தங்கம் விலை விக்கிற தக்காளியால நிலைமை இப்படியாயிருச்சு... ரொம்ப சோதிக்காதீங்க

அவனின்றி ஒரு அணுவும் அசையாது என்று சொல்வார்கள். அது போல தக்காளி இல்லாமல் எந்த உணவும் சமைக்க முடியாது என்று தெரிந்தும் கூகுளில் தக்காளி இல்லாமல் சமைப்பது எப்படி என்று தேட ஆரம்பித்து விட்டனர்.

Updated: Tuesday, November 23, 2021, 20:18 [IST]

Subscribe to Oneindia Tamil

சென்னை: தொடர்கனமழை வெள்ளத்தினால் தக்காளிச் செடிகள் அழுகத்தொடங்கி விட்டன. சந்தைக்கு வரத்து குறைவினால் தக்காளி விலை உச்சத்தை எட்டியுள்ளது. ஒரு கிலோ தக்காளி 160 ரூபாய்க்கு விற்பனை செய்யப்படுகிறது. தக்காளி விலையைக் கேட்டு இல்லத்தரசிகள் கண்ணீர் விட்டாலும் மீம்ஸ் கிரியேட்டர்கள் புகுந்து விளையாட ஆரம்பித்து விட்டனர். சமூக வலைத்தளங்களில் உலா வரும் சுவையான தக்காளி மீம்ஸ்களைப் பார்க்கலாம்.

விலைகுறைவினால் தக்காளியை பெட்டி பெட்டியாக கீழே கொட்டிய காலமும் உண்டு. இப்போது விலை அதிகரிப்பால் தங்கம் போல பாதுகாத்து வருகின்றனர்.

மழைக்காலம் முடியும் வரை தக்காளி விலை குறைய வாய்ப்பு இல்லை என்றே வியாபாரிகள் கூறி வருகின்றனர். தக்காளி வாங்குவதற்கு லோன் கொடுத்தாலும் ஆச்சரியமில்லை.

கூகுளில் தேடும் மக்கள்

இந்திய சமையலில் தக்காளி இல்லாமல் ஒரு உணவும் செய்ய முடியாது. பிரபல தேடு பொறியான கூகுளில் தக்காளி இல்லாமல் குழம்பு செய்வது எப்படி ? தக்காளி இல்லாமல் சட்னி செய்வது எப்படி என பலரும் தேடி வருவதாக ஷேர் செய்து வருகின்றனர். தக்காளி அலர்ஜி இருப்பவர்கள் காலம் முழுவதும் இதை தேடினாலும், தக்காளி விலை அதிகமாக உள்ள இந்த கால கட்டத்தில் இந்த மீம்ஸ் தற்போது வைரலாகி வருகிறது.

அட்டையில் தக்காளி

தக்காளி ஊறுகாய்தான் அட்டையில் தொங்கும். விக்கிற விலைவாசியில் தாக்காளியே அட்டையில் தொங்க வேண்டிய நிலைக்கு வந்து விட்டது.

தக்காளி நசுங்கிருச்சே

தக்காளி தங்கம் போல விற்று வரும் நிலையில கடையில் இருந்து வாங்கிப்போன தக்காளி கை தவறி கீழே விழுந்து நசுங்கி சிதைந்து விட்டது. இது மனதை பாதித்த படம் என்று பகிர்ந்து வருகின்றனர்.

ரொம்ப பெரிய இடம்

பொண்ணு பெரிய இடம்னு எப்படி சொல்ற? காருக்கு பெட்ரோல் போட்டு ஓட்டுறதுனாலயா?!
இல்ல அவங்க வீட்டுல தினம் தக்காளி கூட்டாம் என்று பொறாமைப்படுகிறார் இந்த மீம்ஸ் கிரியேட்டர்.