• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

நடிகர் விவேக் விரைவில் குணமடைய வேண்டும்.. விஜயகாந்த், உதயநிதி ஸ்டாலின் உருக்கம்!

|

சென்னை: நடிகர் விவேக் விரைவில் குணடைய வேண்டி விஜயகாந்த், உதயநிதி ஸ்டாலின் ஆகியோர் டுவிட்டர் மூலம் தெரிவித்துள்ளனர்.

    சின்ன கலைவாணர் விவேக்கிற்கு மாரடைப்பு: மருத்துவமனையில் அனுமதி... ரசிகர்கள் அதிர்ச்சி!

    தமிழ் சினிமாவின் நகைச்சுவை நடிகர் விவேக்குக்கு இன்று காலை திடீரென மாரடைப்பு ஏற்பட்டுள்ளது.

    கேப்டன் விஜயகாந்த் முதல் தனுஷ் வரை சட்டசபைத் தேர்தலில் வாக்களிக்காத பிரபலங்கள்கேப்டன் விஜயகாந்த் முதல் தனுஷ் வரை சட்டசபைத் தேர்தலில் வாக்களிக்காத பிரபலங்கள்

    விவேக் மருத்துவமனையில் அனுமதி

    விவேக் மருத்துவமனையில் அனுமதி

    இதையடுத்து வடபழனியில் உள்ள சிம்ஸ் மருத்துவமனையில் அவர் உடனடியாக அனுமதிக்கப்பட்டார். அங்கு அவருக்கு எக்மோ உதவியுடன் அவசர சிகிச்சை பிரிவில் தீவிர சிகிச்சை அளிக்கப்பட்டு வருகிறது. விவேக்கின் உடல்நிலையை மருத்துவர்கள் தொடர்ந்து கண்காணித்து வருகின்றனர்.

    மீண்டு வர வேண்டும்

    மீண்டு வர வேண்டும்

    விவேக்கின் உடல்நிலை மோசமாக உள்ளதாகவும், 24 மணி நேரம் அவரது உடல்நிலையை கண்காணிக்க வேண்டியதுள்ளதாகவும் மருத்துவர்கள் தெரிவித்தனர். நடிகர் விவேக் குணமடைய வேண்டிய பல்வேறு அரசியல் மற்றும் சினிமா பிரபலங்கள் வேண்டி வருகின்றனர். இந்த நிலையில் நடிகரும், தேமுதிக தலைவருமான விஜயகாந்த் டுவிட்டரில் வெளியிட்டுள்ள பதிவில் கூறிஇருப்பதாவது:-

    இறைவனை பிரார்த்திக்கிறேன்

    இறைவனை பிரார்த்திக்கிறேன்

    நடிகர் விவேக் விரைவில் பூரண நலம்பெற எல்லாம் வல்ல இறைவனை பிரார்த்திக்கிறேன். நகைச்சுவை நடிகர் விவேக், நெஞ்சுவலி மற்றும் மூச்சுத்திணறல் காரணமாக தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ள செய்தி அறிந்து மிகுந்த மன வருத்தம் அடைந்தேன். திரைப்படங்களில் சிந்திக்க வைக்கும் சமூக அக்கறை கொண்ட பல கருத்துக்களை மக்கள் மனதில் பதிய வைப்பதிலும், சமூக சேவைகள் செய்வதிலும் என்றும் முதலிடத்தில் திகழும் நடிகர் விவேக், விரைவில் குணமடைய எல்லாம் வல்ல இறைவனை பிரார்த்திக்கிறேன் என்று விஜயகாந்த் கூறியுள்ளார்.

    அண்ணன் சிந்திக்க வைக்க வேண்டும்

    அண்ணன் சிந்திக்க வைக்க வேண்டும்

    இதேபோல் நடிகரும், தி.மு.க இளைஞரணி செயலாளருமான உதயநிதி ஸ்டாலின் வெளியிட்டுள்ள டுவிட்டர் பதிவில், ' உடல்நலம் குன்றி சிகிச்சையில் இருக்கும் சின்னக்கலைவாணர் அண்ணன் விவேக் அவர்கள் நலம்பெற்று விரைவில் வீடு திரும்ப விரும்புகிறேன். அன்போடு பழகுவதிலும்-சமூக சிந்தனையுடன் செயல்படுவதிலும் அண்ணனுக்கு நிகர் அவரே. அண்ணன் அவர்கள் மீண்டு வந்து தமிழக மக்களை சிரிக்க-சிந்திக்க வைக்கட்டும் என்று தெரிவித்துள்ளார்.

    English summary
    Vijaykanth and Udayanithi Stalin have said on Twitter that actor Vivek should recover soon
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X