ஒன்றல்ல.. இரண்டல்ல.. மொத்தம் 7701 இடங்கள்.. கோவையே ஜொலிக்க போகுது.. வேறலெவல் திட்டம்

கோவை: கோவை மாநகராட்சியில் தற்போது தெருவிளக்குகள் அமைக்கும் பணி தொடங்கி உள்ளது. ஒன்றல்ல.. இரண்டல்ல மொத்தம் 7701 இடங்களில் தெருவிளக்குகள் அமைக்கப்பட உள்ளது.

கோவை மாநகராட்சியில் நான்கு மண்டலங்களில் தெருவிளக்குகள் பொருத்தும் பணியை தொடங்கியுள்ளது. அண்மையில் விரிவாக்கம் செய்யப்பட்ட கோவை மாநகரின் பல்வேறு தெருக்கள் மற்றும் முக்கிய சாலைகளில் தெருவிளக்குகள் இல்லாத பகுதிகளை அடையாளம் கண்டு தெருவிளக்குகள் பொறுத்தப்படுகிறது.

கடந்த ஆண்டு, நகரத்திற்கு தேவையான புதிய தெருவிளக்குகளின் எண்ணிக்கையை கண்டறிய, கோவை மாநகராட்சி ஆய்வுகளை நடத்தியது. அந்த ஆய்வில் சமீபத்திய ஆண்டுகளில் விரிவாக்கம் செய்யப்பட்ட பகுதிகளில் தெருவிளக்குகள் தேவைப்பட்டது. அத்துடன் மொத்தமாக சுமார் 10,000 தெருவிளக்குகள் கோவையில் பொறுத்த வேண்டும் என்பதும் ஆய்வில் தெரியவந்தது.

இதையடுத்து ஆய்வு குறித்து அரசுக்கு தகவல் அளிக்கப்பட்ட நிலையில், 20.97 கோடி செலவில் 7701 தெருவிளக்குகள் அமைக்க தமிழக அரசு ஒப்புதல் அளித்தது.

இது குறித்து கோவை மாநகராட்சி ஆணையர் எம்.பிரதாப் செய்தியாளர்களிடம் கூறுகையில், " கோவை மாநகரில் தேவைப்படும் இடங்களை பொறுத்து 7701 மின்விளக்குகள் பொருத்தும் பணி தொடங்கியுள்ளது. 20 வாட்ஸ் முதல் 120 வாட்ஸ் வரை பல்வேறு திறன் கொண்ட எல்இடி பல்புகள் பொருத்தப்பட்டு வருகிறது.

கோவை கிழக்கு மண்டலத்தில் 2009 தெருவிளக்குகளும், கோவை மேற்கு மண்டலத்தில் 1971 தெருவிளக்குகளும், கோவை தெற்கில் 1161 விளக்குகளும், கோவை வடக்கில் 1109 விளக்குகளும் புதிதாக பொறுத்தப்பட உள்ளது. தற்போதுள்ள மின்கம்பங்களில் எரியாத மின்சார பல்புகள் மாற்றப்பட்டு புதிய எல்டிடி பல்புகள் பொறுத்தப்படும்.

தெருக்கள் தவிர, முக்கிய சாலைகளில் இடைவெளிகள் காணப்படும் இடங்களில் புதிய விளக்குகள் அமைக்கப்படும். அந்த வகையில் சாலைகளில் மட்டும் 1451 விளக்குகள் பொருத்தப்படும். புதிதாக அமைக்கப்படும் மின்கம்பங்களில் அனைத்து விளக்குகளும் பொருத்தப்படும். 873 ஒற்றைக் கம்புகளும், 289 இரட்டைக் கம்புகளும் அமைக்கப்படும்.

இந்த பல்புகள் 70 வாட்ஸ் முதல் 120 வாட்ஸ் வரையிலான திறன்களில் இருக்கும், ஏனெனில் முக்கிய சாலைகளுக்கு பிரகாசமான வெளிச்சம் தேவைப்படுகிறது. மீதமுள்ள 2000 ஒற்றைப்படை தெருவிளக்குகளைப் பெற மாநில அரசுக்கு தனி முன்மொழிவு அனுப்பப்படும் " இவ்வாறு கோவை மாநகராட்சி ஆணையர் பிரதாப் கூறினார்.

இதனிடையே புதிதாக கோவையுடன் இணைக்கப்பட்டுள்ள பெரும்பாலான பகுதிகளில் மின்விளக்கு வசதி இல்லாததால் புதிய தெருவிளக்குகள் அவசியம் என மற்றொரு அதிகாரி தெரிவித்தார். இது குடியிருப்பாளர்களிடமிருந்து நீண்டகாலமாக நிலுவையில் உள்ள கோரிக்கையாகும், பெரும்பாலும் புதிதாக வளர்ந்த பகுதிகளில் இருந்து வந்த கோரிக்கை என்றார்.

English summary

The Coimbatore Municipal Corporation has started installing street lights in four zones which saw expansion in recent years and main roads. A total of 7701 places will be equipped with street lights.