அரசு கல்லூரிகளில் சேர நாளை முதல் விண்ணப்பிக்கலாம்.. ரூ. 50 தான் விண்ணப்ப கட்டணம்! முழு விவரம்!

சென்னை: அரசு கலை கல்லூரிகளில் சேர நாளை முதல் விண்ணப்பிக்கலாம் என்று அறிவிக்கப்பட்டுள்ளது. இளநிலை பட்டப்படிப்பு முதலாமாண்டு மாணவர் சேர்க்கைக்கு நாளை முதல் விண்ணப்பிக்கலாம் என கல்லூரி கல்வி இயக்ககம் அறிவித்துள்ளது.

கல்லூரிகளில் 2024-2025ஆம் ஆண்டுக்கான மாணவர் சேர்க்கை விரைவில் தொடங்க உள்ளது. தமிழ்நாட்டில் பிளஸ் 2 தேர்வு முடிவுகள் நாளை (மே 6ஆம் தேதி) வெளியிடப்பட உள்ளன. சிபிஎஸ்இ 12ஆம் வகுப்பு தேர்வு முடிவுகள் மே 20ஆம் தேதி வாக்கில் வெளியிடப்பட உள்ளன. அதைத்தொடர்ந்து, கல்லூரிகளில் மாணவர் சேர்க்கை தீவிரமடையும்.

இந்நிலையில், தமிழ்நாட்டில் உள்ள அரசு கலை மற்றும் அறிவியல் கல்லூரிகளில் மாணவர் சேர்க்கைக்கான விண்ணப்ப பதிவு நாளை முதல் தொடங்க உள்ளதாக கல்லூரி கல்வி இயக்ககம் அறிவித்துள்ளது.

அரசு கலை மற்றும் அறிவியல் கல்லூரிகளில் 2024- 2025ஆம் ஆண்டுக்கான இளநிலை பட்டப்படிப்பு முதலாமாண்டு மாணவர் சேர்க்கைக்கு நாளை முதல் விண்ணப்பிக்கலாம் என கல்லூரி கல்வி இயக்ககம் அறிவித்துள்ளது.

www.tngasa.com என்ற இணையதள முகவரியில் நாளை முதல் விண்ணப்பிக்கலாம் என்றும், இணையதளம் வாயிலாக விண்ணப்பிக்க இயலாத மாணவர்கள் அரசு கலை அறிவியல் கல்லூரிகளில் உள்ள நேரடி சேர்க்கை உதவி மையங்கள் மூலமும் விண்ணப்பிக்கலாம் என தெரிவிக்கப்பட்டுள்ளது.

கல்லூரிகளில் சேர விண்ணப்பிக்க, விண்ணப்பக்க கட்டணமாக ரூ. 48 + பதிவுக் கட்டணமாக ரூ. 2 என மொத்தமாக ரூ. 50 செலுத்த வேண்டும். எஸ்.சி, எஸ்.டி பிரிவினருக்கு விண்ணப்பக் கட்டம் ஏதுமில்லை. பதிவுக் கட்டணம் ரூ. 2 மட்டும் செலுத்தினால் போதும்.

கட்டணத்தை டெபிட் கார்டு, கிரெடிட் கார்டு, நெட் பேங்கிங், யுபிஐ மூலம் செலுத்தலாம் என்றும், இணையம் வாயிலாக செலுத்த முடியாதவர்கள் கல்லூரிச் சேர்க்கை உதவி மையங்களில் "The Director, Directorate of Collegiate Education, Chennai - 15" என்ற பெயரில் 06/05/2024 அன்று அல்லது அதற்குப் பின்னர் பெற்ற வங்கி வரைவோலை மூலமாக செலுத்தலாம் என்றும் தெரிவிக்கப்பட்டுள்ளது.

மாணவர் சேர்க்கை வழிகாட்டி மற்றும் கவுன்சிலிங் கால அட்டவணையை www.tngasa.com இணையதளம் வாயிலாக அறிந்து கொள்ளலாம் என கல்லூரி கல்வி இயக்குநர் சார்பில் தெரிவிக்கப்பட்டுள்ளது.

English summary

It has been announced that students can apply for admission to government arts colleges from tomorrow. The Directorate of College Education has announced that students can apply for first year undergraduate degree admission from tomorrow.