விஜய்க்கு யாருமே உதவவில்லை.. ஜனநாயகன் படத்தை திட்டமிட்டு நிறுத்திட்டாங்க - பிரபலம் பகீர் புகார்

Updated: Thursday, January 8, 2026, 7:11 [IST]

Subscribe to Oneindia Tamil

சென்னை: நடிகர் விஜயின் கடைசி படமான ‛ஜனநாயகன்' திரைப்படத்துக்கு ‛சென்சார்' சான்று கிடைக்காததால் அந்த திரைப்படம் ஜனவரி 9ம் தேதி ரிலீஸில் இருந்து தள்ளி வைக்கப்பட்டுள்ளது. இந்நிலையில் தான், ‛‛ஜனநாயகன் திரைப்படம் திட்டமிட்டு நிறுத்தப்பட்டுள்ளது.தமிழ்நாட்டில் திரைப்படத்துறை சார்பாக இத்தனை சங்கங்கள் இருந்தும் ஒருவர் கூட விஜய்க்கு ஆதரவாக குரல் கொடுக்காதது வருத்தத்தை ஏற்படுத்துகிறது'' என எழுத்தாளர் சமரன் பரபரப்பை கிளப்பி உள்ளார்.

நடிகர் விஜய் தமிழக வெற்றிக் கழகத்தை தொடங்கி உள்ளார். தமிழக சட்டசபை தேர்தலில் அவரது கட்சி களமிறங்க உள்ளார். இந்நிலையில் தான் விஜய் ‛ஜனநாயகன்' திரைப்படத்தில் நடித்துள்ளார். இந்த திரைப்படம் அவரது கடைசி திரைப்படமாகும். அதன்பிறகு முழுநேர அரசியலில் விஜய் கால்பதிக்க உள்ளார்.

jana-nayagan-has-been-deliberately-stopped-and-no-one-supported-to-actor-vijay-says-samaran

இந்த திரைப்படத்தை இயக்குநர் எச் வினோத் இயக்கி உள்ளார். அனிருத் இசையமைத்துள்ளார். இந்த திரைப்படம் பொங்கல் பண்டிகையொட்டி வரும் 9 ம் தேதி ரிலீஸ் ஆகும் என்று அறிவிக்கப்பட்டது. ஆனால் படத்துக்கான சென்சார் சான்று கிடைக்கவில்லை. இதனால் திரைப்படம் தள்ளி வைக்கப்பட்டுள்ளது.

ஜனவரி 9ம் தேதிக்கு பதில் வேறு தேதிக்கு திரைப்படம் வெளியாக உள்ளது. திரைப்படம் வெளியாகும் தேதி பின்னர் அறிவிக்கப்படும் என்று ‛ஜனநாயகன்' திரைப்படத்தின் தயாரிப்பு நிறுவனம் கேவிஎன் புரோடக்சன் அறிவித்துள்ளது. இது ரசிகர்களை சோகத்தில் ஆழ்த்தி உள்ளது. இந்நிலையில் தான் ஜனநாயகன் திரைப்படம் திட்டமிட்டு நிறுத்தப்பட்டுள்ளதாக எழுத்தாளரும், ஊடகவியலாளருமான சமரன் பரபரப்பான குற்றச்சாட்டை முன்வைத்துள்ளார்.

இதுதொடர்பாக அவர் வெளியிட்டுள்ள அறிக்கையில், ‛‛ஜனநாயகன் திரைப்படம் திட்டமிட்டு நிறுத்தப்பட்டுள்ளது என்பது தான் உண்மை. தமிழ்நாட்டில் திரைப்படத்துறை சார்பாக இத்தனை சங்கங்கள் இருந்தும் ஒருவர் கூட விஜய்க்கு ஆதரவாக குரல் கொடுக்காதது வருத்தத்தை ஏற்படுத்துகிறது. ஜனநாயக முறைப்படி இதையும் விஜய் எதிர்கொண்டு மீண்டு வந்து தான் ஒரு ஜனநாயகன் என்பதை நிரூபிப்பார். வாழ்த்துகள்'' என்று கூறியுள்ளார்.