சமையல் எரிவாயு விலை அதிரடி! இல்லத்தரசிகளுக்கு காத்திருந்த சர்ப்ரைஸ்! ரூ.300 யாருக்கெல்லாம் குறையும்
சென்னை: மத்திய அரசின் உஜ்வாலா திட்டத்தின் கீழ் சமையல் எரிவாயு சிலிண்டருக்கான மானியம் 300 ரூபாயாக உயர்த்தப்பட்டுள்ள நிலையில், அதன் தற்போதைய விலை நிலவரம் குறித்த முக்கிய தகவல்கள் வெளியாகியுள்ளன... தமிழகத்தில் குறிப்பாக சென்னையில் இல்லத்தரசிகளின் பட்ஜெட்டில் பெரும் தாக்கத்தை ஏற்படுத்தும் இந்த விலை மாற்றம் மற்றும் மானிய வரவு குறித்த விரிவான விவரங்கள் கீழே கொடுக்கப்பட்டுள்ளன. சாமானிய மக்களின் சுமையைக் குறைக்கும் வகையில் அரசு எடுத்துள்ள இந்த அதிரடி நடவடிக்கை பொதுமக்களிடையே மிகுந்த கவனத்தைப் பெற்றுள்ளது.
தமிழகத்தில் நடுத்தர மற்றும் ஏழை எளிய மக்களின் அன்றாடப் பட்ஜெட்டில் சமையல் எரிவாயு சிலிண்டர் விலை பெரும் தாக்கத்தை ஏற்படுத்தி வருகிறது.
சர்வதேச சந்தையில் கச்சா எண்ணெய் விலையில் ஏற்படும் மாற்றங்களுக்கு ஏற்ப, இந்தியாவில் ஒவ்வொரு மாதமும் சிலிண்டர் விலையை எண்ணெய் நிறுவனங்கள் மாற்றி அமைப்பது வழக்கம்.
சமையல் சிலிண்டர் விலை
அந்த வகையில், சென்னையில் இன்று ஏப்ரல் 2026 நிலவரப்படி, 14.2 கிலோ எடையுள்ள வீட்டு உபயோக சிலிண்டரின் விலை ரூ.928.50 ஆக உள்ளது. இதில் உஜ்வாலா திட்ட பயனாளர்களுக்கு ரூ.300 மானியம் நேரடியாக வங்கி கணக்கில் செலுத்தப்படுவதால், அவர்களுக்கு ஒரு சிலிண்டரின் நிகர விலை ரூ.628.50 ஆக குறைகிறது.
அதேபோல இப்போது சமையல் எரிவாயு சிலிண்டர் விலை நிலவரம் மற்றும் மத்திய அரசின் உஜ்வாலா திட்டத்தின் கீழ் வழங்கப்படும் மானியம் குறித்த முக்கிய தகவல்கள் இல்லத்தரசிகள் மற்றும் சாமானிய மக்கள் மத்தியில் மிகுந்த எதிர்பார்ப்பை ஏற்படுத்தியுள்ளது.
மத்திய அரசு ஏழை எளிய மக்களுக்காகவும், கிராமப்புற பெண்களுக்குப் புகை இல்லாத சமையலறையை உருவாக்கவும் 'பிரதான் மந்திரி உஜ்வாலா யோஜனா' என்ற திட்டத்தைத் தொடங்கி வெற்றிகரமாகச் செயல்படுத்தி வருகிறது.
கேஸ் சிலிண்டர் மானியம்
இந்த திட்டத்தின் கீழ் வரும் பெண்களுக்குக் கூடுதல் சலுகையாக மானியம் வழங்கப்பட்டு வருகிறது. இப்போது நிலவும் விலை உயர்வின் சுமையைக் குறைக்க, உஜ்வாலா திட்டத்தின் கீழ் இணைக்கப்பட்டுள்ள பயனாளர்களுக்கு சிலிண்டர் ஒன்றுக்கு 300 ரூபாய் மானியம் வழங்க மத்திய அரசு அனுமதி அளித்துள்ளது. இந்தத் தொகையானது நேரடியாகப் பயனாளர்களின் வங்கி கணக்கில் வரவு வைக்கப்படும் என்பது குறிப்பிடத்தக்கது.
