புதுச்சேரியில் 16 தொகுதிகளில் என்.ஆர்.காங்கிரஸ் போட்டி.. பாஜக + அதிமுக + லஜகவுக்கு 14 சீட்!

புதுச்சேரி: புதுச்சேரி சட்டசபை தேர்தலில் என்.ஆர்.காங்கிரஸ் 16, பாஜக 14 இடங்களில் போட்டியிடுவதாக அறிவிக்கப்பட்டுள்ளது. பாஜகவிடம் உள்ள 14 தொகுதிகளில் அதிமுக, லட்சிய ஜனநாயக கட்சி ஆகியவற்றிற்கு தொகுதிகள் ஒதுக்கப்படும் என முடிவு செய்யப்பட்டுள்ளது.

புதுச்சேரியில் முதலமைச்சர் ரங்கசாமி தலைமையில் என்.ஆர்.காங்கிரஸ், பாஜக கூட்டணி ஆட்சி நடந்து வருகிறது. வரும் சட்டமன்ற தேர்தலிலும் இதே கூட்டணி தொடர்கிறது. இதை கடந்த மாதம் 14 ஆம் தேதி காரைக்காலுக்கு வந்த மத்திய உள்துறை அமைச்சர் அமித்ஷா வை சந்தித்த பின் முதலமைச்சர் ரங்கசாமி அறிவித்தார். கடந்த தேர்தலில் 16 தொகுதிகளில் என்ஆர்.காங்கிரஸ் போட்டியிட்டது.

இந்நிலையில், என்ஆர்.காங்கிரஸ், பாஜக இடையே தொகுதி பங்கீடு குறித்து பேச்சுவார்த்தை நடைபெற்று வந்தது. பாஜக மேலிட பொறுப்பாளர் நிர்மல்குமார் சுரானா உள்ளிட்டோர் அடங்கிய குழுவினர் பேச்சுவார்த்தை நடத்தி வந்தனர். இந்நிலையில் என்.ஆர்.காங்கிரஸ் - பாஜக இடையே தொகுதிப் பங்கீடு பேச்சுவார்த்தை நிறைவு பெற்றது.

புதுச்சேரி சட்டமன்ற தேர்தலில் என்.ஆர்.காங்கிரஸ் 16, பாஜக 14 இடங்களில் போட்டியிடுவதாக அறிவிக்கப்பட்டுள்ளது. பாஜகவிடம் உள்ள 14 தொகுதிகளில் அதிமுக, லட்சிய ஜனநாயக கட்சிக்கு தொகுதிகள் ஒதுக்கப்படும் என புதுச்சேரி முதல்வர் ரங்கசாமி உடனான ஆலோசனைக்கு பின் பாஜக மேலிட பொறுப்பாளர் நிர்மல் குமார் சுரானா பேட்டி அளித்துள்ளார்.

English summary

It has been announced that the NR Congress will contest 16 seats and the BJP 14 seats in the Puducherry Legislative Assembly elections. It has been decided that seats will be allocated to the AIADMK and the LJK from the 14 constituencies held by BJP.