அரசியலுக்கு வருகிறேன்! முடிவை அறிவித்தார் லாரன்ஸ்! விஜய்யின் தவெகவா? அண்ணாமலை இயக்கமா?

சென்னை: தமிழக அரசியலில் சினிமா பிரபலங்களின் வரவு என்பது காலம் காலமாகத் தொடர்ந்து வரும் ஒரு மரபு. அந்த வரிசையில், தற்போது மற்றுமொரு முன்னணி நட்சத்திரமான நடிகர், இயக்குனர் மற்றும் நடன இயக்குனர் ராகவா லாரன்ஸ் தனது அரசியல் வருகையை அறிவித்துள்ளார்.

நீண்ட நாட்களாக நிலவி வந்த அரசியல் யூகங்களுக்கு முற்றுப்புள்ளி வைக்கும் வகையில், அவர் வெளியிட்டுள்ள வீடியோ பதிவு தற்போது சமூக வலைத்தளங்களிலும் அரசியல் வட்டாரங்களிலும் பெரும் விவாதப் பொருளாக மாறியுள்ளது.பதவிக்காக வரவில்லை; சூழ்நிலை தான் காரணம்.. மக்களுக்காக பணியாற்ற வருகிறேன்! என்று ராகவா லாரன்ஸ் வெளியிட்டுள்ள வீடியோ பதிவில், தான் அரசியலுக்கு வர வேண்டும் என்று எப்போதுமே திட்டமிட்டதில்லை என்று வெளிப்படையாகக் குறிப்பிட்டுள்ளார்.

"பணம் சம்பாதிப்பதற்கோ அல்லது பெரிய பதவிகளை அடைவதற்கோ எனக்கு எப்போதுமே ஆசை இருந்தது கிடையாது. மக்களின் தேவைகளுக்கு தூணாக நின்று என்னால் முடிந்த மக்கள் சேவையைச் செய்ய வேண்டும் என்றுதான் நினைத்திருந்தேன். தற்போதைய சூழ்நிலைகள் என்னை நேரடியாகவே அரசியலில் களம் இறங்க வேண்டிய சூழலுக்கு தள்ளியிருக்கிறது" என்று லாரன்ஸ் உருக்கமாகப் பேசியுள்ளார்.

ஏற்கனவே தனது அறக்கட்டளை (Trust) மூலமாகப் பல்லாயிரக்கணக்கான ஏழை எளிய மக்களுக்கும், மாற்றுத்திறனாளி குழந்தைகளுக்கும், மருத்துவ உதவி தேவைப்படுபவர்களுக்கும் லாரன்ஸ் பல வருடங்களாகச் சேவை செய்து வருகிறார் என்பது குறிப்பிடத்தக்கது. தற்போதைய இந்த அரசியல் முடிவு, அந்த மக்கள் சேவையை இன்னும் அடுத்த கட்டத்திற்கு, பெரிய அளவில் கொண்டு செல்வதற்கான ஒரு முயற்சி என்றும் அவர் தெளிவுபடுத்தியுள்ளார்.

விஜய் தவெக மற்றும் அண்ணாமலையின் வீ தி லீடர்ஸ் பற்றி பேச்சு

சமீபத்தில் நடந்து முடிந்த தமிழக சட்டமன்றத் தேர்தலுக்குப் பிறகு, தமிழக அரசியல் களம் பெரும் மாற்றங்களைச் சந்தித்தது. குறிப்பாக, தவெக தலைவர் முதல்வர் விஜய் தற்போதைய அரசியல் சூழலில் மிக முக்கியமான இடத்தைப் பிடித்துள்ளார். அவர் வெற்றிபெற்ற திருச்சி கிழக்கு தொகுதி இடைத்தேர்தல் வரவிருக்கும் நிலையில், அந்தத் தொகுதியில் தமிழக வெற்றிக் கழகத்தின் (TVK) சார்பாக ராகவா லாரன்ஸ் போட்டியிடப் போகிறார் என்று பரவலாகப் பேசப்பட்டு வந்தது.

இந்நிலையில்தான், தனது வீடியோவில் தமிழக அரசியலின் தற்போதைய முக்கிய நகர்வுகள் குறித்து லாரன்ஸ் பேசியுள்ளார். குறிப்பாக, தமிழக முதல்வர் விஜய்யின் 'தமிழக வெற்றிக் கழகம்' (TVK) குறித்து அவர் தனது கருத்துக்களைப் பகிர்ந்துள்ளார். விஜய்யின் அரசியல் செயல்பாடுகளையும், சமகால அரசியல் மாற்றங்களையும் தான் உன்னிப்பாகக் கவனித்து வருவதாக அவர் குறிப்பிட்டுள்ளார்.

