கூட்டுறவு வங்கி மகளிர் குழு கடன் தள்ளுபடி.. உங்கள் பெயர் லிஸ்டில் இருக்கிறதா? செக் செய்வது எப்படி?

Updated: Sunday, May 3, 2026, 20:58 [IST]

Subscribe to Oneindia Tamil

சென்னை: தமிழகத்தில் உள்ள கூட்டுறவு வங்கிகளில் மகளிர் சுய உதவிக்குழுக்கள் பெற்ற கடன்களைத் தள்ளுபடி செய்வது தொடர்பான பல்வேறு நடவடிக்கைகள் குறித்துத் தகவல்கள் வெளியாகி வருகின்றன. இது குறித்த அதிகாரப்பூர்வ அறிவிப்புகளை தொடர்ந்து, தகுதியான பயனாளிகளைக் கண்டறியும் நடைமுறைகள் குறித்துப் பெண்கள் மத்தியில் மிகுந்த எதிர்பார்ப்பு நிலவி வருகிறது.

தமிழக அரசு மகளிர் சுய உதவிக்குழுக்களின் பொருளாதார சுமையைக் குறைக்கும் வகையில் கடன் தள்ளுபடி திட்டத்தைச் செயல்படுத்தி வருகிறது. இதற்காக ஏற்கனவே அரசாணைகள் வெளியிடப்பட்டு, முதற்கட்டப் பணிகள் நடைபெற்று வந்த நிலையில், அடுத்தகட்டமாக நிலுவையில் உள்ள தகுதியான குழுக்களின் விவரங்களை சேகரிப்பதில் அதிகாரிகள் கவனம் செலுத்தி வருவதாக தெரிகிறது.

கூட்டுறவுத் துறையின் தொடர் நடவடிக்கைகள்

மாவட்ட வாரியாக உள்ள கூட்டுறவு சங்கங்களின் இணைப் பதிவாளர்கள், தங்கள் அதிகார வரம்பிற்கு உட்பட்ட வங்கி கிளைகளில் உள்ள கடன் கணக்குகளை ஆய்வு செய்ய அறிவுறுத்தப்பட்டுள்ளதாகத் தகவல்கள் தெரிவிக்கின்றன.கடன் தள்ளுபடி சலுகையை பெறுவதற்குத் தகுதியான குழுக்கள் சில முக்கியமான நடைமுறைகளை பின்பற்ற வேண்டியது அவசியமாகும்.

குறிப்பாக, வங்கிக் கணக்கு புத்தகங்கள், குழுவின் தீர்மான புத்தகங்கள் மற்றும் உறுப்பினர்களின் விவரங்கள் சரியாகப் பராமரிக்கப்பட வேண்டும்.

பொதுவாக, இத்தகைய தள்ளுபடி திட்டங்களின் போது குழுக்கள் உண்மையில் இயங்குகின்றனவா என்பதை உறுதி செய்ய கள ஆய்வுகள் நடத்தப்படுவது வழக்கம். அந்த வகையில், உறுப்பினர்களின் ஆதார் விவரங்கள் மற்றும் அவர்கள் செய்த தொழில் குறித்த தரவுகளைத் தயார் நிலையில் வைத்திருக்குமாறு அந்தந்த வங்கி அதிகாரிகள் தரப்பில் அறிவுறுத்தப்படுவதாகக் கூறப்படுகிறது.

செம எதிர்பார்ப்பில் மகளிர் குழுக்கள்

"கடன் தள்ளுபடி தொடர்பான விரிவான அறிக்கை விரைவில் வரும் என எதிர்பார்க்கப்படுகிறது. இது குறித்த முறையான அறிவிப்பு வெளியானால், எங்களை போன்ற சிறுதொழில் செய்யும் பெண்களுக்கு அது பெரும் உதவியாக இருக்கும்" என்று சுய உதவிக்குழு உறுப்பினர்கள் நம்பிக்கை தெரிவிக்கின்றனர்.

அரசு தரப்பில் உரிய ஆவணச் சரிபார்ப்புகள் மற்றும் தகுதி பட்டியல்கள் தயாரிக்கப்பட்ட பிறகு, இதற்கான அதிகாரப்பூர்வப் பயன் பயனாளிகளுக்குச் சென்றடையும் என தெரிகிறது. தகுதியான நபர்களுக்கு மட்டுமே இந்தச் சலுகை கிடைப்பதை உறுதி செய்ய அரசு எடுத்து வரும் இத்தகைய சீரான நடவடிக்கைகள் வரவேற்கத்தக்கது.

வங்கி மற்றும் அரசு தரப்பிலிருந்து வெளியாகும் அடுத்தடுத்த அறிவிப்புகளைப் பொறுத்தே, முழுமையான தள்ளுபடி விவரங்கள் குறித்த தெளிவான படம் கிடைக்கும் என்பதால், மகளிர் குழுவினர் தங்களின் ஆவணங்களை சரியாகப் பராமரித்து வருவது அவசியமாகும்.

நோ புரோக்கர்கள்

இப்போது எழுந்துள்ள இந்த எதிர்பார்ப்பு சூழலை பயன்படுத்தி, சில இடைத்தரகர்கள் மகளிர் குழுக்களை அணுகி கடன் தள்ளுபடி பெற்றுத் தருவதாக சொல்லி தவறான வாக்குறுதிகளை அளிக்க வாய்ப்புள்ளது. அதனால் இது குறித்துப் பெண்கள் மிகுந்த விழிப்புணர்வுடன் இருக்க வேண்டும் என சமூக ஆர்வலர்கள் எச்சரிக்கிறார்கள்..

அதுமட்டுமல்ல, கூட்டுறவு வங்கிகளில் கடன் தள்ளுபடி என்பது முற்றிலும் அரசின் நேரடி வழிகாட்டுதலின்படி, வங்கி அதிகாரிகளால் மட்டுமே மேற்கொள்ளப்படும் ஒரு நடைமுறையாகும். இதற்காக எந்த ஒரு தனிநபருக்கும் பணம் வழங்கவோ அல்லது ரகசிய ஆவணங்களை பகிரவோ வேண்டிய அவசியம் இல்லை.

ஒருவேளை ஏதாவது சந்தேகங்கள் இருந்தால், மகளிர் குழுவினர் தாங்கள் கடன் பெற்ற கூட்டுறவு வங்கி கிளை மேலாளரை நேரடியாக அணுகி விவரங்களைக் கேட்டறியலாம். அரசின் இத்தகைய வெளிப்படையான செயல்பாடுகள், இடைத்தரகர்களின் தலையீடின்றி தகுதியான பெண்களுக்குப் பலன் கிடைப்பதை உறுதி செய்யும்..!!