போம்.

மோடி அவர்களே, நடிகர் விஜய்யை அல்ல, அரசியல்வாதி விஜய்யை எதிர்கொண்டு உங்கள் 56 அங்குல மார்பு என்ற கூற்றை நிரூபியுங்கள். உங்கள் மிரட்டல் அரசியல் தமிழ்நாட்டில் பலிக்காது என்பதை நினைவில் கொள்ளுங்கள். இவ்வாறு அந்த ட்வீட்டில் குறிப்பிடப்பட்டுள்ளது.

அன்புள்ள @PMOIndia @narendramodi அவர்களே,

நடிகர் விஜய்யின் 'ஜன நாயகன்' திரைப்படத்தைச் சுற்றியுள்ள சர்ச்சை, அரசியல் அதிகாரத்தின் துஷ்பயோகம் குறித்த கவலைகளைத் தூண்டியுள்ளது. அரசியல் கருத்து வேறுபாடுகள் புரிந்துகொள்ளக்கூடியவை என்றாலும், ஒரு கலைஞனின் படைப்பை இலக்கு வைப்பது… https://t.co/Ygx1ig84uT

— Tamil Nadu Congress Committee (@INCTamilNadu) January 8, 2026

ஜனநாயகன் சென்சார் சர்ச்சை விவகாரத்தில் காங்கிரஸ் எம்பிக்கள் மாணிக்கம் தாகூர், ஜோதிமணி, விஜய் வசந்த், தமிழக காங்கிரஸ் மேலிட பொறுப்பாளர் கிரிஷ் சோடங்கர் ஆகியோர் ஆதரித்து பேசிய நிலையில் தமிழக காங்கிரஸ் கட்சியும் ஜனநாயகன் விவகாரத்தில் விஜய்க்கு ஆதரவு தெரிவித்துள்ளது.

English summary

Amid the controversy over the delay in granting a censor certificate to the film Jananayagan, senior Congress leaders have come out in support of actor Vijay. Escalating the issue, the Tamil Nadu Congress has now strongly criticised Prime Minister Narendra Modi, accusing the Centre of interference and raising fresh political debate around censorship, freedom of expression, and cinema.