Do your duty sincerely, without expecting anything in return.

After watching this video, please share your advice and guidance in the comments. If you say “No,” I will not enter politics and will continue my selfless service to society. But if you say “Yes,” I am ready to enter… pic.twitter.com/VwPFjdaUqy

— Raghava Lawrence (@offl_Lawrence) June 12, 2026

அதில், விஜய்யுடன் இணைந்து அரசியலில் பயணிக்க என் தாய் அனுமதி அளித்துவிட்டார். அரசியலுக்கு வரலாமா வேண்டாமா? மக்களாகிய நீங்கள் சொல்லுங்கள். எனது சுயநலமற்ற சமூக சேவைகளை எப்போதும் போலத் தொடர்வேன். உங்கள் ஆலோசனைகளை கமெண்டில் பகிருங்கள்
மக்கள் 'வேண்டாம்' என சொன்னால், அரசியலுக்கு வரமாட்டேன். நண்பர் முதல்வர் விஜய் செய்யும் அரசியலை கவனித்து வருகிறேன். ஜாதி மதம் இல்லாமல், காசு கொடுக்காமல் விஜய் வென்றுள்ளார் . அதை பார்த்தே அரசியலுக்கு வர தீர்மானித்தேன், தமிழக தேர்தலில் விஜய் மொத்தமாக அரசியலையே மாற்றி அமைத்துள்ளார், என்று லாரன்ஸ் குறிப்பிட்டுள்ளார்.

"நான் எந்தக் கட்சியில் சேர வேண்டும்?" - மக்களிடம் கேட்ட லாரன்ஸ்!

இந்த அறிவிப்பில் மிக முக்கியமான மற்றும் சுவாரசியமான விஷயம் என்னவென்றால், ராகவா லாரன்ஸ் தான் எந்தக் கட்சியில் இணையப் போகிறேன் என்பதை நேரடியாக அறிவிக்கவில்லை. மாறாக, அந்த முடிவை அவர் மக்களிடமே விட்டுள்ளார்."விஜய்யின் தவெக கட்சியில் இணைய வேண்டுமா? அண்ணாமலையின் புதிய அமைப்பில் சேர வேண்டுமா? அல்லது வேறு ஏதேனும் கட்சியைத் தேர்ந்தெடுக்க வேண்டுமா? என்பதை என் மீது அன்பு வைத்திருக்கும் பொதுமக்களும், ரசிகர்களுமே எனக்கு ஆலோசனையாகச் சொல்லலாம். நீங்கள் காட்டும் வழியில்தான் என் அரசியல் பயணம் அமையும்" என்ற தொனியில் பேசி லாரன்ஸ் ஒரு புதிய பாணியைக் கையாண்டுள்ளார்.

அரசியல் வட்டாரத்தில் கிளம்பியுள்ள புதிய விவாதங்கள்

லாரன்ஸின் இந்த அறிவிப்பு வெளியானதைத் தொடர்ந்து, சமூக வலைத்தளங்களில் ரசிகர்கள் மற்றும் அரசியல் விமர்சகர்கள் தங்களது கருத்துக்களைத் தெரிவிக்கத் தொடங்கிவிட்டனர். ஒரு தரப்பினர், விஜய்யுடன் லாரன்ஸுக்கு இருக்கும் நட்பு மற்றும் திருச்சி கிழக்கு தொகுதி யூகங்களை வைத்து, அவர் 'தவெக' கட்சியில் இணைவதே சரியாக இருக்கும் என்று கூறி வருகின்றனர். மற்றொரு தரப்பினர், அண்ணாமலையின் புதிய அமைப்புடன் அவர் கைகோர்க்க வாய்ப்புள்ளதாகவும் விவாதிக்கின்றனர். எது எப்படியாயினும், தனக்கென ஒரு தனித்துவமான மக்கள் செல்வாக்கையும், நற்பெயரையும் கொண்டுள்ள ராகவா லாரன்ஸின் இந்த அரசியல் பிரவேசம், 2026-ன் தற்போதைய பிந்தைய அரசியல் சூழலில் ஒரு புதிய திருப்பத்தை ஏற்படுத்தும் என்பதில் சந்தேகமில்லை. மக்கள் அளிக்கப்போகும் பரிந்துரைகளை ஏற்று லாரன்ஸ் எடுக்கப்போகும் அந்த இறுதி முடிவு என்னவாக இருக்கும் என்பதைப் பொறுத்திருந்துதான் பார்க்க வேண்டும்.

English summary

Raghava Lawrence political entry: Actor drops major hint on TVK Vijay and Annamalai's new party