மேகதாது அணை விவகாரம் பற்றி நாளை அனைத்து கட்சி கூட்டம்.. அழைப்புவிடுப்பது திமுக!

சென்னை: மேகதாது அணை கட்டும் விவகாரம் தொடர்பாக ஆலோசனை நடத்துவதற்காக திமுக சார்பில் நாளை அனைத்து கட்சி கூட்டத்திற்கு அழைப்பு விடுக்கப்பட்டுள்ளது.

நாளை காலை 10.30 மணி அளவில் திமுக தலைமையகமான அண்ணா அறிவாலயத்தில் அக்கட்சி தலைவர் மு.க.ஸ்டாலின் தலைமையில் அனைத்துக்கட்சி கூட்டம் நடைபெற உள்ளது.

காவிரி ஆற்றின் குறுக்கே மேகதாது என்ற இடத்தில் கர்நாடக அரசு அணை கட்டுவதற்கான பூர்வாங்க பணிகளுக்கு மத்திய சுற்றுச்சூழல் அமைச்சகம் ஒப்புதல் வழங்கியுள்ளது.

இதையடுத்து, அடுத்த கட்ட பணிகளை துரிதப்படுத்துவதற்காக அம்மாநில முதல்வர் குமாரசாமி தலைமையில் டிசம்பர் 6ம் தேதி உயர்மட்ட குழு ஆலோசனை நடைபெற உள்ளது. இந்த விஷயத்தில் தமிழக நலன் காப்பதற்கு எடுக்க வேண்டிய நடவடிக்கைகள் என்ன என்பது குறித்து திமுகவின் அனைத்து கட்சி கூட்டத்தில் ஆலோசிக்கப்பட உள்ளது.

தமிழக அரசு இதுபோன்ற அழைப்பை விடுக்காத நிலையில், திமுக இந்த விஷயத்தின் முக்கியத்துவத்தை கருத்தில் கொண்டு அனைத்து கட்சி கூட்டத்திற்கு அழைப்புவிடுத்துள்ளது கவனிக்கத்தக்கது.

English summary

DMK calls all party meeting over Mekedatu dam on Thursday.