நடிகர் விஷால் வெளியிட்ட முக்கிய அறிவிப்பு.. மேனேஜர் ஹரிகிருஷ்ணன் நீக்கம்!

சென்னை: விஷால் ஃபிலிம் ஃபேக்டரி நிர்வாகியும், விஷால் மக்கள் நல இயக்கத்தின் செயலாளரும், தனது மேனேஜருமான ஹரிகிருஷ்ணனை பதவியில் இருந்து நீக்கி நடிகர் விஷால் அறிவித்துள்ளார். யாரும் அவரை எதற்காகவும் தொடர்பு கொள்ளவேண்டாம் என்றும் விஷால் கூறியுள்ளார்.

புரட்சித்தளபதி விஷால் மக்கள் நல இயக்கத்தின் செயலாளராக பொறுப்பு வகித்தவர் ஹரிகிருஷ்ணன். நடிகர் விஷாலின் மேனேஜராகவும் செயல்பட்டு வந்தார். இந்நிலையில், ஹரிகிருஷ்ணனை அனைத்து பொறுப்பில் இருந்தும் நீக்கியுள்ளார் விஷால். இதுதொடர்பான அறிவிப்பை வெளியிட்டுள்ளார்.

இதுதொடர்பாக நடிகர் விஷால் இன்று வெளியிட்டுள்ள அறிக்கையில், "அன்புடையீர் வணக்கம், நான் இந்தக் கடிததிதின் வாயிலாக தங்களுக்கு அனைவருக்கும் தெரிவிப்பது, வ.ஹரிகிருஷ்ணன் அவர்கள் எனது விஷால் பிலிம் ஃபேக்டரி நிறுவனம், தேவி சமூக சேவை அறக்கட்டளை மற்றும் நமது விஷால் மக்கள் நல இயக்கம் ஆகியவற்றுடன் நேரடியாகவோ அல்லது மறைமுகமாகவோ எந்தத் திறனிலும் தொடர்புடையவர் அல்ல.

பொதுமக்கள், திரைத்துறை நண்பர்கள், ரசிகர்கள் மற்றும் நலம் விரும்பிகள் என் தொடர்பான எந்தவொரு விஷயத்திலும் வ.ஹரிகிருஷ்ணனைத் தொடர்பு கொள்ளவோ அல்லது கையாளவோ வேண்டாம் என்று இதன்மூலம் அறிவுறுத்தப்படுகிறார்கள். மேலும் தகவல்கள் ஏதேனும் இருந்தால், உரிய நேரத்தில் தெரிவிக்கப்படும்" எனக் குறிப்பிட்டுள்ளார்.

English summary

Actor Vishal has announced the removal of Harikrishnan, the manager of Vishal Film Factory, secretary of the Vishal People's Welfare Movement, from his position. Vishal has also stated that no one should contact him for any reason.