பிரபாகரன் 66வது பிறந்த நாள்... கேக் வெட்டி கொண்டாடிய வேல்முருகன், திருமாவளவன், சீமான்

சென்னை: தமிழீழ விடுதலைப் புலிகள் இயக்கத்தின் தலைவர் வேலுப்பிள்ளை பிரபாகரனின் 66-வது பிறந்த நாளை தமிழக வாழ்வுரிமைக் கட்சித் தலைவர் பண்ருட்டி வேல்முருகன், விடுதலை சிறுத்தைகள் கட்சித் தலைவர் தொல். திருமாவளவன், நாம் தமிழர் கட்சியின் தலைமை ஒருங்கிணைப்பாளர் சீமான் ஆகியோர் கேக் வெட்டி கொண்டாடினர்.

விடுதலைப் புலிகள் இயக்கத்தின் தலைவர் பிரபாகரனின் 66-வது பிறந்த நாள் இன்று. உலகம் முழுவதும் பிரபாகரனின் பிறந்த நாள் இன்று தமிழர்களால் கொண்டாடப்பட்டது.

தமிழகத்திலும் பல்வேறு கட்சிகள், அமைப்புகள், இயக்கங்கள் பிரபாகரனின் பிறந்த நாளை நிவர் புயலுக்கு நடுவே கொண்டாடின. தருமபுரியில் நடைபெற்ற நிகழ்ச்சியில் த.வா.க. தலைவர் வேல்முருகன் கட்சியினருடன் கேக் வெட்டி கொண்டாடினார்.

சென்னையில் விடுதலை சிறுத்தைகள் கட்சித் தலைவர் தொல். திருமாவளவன், பிரபாகரன் பிறந்த நாளை முன்னிட்டு கட்சி நிர்வாகிகளுடன் கேக் வெட்டினார். அதேபோல் நாம் தமிழர் கட்சியின் சார்பாக பிரபாகரன் பிறந்த நாள் பொதுக்கூட்டம் சென்னையில் நடைபெற்றது.

இந்த பொதுக்கூட்ட நிகழ்ச்சியில் பிரமாண்ட கேக் வெட்டப்பட்டு இனிப்புகள் வழங்கப்பட்டு பிரபாகரன் பிறந்த நாள் கொண்டாடப்பட்டது. சமூக வலைதளங்களிலும் #HBDமேதகுPRABHAKARAN #HBDதேசியத்தலைவர்66 ஆகிய ஹேஷ்டேக்குகள் டிரெண்டிங்காகின.

English summary

Tamilnadu Political leaders Velmurugan, Thirumavalavan and Seeman had Celebrated LTTE Chief Prabhakaran's 66th Birthday.