பிரதமர் மோடியின் "OBC" முழக்கம்.. டார் டாராக வெளுத்து விளையாடும் ராகுல் காந்தி, மல்லிகார்ஜூன கார்கே!
டெல்லி: பிரதமர் மோடி தம்மை இதர பிற்படுத்தப்பட்ட வகுப்பைச் சேர்ந்தவர் (OBC, ஓபிசி) என முழக்கமிட்டுக் கொள்வதை காங்கிரஸ் கமிட்டித் தலைவர் மல்லிகார்ஜூன கார்கே மற்றும் அக்கட்சியின் மூத்த தலைவர் ராகுல் காந்தி ஆகியோர் கடுமையாக விமர்சித்து வருகின்றனர்.
பிரதமர் மோடியின் ஓபிசி முழக்கம் தொடர்பாக காங்கிரஸ் தலைவர் மல்லிகார்ஜூன கார்கே கூறியிருப்பதாவது: இப்போது எல்லாம் மோடி அவர்கள் ஒட்டுமொத்த நாட்டிற்கும் சமூக நீதிக்கான பாடத்தை கற்பித்து வருகிறார். அவர்களின் சாதிக்கு ஓபிசி அந்தஸ்து கிடைத்தது. அவர் தன்னை "மிகப்பெரிய OBC" என்றும் அழைக்கத் தொடங்கினார்.
போராட்டமா நடத்தினார்?: மோடி தெருவில் இறங்கி போராட்டம் நடத்தாமல் ஓபிசி பிரிவின் அந்தஸ்தைப் பெற்றார், ஆனால் நாட்டில் கோடிக்கணக்கான மக்கள் தங்களை ஓபிசி பட்டியலில் சேர்க்க தொடர்ந்து போராடி வருகின்றனர். நாட்டில் இதுபோன்ற பல பிற்படுத்தப்பட்ட சாதிகள் உள்ளன, அவர்கள் ஜாதி வாரி மக்கள் தொகைக் கணக்கெடுப்புக்கு மோடியின் எதிர்ப்பால் OBC அந்தஸ்தைப் பெற முடியாது. மகாராஷ்டிரா, ஹரியானா மற்றும் குஜராத்தில் லட்சக்கணக்கான மக்கள் தங்கள் சாதிக்கு ஓபிசி அந்தஸ்து பெறுவதற்காக பல ஆண்டுகளாக வீதியில் இறங்கி உள்ளனர்.
ஜாதிவாரி மக்கள் தொகை கணக்கெடுப்பு: ஓபிசியின் உலகத் தலைவராக மோடி! ஆனால் ஜாதிவாரி மக்கள் தொகை கணக்கெடுப்பு எப்போது நடத்தப்படும் என்று கூறுவாரா? சமூக நீதியை நடைமுறைப்படுத்த ஜாதிவாரி மக்கள் தொகை கணக்கெடுப்பு மிக முக்கியமானது. ஜாதிவாரி மக்கள் தொகைக் கணக்கெடுப்பை கண்டிப்பாக நிறைவேற்றுவோம் என காங்கிரஸ் கட்சி உறுதியளித்துள்ளது. இவ்வாறு மல்லிகார்ஜூன கார்கே தெரிவித்துள்ளார்.
மூத்த காங்கிரஸ் தலைவர் ராகுல் காந்தி: பிரதமர் மோடி ஒரு நாளைக்கு 3 முறை உடை மாற்றி, ரூ9 லட்சம் மதிப்புள்ள சூட் அணிந்து, ரூ 1.5 லட்சம் மதிப்புள்ள பேனாவால் எழுதும் மோடிக்கு, OBC என்றால் - 'ஒன்லி பிசினஸ் கிளாஸ்'. தாழ்த்தப்பட்ட மக்களுக்கு அவர்களால் ஒருபோதும் நீதி வழங்க முடியாது. தேர்தலுக்காக சான்றிதழில் OBCக்கள் ஆனவர்கள், தங்கள் ஆட்சி நாட்களை எண்ண வேண்டியது தான், ஜாதிவாரி மக்கள் தொகை கணக்கெடுப்பை நாங்கள் எடுத்துக் காட்டுவோம். தமது நண்பர்களுக்கு" நாட்டின் செல்வத்தால் நிரப்பப்பட்ட கருவூலம், இளைஞர்களுக்கு 'வேலையில்லா திண்டாட்டம்' என்ற நோய் கொடுத்தவர்தானே மோடி.
மோடி பிறப்பால் அல்ல, அவர் 'பேப்பரால் OBC'. அவர் பிறந்து 50 ஆண்டுகள் வரை அவர் OBC ஆக இருக்கவில்லை. என்னுடைய இந்த உண்மையை உறுதி செய்த பாஜக அரசுக்கு நன்றி. இவ்வாறு ராகுல் காந்தி கூறினார்.
Click it and Unblock the Notifications
Sign in with Google