தமிழ்நாட்டில் முதல் முறையாக வாக்களிக்க போகும் இளம் வாக்காளர்கள் எண்ணிக்கை எத்தனை தெரியுமா?

சென்னை: தமிழக தலைமை தேர்தல் அதிகாரி சத்யபிரதா சாகு இன்று வாக்காளர் பட்டியலை வெளியிட்டார். இதில், தமிழ்நாட்டில் முதல் முறையாக வாக்களிக்க போகும் இளம் வாக்காளர்கள் எண்ணிக்கை எத்தனை என்ற லிஸ்டையும் வெளியிட்டுள்ளார்.

நாடாளுமன்ற தேர்தலுக்கு இன்னும் சில மாதங்களே எஞ்சியிருக்கிறது. இதனால், தேர்தலுக்கான முன்னேற்பாடுகளை தேர்தல் ஆணையம் முழு வீச்சில் மேற்கொண்டு வருகிறது. வாக்காளர் பட்டியல் சரிபார்ப்பு, வாக்களர் பட்டியலில் பெயர் நீக்கம், சேர்த்தல் என பல்வேறு பணிகளை மேற்கொண்டு வருகிறது. இந்த நிலையில் தான் இன்று தமிழகத்தில் இறுதி வாக்காளர் பட்டியல் வெளியிடப்பட்டது.

தமிழக தலைமை தேர்தல் அதிகாரி சத்யபிரதா சாகு இன்று வாக்காளர் பட்டியலை வெளியிட்டார். இதில், தமிழ்நாட்டில் முதல் முறையாக வாக்களிக்க போகும் இளம் வாக்காளர்கள் எண்ணிக்கை எத்தனை என்ற லிஸ்டையும் வெளியிட்டுள்ளார். இதில் கூறப்பட்டிருப்பதாவது:-

சிறப்பு சுருக்க முறைத் திருத்தத்தின் ஒருங்கிணைக்கப்பட்ட இறுதி வாக்காளர் பட்டியலின்படி, தமிழ்நாட்டில் 6,18,90,348 வாக்காளர்கள் உள்ளனர். இதில், ஆண் வாக்காளர்கள் 3,03,96,330 மற்றும் பெண் வாக்காளர்கள் 3,14,85,724 மற்றும் மூன்றாம் பாலினத்தவர் 8,294 பதிவு செய்யப்பட்டுள்ளனர்.

இதில், முதல் முறையாக வாக்களிக்க போகும் இளம் வாக்காளர்கள் எண்ணிக்கையானது மொத்தம் 5,26,205 ஆகும். அதாவது, சிறப்பு சுருக்கமுறைத் திருத்தத்தின்போது, பெயர் சேர்த்தலுக்காக பெறப்பட்ட மொத்தப் படிவங்களில், 18 - 19 வயதுள்ள 5,26,205 வாக்காளர்கள் சேர்க்கப்பட்டுள்ளனர். இதில், ஆண்கள் 2,74,035, பெண்கள் 2,52,096 மற்றும் மூன்றாம் பாலினத்தவர் 74 ஆகும்.

வாக்காளர் பட்டியலினை, தலைமைத் தேர்தல் அதிகாரியின் வலைத்தளமான https://elections.tn.gov.in என்ற வலைத்தளத்தில் காணலாம். அதில் வாக்காளர்கள் தங்கள் பெயரைச் சரிபார்த்துக் கொள்ளலாம். இதேபோல், வாக்காளர் பட்டியல் தொடர் திருத்த நடைமுறை தற்போது செயல்பாட்டிலுள்ளது.

அதாவது 22.01.2024 முதல் 01.01.2024 அன்று வரை 18 வயது நிரம்பிய தகுதியுள்ள நபர்கள் வாக்காளர் பட்டியலில் பெயர் சேர்க்கப்படாமல் இருந்தால், கீழ்க்கண்ட முறைகளில் விண்ணப்பிக்கலாம். அதன்படி, i. வாக்காளர் பதிவு அதிகாரி அலுவலகத்தில் படிவம் 6-ஐ சமர்ப்பித்து விண்ணப்பிக்கலாம். ii. இணையம் மூலமாக (www.voters.eci.gov.in) என்ற வலைத்தளத்திலும் விண்ணப்பிக்கலாம். iii. கூகுள் பிளே ஸ்டோரிலிருந்து "Voter Helpline App" செயலியைத் தரவிறக்கம் செய்து அதன்மூலம் விண்ணப்பிக்கலாம்.

English summary

Chief Electoral Officer of Tamil Nadu Satyapratha Sahu released the voter list today. In this, he has published a list of the number of young voters who are going to vote for the first time in Tamil Nadu.