அதெல்லாம் இல்ல! மேட்டரே வேறயாம்.. 2 நாளில்.. முதல்வர் ஸ்டாலின் சொல்ல போகும் "அந்த" நல்ல செய்தி என்ன?

Updated: Thursday, February 17, 2022, 17:59 [IST]

Subscribe to Oneindia Tamil

சென்னை: இன்னும் 2 நாட்களில் முக்கியமான நல்ல செய்தி ஒன்றை வெளியிடுவேன் என்று முதல்வர் ஸ்டாலின் குறிப்பிட்டுள்ளார். அவரின் இந்த அறிவிப்பு பல யுகங்களுக்கு வழி வகுத்துள்ளது.

சென்னை 45-வது புத்தகக் கண்காட்சியை தொடங்கி வைத்து நேற்று சென்னையில் பேசிய முதல்வர் ஸ்டாலின், இன்னும் 2 நாட்களில் முக்கியமான அறிவிப்பு ஒன்றை வெளியிடுவேன் என்று கூறினார். ஒரு முக்கியமான நல்ல செய்தியை கூறுவேன்.

இப்போது நகர்ப்புற உள்ளாட்சி தேர்தல் நடக்கிறது. இப்போது நான் நலத்திட்டங்கள், அறிவிப்புகள் எதையும் வெளியிட கூடாது. அது தேர்தல் விதி மீறலாக இருக்கும்.

ஸ்டாலின் அறிவிப்பு

தேர்தல் விதிமுறைகள் எல்லாம் உங்களுக்குத் தெரியும். தேர்தல் முடிந்ததும் நான் முக்கியமான அந்த நல்ல செய்தியை சொல்வேன். இவ்வளவு நாள் பொறுத்திருந்தீர்கள். அதற்கு நன்றி. இன்னும் 2 நாட்கள் மட்டும் பொறுத்திருங்கள் என்று முதல்வர் ஸ்டாலின் குறிப்பிட்டார். முதல்வர் ஸ்டாலினின் இந்த அறிவிப்பு பல யுகங்களுக்கும், விவாதங்களுக்கும் வழி வகுத்துள்ளது.

உரிமை தொகை

இந்த நிலையில் முதல்வர் ஸ்டாலின் வெளியிட போகும் அந்த நல்ல செய்தி என்பது குடும்ப தலைவிகளுக்கு மாதம் 1000 ரூபாய் வழங்கும் திட்டம் என்று முதலில் தகவல்கள் வந்தன. திமுகவின் தேர்தல் அறிக்கையில் கூறப்பட்ட இந்த வாக்குறுதி இன்னும் நிறைவேற்றப்படவில்லை. நகர்ப்புற உள்ளாட்சி தேர்தலில் இந்த வாக்குறுதி பெரிய விவாதத்தை ஏற்படுத்தி உள்ளது. பெண்கள் பலர் இதனால் திமுக மீது கொஞ்சம் அதிருப்தியில் இருப்பதாகவும் கூறப்படுகிறது.

அதிருப்தி

எதிர்க்கட்சிகள் இதை வைத்து விமர்சனம் செய்து வருகின்றன. இப்படிப்பட்ட நிலையில்தான் முதல்வர் அந்த வாக்குறுதியை நிறைவேற்றி அறிவிப்பை வெளியிடலாம் என்று செய்திகள் வந்தன. ஆனால் தலைமை செயலக வட்டாரத்தில் விசாரித்ததில் அதெல்லாம் இல்ல! மேட்டரே வேற என்கிறார்கள் சில டாப் அதிகாரிகள். ஆம், குடும்ப தலைவிக்கு 1000 ரூபாய் மாதம் மாதம் கொடுக்கும் திட்டம் கண்டிப்பாக நிறைவேற்றப்படும். அதை பற்றி பட்ஜெட்டில் அறிவிப்பு வரலாம்.

பட்ஜெட் அறிவிப்பு

பட்ஜெட்டுக்கு முன் நிதி நிலை அறிக்கை வெளியாகும். அதன்பின் இந்த அறிவிப்பு கண்டிப்பாக வெளியாகும். அதை முதல்வரே ஏற்கனவே பிரச்சாரத்தில் கூறிவிட்டார். இதை பற்றி பிரச்சாரத்தில் பல முறை முதல்வரே பேசிவிட்டார். அதில் எதுவும் சர்ப்ரைஸ் இருக்க போவது இல்லை. ஆனால் முதல்வர் 2 நாளில் வெளியிட போகும் அந்த நல்ல செய்தி வேறு ஒன்று.. உரிமை தொகை பற்றி முதல்வர் ஸ்டாலின் பேசவில்லை. அவர் சொல்லும் அந்த நல்ல அறிவிப்பு வேறு ஒன்று என்று தலைமை செயலக அதிகாரிகள் கூறுகிறார்கள்.

வேறு ஒன்று

அந்த அறிவிப்பு கண்டிப்பாக மக்கள் பல நாளாக வைத்த கோரிக்கை ஒன்றாக இருக்கும். இது அமைச்சரவை மாற்றம் தொடர்பான அறிவிப்பாகவும் இருக்காது என்கிறார்கள். இது மக்கள் நலத்திட்டம் சார்பான ஒரு அறிவிப்பாக இருக்கும் என்று தலைமை செயலக வட்டாரங்கள் தெரிவிக்கின்றன. தேர்தல் நேரத்தில் இந்த தகவல் கசிந்தால் கூட அது தேர்தலில் சிக்கலை ஏற்படுத்தும். ஆளும் கட்சிக்கு தேர்தல் விதி ரீதியான பிரச்சனையை ஏற்படுத்தும் என்பதால் இதை அரசு அதிகாரிகள் டாப் சீக்ரெட்டாக வைத்துள்ளனர் என்று கூறப்படுகிறது.