கும்பகோணம் மக்களுக்கு வந்தது குட்நியூஸ்.. இந்த 2 நாளையும் நோட் பண்ணுங்க முதல்ல.. தமிழக அரசு அதிரடி

சென்னை: வார இறுதி நாட்கள் நெருங்குகிறது.. விடுமுறைகளும் ஆரம்பமாகிறது.. இதையடுத்து, கும்பகோண மக்களுக்கு முக்கிய செய்தி ஒன்று வெளியாகி உள்ளது.

வழக்கமாக வார இறுதி நாட்களில் சுற்றுலா பயணிகளின் எண்ணிக்கை அதிகரிக்கும்.. அதிலும், தென் மாவட்டங்களில், வார இறுதி நாட்களில் வெளியூர் செல்லவும், நகரங்களுக்கு பயணம் செய்யவும் பஸ்களில் கூட்ட நெரிசல் அதிகமாகவே இருக்கும்..

இந்த சிக்கலை போக்கவும், பொதுமக்களின் வசதிக்காகவும் வார இறுதிகளில் கூடுதல் பஸ்களை இயக்க அரசு போக்குவரத்து கழகம் திட்டமிட்டு வருகிறது.

கும்பகோணம்: கும்பகோணத்தில் வார இறுதி நாட்களான ஜூலை 8 மற்றும் ஜூலை 9ம் தேதிகளில் 300 சிறப்பு பேருந்துகள் இயக்கப்படும் என அறிவிக்கப்பட்டுள்ளது. தஞ்சை, பட்டுக்கோட்டை, நாகை, திருவாரூர், மயிலாடுதுறை உள்ளிட்ட ஊர்களுக்கு சிறப்பு பேருந்துகள் இயக்கப்படவுள்ளதாக தமிழ்நாடு அரசு போக்குவரத்துக் கழக கும்பகோணம் கோட்டத்தின் மேலாண் இயக்குநர் மோகன் அறிவித்துள்ளார்.

அறிவிப்பு: இதுகுறித்து செய்திக்குறிப்பு ஒன்றையும் வெளியிட்டுள்ளார்.. அந்த அறிவிப்பில், "கும்பகோணம் கோட்ட அரசு போக்குவரத்துக் கழகம் சார்பில் வரும் ஜூலை 8-ம் மற்றும் 9-ம் தேதிகளில் வார விடுமுறையை முன்னிட்டு பொதுமக்களின் வசதிக்காகத் திருச்சி, கும்பகோணம், தஞ்சாவூர், பட்டுக்கோட்டை, நாகப்பட்டிணம், திருவாரூர், மயிலாடுதுறை, வேதாரண்யம், திருத்துறைப்பூண்டி, புதுக்கோட்டை, காரைக்குடி, ராமநாதபுரம் ஆகிய ஊர்களில் இருந்து சென்னைக்கு சிறப்பு பேருந்துகள் இயக்கப்பட உள்ளது.

அதேபோல, சென்னையில் இருந்து திருச்சி, கும்பகோணம், தஞ்சாவூர், பட்டுக்கோட்டை, நாகப்பட்டிணம், வேளாங்கண்ணி, திருவாரூர், மயிலாடுதுறை, வேதாரண்யம், திருத்துறைப்பூண்டி, புதுக்கோட்டை, காரைக்குடி, ராமநாதபுரம் ஆகிய ஊர்களுக்கு 200 பேருந்துகளும், திருச்சியில் இருந்து கோயம்புத்தூர், திருப்பூர், மதுரை ஆகிய ஊர்களுக்கும், கோவை, திருப்பூர், மதுரை ஆகிய ஊர்களில் இருந்து திருச்சிக்கும், திருச்சியில் இருந்து காரைக்குடி, புதுக்கோட்டை, தஞ்சாவூர், நாகப்பட்டிணம், வேளாங்கண்ணி ஆகிய ஊர்களுக்கு 100 பேருந்துகள் கூடுதலாக 7-ம் தேதி, 8-ம் தேதி என மொத்தம் 300 சிறப்பு பேருந்துகள் இயக்கப்பட உள்ளது.

வார விடுமுறை: வார விடுமுறைக்கு வந்த பயணிகள் மறுபடியும் அவரவர் ஊர்களுக்கு திரும்ப சென்றிட வரும் 9, 10-ம் தேதிகளில் சென்னை தடத்தில் 200 சிறப்பு பஸ்களும், பிறத்தடங்களில் 100 சிறப்பு பஸ்களும் இயக்கப்படவுள்ளது. எனவே, பொதுமக்கள் அரசு சிறப்பு பேருந்துகளை பயன்படுத்திக்கொள்ளலாம்" என்று தெரிவித்துள்ளார்

English summary

Kumbakonam division government transport corporation additional special buses from 8th to 9th