திமுக 112.. அதிமுக 52.. முடிவை நிர்ணயிக்க போகும் 70 இழுபறி தொகுதிகள்.. சத்தியம் சர்வே முடிவுகள்!

Updated: Monday, March 29, 2021, 8:53 [IST]

Subscribe to Oneindia Tamil

சென்னை: சத்தியம் தொலைக்காட்சி கருத்து கணிப்பின்படி திமுக கூட்டணி மிகப்பெரிய வெற்றியை பெறும் என்று கூறப்பட்டுள்ளது .

தமிழக சட்டசபை தேர்தலில் எந்தெந்த கட்சி எவ்வளவு இடங்களை பிடிக்கும் என்று சத்தியம் தொலைக்காட்சி கருத்த கணிப்புகளை வெளியிட்டுள்ளது. தமிழகம் முழுக்க தொகுதி வாரியாக சர்வே செய்து சத்தியம் தொலைக்காட்சி கருத்து கணிப்புகளை வெளியிட்டுள்ளது.

இதில் பல இழுபறி நீடிக்கும் என்று கூறப்பட்டுள்ளது. சத்தியம் கருத்து கணிப்பின்படி அதிமுகவை விட திமுகவே அதிக இடங்களை வெல்லும்.

கணிப்பு

தமிழக சட்டசபை தேர்தல் சத்தியம் கருத்து கணிப்பின்படி திமுக 112 இடங்களில் வெல்லும், அதிமுக 52 இடங்களில் வெற்றிபெறும், 70 தொகுதிகளில் இழுபறி நீடிக்கும். இதில் 70 இழுபறி தொகுதிகளில் 38 திமுகவுக்கு சாதகமாக உள்ளது, 29 அதிமுகவுக்கு சாதகமாக உள்ளது என்று சத்தியம் தொலைக்காட்சி கூறியுள்ளது.

தெற்கு மண்டலம்

மண்டல வாரியாக தெற்கு மண்டலத்தில் திமுக மிகவும் வலிமையாக இருக்கிறது. எப்போதும் போல தெற்கு மண்டலத்தில் இந்தமுறையும் திமுகவே வெற்றிபெறும். தெற்கு மண்டலத்தில் திமுக 31 இடங்களில் வெற்றிபெறும். அதிமுக 9 இடங்களில் வெற்றிபெறும். 18 இழுபறி நீடிக்கும்.

கொங்கு

எப்போதும் கொங்கு மண்டலத்தில் வலுவாக இருக்கும் அதிமுக இந்த முறை கொங்கில் சரிவை சந்தித்து இருக்கிறது. கொங்கு மண்டலம்: திமுக 28 இடங்களில் வெற்றிபெறும். அதிமுக 16 இடங்களில் வெற்றிபெறும். 17 இழுபறி நீடிக்கும்.

டெல்டா

டெல்டா மண்டலத்தில் இந்த முறையும் திமுக அதிக இடங்களில் வெற்றிபெற உள்ளது. டெல்டா மத்திய மண்டலம்: திமுக 22 இடங்களில் வெற்றிபெறும். அதிமுக 8 இடங்களில் வெற்றிபெறும். 7 இழுபறி நீடிக்கும்.வடக்கு மண்டலம்: திமுக 23 இடங்களில் வெற்றிபெறும். அதிமுக 17 இடங்களில் வெற்றிபெறும். 22 இழுபறி நீடிக்கும்.