சென்னையை குறிவைக்கும் மழை..3 நாட்களுக்கு மிக கவனம்.. புயலாக மாறாது..பாலச்சந்திரன் சொன்ன குட் நியூஸ்

சென்னை: வங்கக்கடலில் உருவாகியுள்ள குறைந்த காற்றழுத்த தாழ்வு மையம் காரணமாக நாளைய தினம் சென்னையில் கனமழையும் 11 மற்றும் 12ஆம் தேதியன்று மிக கனமழை பெய்ய வாய்ப்பு உள்ளதாகவும் வானிலை ஆய்வு மைய தென்மண்டல தலைவர் பாலச்சந்திரன் கூறியுள்ளார். 13ஆம் தேதி ஓரிரு பகுதிகளில் மிக கனமழை பெய்ய வாய்ப்பு உள்ளதாகவும் பாலச்சந்திரன் தெரிவித்துள்ளார்.

சென்னையில் செய்தியாளர்களிடம் இன்று பேசிய பாலச்சந்திரன், தென்மேற்கு வங்கக்கடல் மற்றும் அதனை ஒட்டியுள்ள பகுதிகளின் மேல் ஒரு காற்றழுத்த தாழ்வு பகுதி உருவாகியுள்ளது. இது அடுத்த 48 மணி நேரத்தில் சற்றே வலுப்பெற்று தமிழகம், புதுவை கடற்கரையை நோக்கி அடுத்த மூன்று தினங்களில் நகரக்கூடும்.

இதன் காரணமாக இன்று ஒரு சில இடங்களிலும் 10ஆம் தேதி அநேக இடங்களிலும் 11,12,13ஆம் தேதிகளில் கனமழை முதல் மிக கனமழை வரை பெய்ய வாய்ப்பு உள்ளது.

பாலச்சந்திரன் பேட்டி

கடந்த 24 மணி நேரத்தில் தமிழகம், புதுச்சேரியில் ஓரிரு இடங்களில் கனமழை பெய்துள்ளது. அதிகபட்சமாக காரைக்காலில் 6 செமீ அளவிற்கு மழை பதிவாகியுள்ளது. குறைந்த காற்றழுத்த தாழ்வுப்பகுதி வலுவடையும் அதே நேரத்தில் அது புயலாக மாற வாய்ப்பு இல்லை என்றும் பாலச்சந்திரன் கூறியுள்ளார்.

படிப்படியாக அதிகரிக்கும் மழை

9ஆம் தேதி ஒருசில இடங்களில் கனமழை பெய்ய வாய்ப்பு உள்ளது. 10ஆம் தேதி அநேக இடங்களில் மழை பெய்ய வாய்ப்பு உள்ளது. 11 மற்றும் 12ஆம் தேதி பெரும்பாலான இடங்களில் மிக கனமழை பெய்ய வாய்ப்பு உள்ளது.
மிக கனமழை படிப்படியாக அதிகரிக்கும்.

புயலாக மாறாது

வட கடலோர மாவட்டங்களிலும் அதை ஒட்டியுள்ள பகுதிகளிலும் மிக கனமழை பெய்ய வாய்ப்பு உள்ளது. காற்றழுத்த தாழ்வுப்பகுதி பரவியிருப்பதால் பரவலாக மழை பெய்ய வாய்ப்பு. புயல் பற்றி தற்போது கணிப்பு எதுவும் இல்லை என்றும் பாலச்சந்திரன் கூறினார்.

சென்னையில் அதிக மழை

தமிழகம், புதுவை, காரைக்கால் பகுதியில் நவம்பர் 1ஆம் தேதி முதல் 09ஆம் தேதி வரைக்கும் பதிவான மழையின் அளவு 238 மில்லி மீட்டர். இந்த கால கட்டத்தின் இயல்பான அளவு 244 மில் மீட்டர். இது 2 சதவிகிதம் குறைவாகும். சென்னையைப் பொருத்தவரைக்கும் அக்டோபர் முதல் நவம்பர் 8ஆம் தேதி வரைக்கும் பதிவான மழையின் அளவு 46 செமீ இந்த கால கட்டத்தில் இயல்பான அளவு 40 செமீ. இது இயல்பை விட 13 செமீ அதிகமாகும்.

English summary

Balachandran, head of the Meteorological Center, said that there is a possibility of heavy rains in Chennai tomorrow and very heavy rains on the 11th and 12th due to the low pressure center formed in the Bay of Bengal. On 13th there is a possibility of very heavy rain in one or two places