சென்னையை பொறுத்தவரை வீட்டு உபயோக காஸ் சிலிண்டரின் விலை கடந்த சில மாதங்களாகப் பெரிய அளவில் ஏற்ற இறக்கங்களின்றி சீராக இருந்து வருகிறது. இருந்தாலும், வணிக ரீதியிலான சிலிண்டர் விலையில் அடிக்கடி மாற்றங்கள் செய்யப்பட்டு வருகின்றன.
உஜ்வாலா திட்டம் ரூ.300
பொதுவான வாடிக்கையாளர்கள் சிலிண்டருக்கு முழுத் தொகையையும் செலுத்த வேண்டிய நிலையில், உஜ்வாலா பயனாளர்கள் மட்டும் இந்த 300 ரூபாய் மானியச் சலுகையைப் பெறுகின்றனர். இதனால் அவர்கள் சந்தை விலையை விடக் குறைவான விலையில் சிலிண்டரைப் பெற்றுக்கொள்ள முடிகிறது. குறிப்பாக வறுமைக் கோட்டுக்குக் கீழ் உள்ள குடும்பங்களுக்கு இந்த 300 ரூபாய் சேமிப்பு என்பது மிகப்பெரிய உதவியாகப் பார்க்கப்படுகிறது.
இந்த மானிய சலுகையை பெறுவதற்கு பயனாளர்கள் தங்களின் வங்கி கணக்குடன் அடையாள நம்பரை இணைத்திருப்பது மிக அவசியமாகும். கேஒய்சி எனப்படும் வாடிக்கையாளர் விவரங்களை சரியாகப் புதுப்பித்திருந்தால் மட்டுமே மானியத் தொகை எந்தவிதமான தடையுமின்றி கணக்கிற்கு வந்து சேரும். எண்ணெய் நிறுவனங்கள் மற்றும் விநியோகஸ்தர்கள் தரப்பில் இதற்கான ஏற்பாடுகள் துரிதப்படுத்தப்பட்டுள்ளன.
மானிய தொகை - சலுகைகள்
ஒருவேளை மானியம் வராத பட்சத்தில், சம்பந்தப்பட்ட ஏஜென்சிகளையோ அல்லது ஆன்லைன் போர்டல் மூலமாகவோ புகார்களை பதிவு செய்து தீர்வு காணலாம் என்றும் அறிவிக்கப்பட்டுள்ளது.
சர்வதேச சந்தையில் நிலவும் பொருளாதாரச் சூழல் மற்றும் எரிசக்தித் தேவையைப் பொறுத்து வரும் காலங்களில் விலையில் மேலும் சில மாற்றங்கள் வர வாய்ப்புள்ளது.
ஆனாலும், தேர்தல்கள் மற்றும் பண்டிகைக் காலங்களைக் கருத்தில் கொண்டு அரசு மானியத் தொகையைத் தொடர்ந்து வழங்கத் திட்டமிட்டுள்ளது. சாதாரண நுகர்வோர்களுக்கும் விலையை குறைக்க வேண்டும் என்ற கோரிக்கை எழுந்து வரும் நிலையில், இப்போது அறிவிக்கப்பட்டுள்ள இந்த மானியச் சலுகை உஜ்வாலா பயனாளர்களுக்கு மிகப்பெரிய நிம்மதியைத் தந்துள்ளதாகத் தெரிகிறது. விலை மாற்றங்கள் குறித்த உடனுக்குடன் செய்திகளைத் தெரிந்துகொள்ள அதிகாரப்பூர்வ இணையதளங்களைக் கண்காணிப்பது அவசியமாகும்...!!!
Click it and Unblock the Notifications
Sign in with Google