+2 தேர்வு ரிசல்ட்: 12ம் வகுப்பு தேர்ச்சி விகிதத்தில் அரசு பள்ளிகளை முந்திய தனியார் பள்ளிகள்! பின்னணி

சென்னை: தமிழ்நாட்டில் +2 தேர்வுகளில் இந்த முறை அரசு பள்ளிகளை விட தனியார் பள்ளிகளில்தான் தேர்ச்சி விகிதம் பதிவாகி உள்ளது.

தமிழ்நாட்டில் பிளஸ் 2 மாணவர்களுக்கு கடந்த மே 5ம் தேதி பொதுத் தேர்வுகள் நடத்தப்பட்டது. தமிழ்நாடு முழுக்க மொத்தம் இந்த தேர்வில் 8.5 லட்சம் மாணவ, மாணவிகள் பொதுத் தேர்வு எழுதினார்கள்.

7,534 பள்ளிகளை சேர்ந்த மாணவ, மாணவியர் மொத்தமாக தேர்வுகளை எழுதி உள்ளனர். இதையடுத்து விடைத்தாள்கள் திருத்தும் பணி முடிந்து இன்று காலை தேர்வு முடிவுகள் வெளியிடப்பட்டன.

தேர்ச்சி விவரங்கள்

இந்த வருடம் 12ம் வகுப்பு தேர்வு எழுதியவர்கள் மற்றும் தேர்ச்சி பெற்றவர்களின் விவரம் பின் வருமாறு.

• தேர்வெழுதிய மொத்த மாணக்கர்களின் எண்ணிக்கை: 8,06,277
• மாணவியர்களின் எண்ணிக்கை : 4,21,622
• மாணவர்களின் எண்ணிக்கை 3,84,655
• தேர்ச்சிப் பெற்றவர்கள் : 7,55,998 (93.76%)

மாணவ மாணவியர் வேறுபாடு

மாணவியர் 4,06,105 (96.32%) தேர்ச்சி அடைந்துள்ளனர்.
மாணவர்கள் 3,49,893 (90.96%) தேர்ச்சி அடைந்துள்ளனர்.
மாணவர்களை விட மாணவியர் 5.36% அதிகம் தேர்ச்சிப் பெற்றுள்ளனர்,
கடந்த மார்ச் - 2020-ஆம் ஆண்டு நடந்த பொதுத்தேர்வில் தேர்வெழுதிய மாணக்கர் 7,99,717. தேர்ச்சிப் பெற்றோர் 7,20,209. தேர்ச்சி விகிதம் 92.3%.
கடந்த முறையைவிட இந்த முறை தேர்ச்சி விகிதம் அதிகம்.

எத்தனை பள்ளிகள்

மொத்தமாக 12ம் வகுப்பு தேர்வுக்கு மாணவர்களை அனுப்பிய மேல்நிலைப் பள்ளிகளின் எண்ணிக்கை 7499.இதில் 100% தேர்ச்சிப் பெற்ற மேல்நிலைப் பள்ளிகளின் எண்ணிக்கை - 2628. 100% தேர்ச்சிப் பெற்ற அரசு மேல்நிலைப் பள்ளிகளின் எண்ணிக்கை -246. 246 அரசு மேல் நிலை பள்ளிகளில் உள்ள எல்லா மாணவ, மாணவியரும் தேர்வில் வென்றுள்ளனர்.

தனியார் பள்ளிகள் விவரம்

பள்ளிகள் வகைப்பாடுவாரியான தேர்ச்சி விகிதம்

1. அரசுப் பள்ளிகள் 89.06%
2 அரசு உதவி பெறும் பள்ளிகள் 94.87%
3. தனியார் சுயநிதிப் பள்ளிகள் 99.15%
4. இருபாலர் பள்ளிகள் 94.05%
5. பெண்கள் பள்ளிகள் 96.37%
6. ஆண்கள் பள்ளிகள் 86.60%

தமிழ்நாட்டில் +2 தேர்வுகளில் இந்த முறை அரசு பள்ளிகளை விட தனியார் பள்ளிகளில்தான் தேர்ச்சி விகிதம் பதிவாகி உள்ளது.

எங்கு பார்க்கலாம்

இணைய பக்கங்களில் தேர்வு முடிவுகளை உடனுக்குடன் காண ஏற்பாடு செய்யப்பட்டுள்ளது
http://www.tnresults.nic.in/, http://www.dge1.tn.nic.in/, ஆகிய பக்கங்களில் தேர்வு முடிவை காணலாம். இந்த பக்கங்கள் டவுன் ஆகும் பட்சத்தில், பின் வரும் பக்கங்களில் தேர்வு முடிவுகளை காணலாம்.
http://www.dge2.tn.nic.in/, https://www.dge.tn.gov.in/ ஆகிய பக்கங்களில் தேர்வு முடிவை காணலாம்

English summary

TN +2 Result 2022: Private School record better passing percentage than Government schools. தமிழ்நாட்டில் +2 தேர்வுகளில் இந்த முறை அரசு பள்ளிகளை விட தனியார் பள்ளிகளில்தான் தேர்ச்சி விகிதம் பதிவாகி உள்ளது.