ஆண்ட்ராய்டு டிவைஸ்க்கு பதில் பார்சலில் வந்த மாட்டு சாணம்.. நொந்து போன நொய்டா இளைஞர்
டெல்லி: கிரேட்டர் நொய்டாவைச் சேர்ந்த இளைஞர் ஆசையாக ஆன்லைனில் பணம் கட்டி ஆண்ட்ராய்டு டிவைஸ்க்கு ஆர்டர் செய்திருந்தார். ஆனால் ஆண்ட்ராய்டு சாதனத்திற்கு பதிலாகப் பார்சலுக்குள் மாட்டுச் சாணம் இருப்பதைக் கண்டு அதிர்ச்சியடைந்தார். இது தொடர்பாக எக்ஸ் தளத்தில் அவர் வெளியிட்ட வீடியோ பெரும் விவாதத்தை ஏற்படுத்தி உள்ளது.
டெல்லியின் புறநகர் பகுதியான கிரேட்டர் நொய்டாவில் டன்கௌர் பகுதியைச் சேர்ந்த ஆகாஷ் என்ற இளைஞர் , ஆண்ட்ராய்டு டிவைஸ் வாங்குதற்கு ஆன்லைனில் ஆர்டர் செய்திருந்தார். பணமும் கட்டியிருந்தார். ஆனால் ஆண்ட்ராய்டு சாதனத்திற்கு பதிலாகக் கூரியர் பார்சலில் மாட்டுச் சாணம் வந்தடைந்துள்ளது. இப்படி ஒரு மோசமான ஆன்லைன் மோசடியைச் சந்தித்த அவர், தனது ஏமாற்றத்தை சமூக வலைதளத்தில் பதிவிட்டுள்ளார்.
பாதிக்கப்பட்ட ஆகாஷ், சில நாட்களுக்கு முன்பு ஒரு இணையதளம் வாயிலாகத் தனது வேலைக்காக ஓர் ஆண்ட்ராய்டு சாதனத்தை முன்பதிவு செய்திருக்கிறார். முன்பதிவு செயல்பாட்டின் போது, வாக்குறுதியளிக்கப்பட்ட காலத்திற்குள் சாதனம் பாதுகாப்பாக வந்து சேரும் என்று நம்பி, அவர் முழுத் தொகையையும் ஆன்லைனில் செலுத்துவிட்டார்.
திங்கள்கிழமை மாலை 5:00 மணியளவில் கூரியர் மூலம் அந்தப் பார்சல் அவரது வீட்டிற்கு வந்து சேர்ந்தது. இருப்பினும், ஆகாஷ் அந்தப் பெட்டியைத் திறந்தபோது, மின்னணு சாதனத்திற்குப் பதிலாக அதில் மாட்டுச் சாணம் நிரப்பப்பட்டிருப்பதைக் கண்டு உறைந்து போனார்.
ஆன்லைன் ஷாப்பிங் என்ற பெயரில் தான் ஏமாற்றப்பட்டதை உணர்ந்த ஆகாஷ், இதற்குப் காரணமானவர்கள் மீது கடுமையான நடவடிக்கை எடுக்கக் கோரி டன்கௌர் காவல்துறையிடம் அதிகாரப்பூர்வமாகப் புகார் அளித்தார். இந்த புகாரைத் தொடர்ந்து, டன்கௌர் காவல்துறையினர் அந்த ஈ-காமர்ஸ் இணையதளம், பணப் பரிவர்த்தனை விவரங்கள் மற்றும்... குறித்து விசாரணையைத் தொடங்கியுள்ளனர்.
இது தொடர்பாக ஆகாஷ் கூறுகையில், "நான் ₹1,999 மதிப்பிலான ஒரு சாதனத்தை ஆர்டர் செய்தேன், ஆனால் அதற்குப் பதிலாக மாட்டுச் சாண உரப் பாக்கெட்டைப் பெற்றேன் . இப்போது சைபர் கிரைம் போலீசாரிடம் புகார் அளித்துள்ளேன்" என்றார்.
இச்சம்பவம் குறித்தான விசாரணை நடைபெற்று வருவதைப் காவல்துறை அதிகாரிகள் உறுதிப்படுத்தினர். முன்பதிவுக்குப் பயன்படுத்தப்பட்ட இணையதளத்தின் நம்பகத்தன்மை, பணப் பரிவர்த்தனை விவரங்கள் மற்றும் கூரியரில் எப்படி அனுப்பினார்கள் ஆகியவற்றை அதிகாரிகள் தற்போது சரிபார்த்து வருகின்றனர். விசாரணையின் முடிவின் அடிப்படையில் அடுத்தகட்டச் சட்ட நடவடிக்கை எடுக்கப்படும் என்று காவல்துறையினர் கூறினார்கள்.
ஆன்லைனில் பொருட்கள் வாங்கும்போது பொதுமக்கள் மிகுந்த எச்சரிக்கையுடன் இருக்குமாறு சைபர் கிரைம் போலீசார் மீண்டும் மீண்டும் அறிவுறுத்தி வருகிறார்கள். வாடிக்கையாளர்கள் சரிபார்க்கப்பட்ட பிரபலமான நிறுவனங்கள் மற்றும் அத்துடன் அதன் அதிகாரப்பூர்வ இணையதளங்களில் இருந்து மட்டுமே வாங்க வேண்டும் என்றும், சரிபார்க்கப்படாத மூன்றாம் தரப்பு நிறுவனங்களில் ஆன்லைனில் ஆர்டர் செய்வதை தவிர்க்க வேண்டும் என்றும் அறிவுறுத்தினார்கள். மேலும் ஆர்டர்களைச் செய்வதற்கு முன்பும், கட்டணத்தை ஆன்லைனில் செலுத்துவதற்கு முன்பும், அந்த நிறுவனத்தின் நம்பகத்தன்மை, இணையதளம் உண்மையானதா, போலியான பெயரில் உருவாக்கப்பட்டதா என்பதை உறுதி செய்ய வேண்டும்.பெயர் தெரியாத நிறுவனங்களி ஆர்டர் செயது ஏமாந்துவிடக்கூடாது என எச்சரிக்கிறார்கள்.
Click it and Unblock the Notifications
Sign in with Google
