சமூக நீதி, அனைவரையும் உள்ளடக்கிய வளர்ச்சி என.. சிறந்த ஆட்சியாளராக இருந்தார் ஜெயலலிதா - மோடி

Updated: Tuesday, February 24, 2026, 9:12 [IST]

Subscribe to Oneindia Tamil

டெல்லி: தமிழகத்தின் முன்னாள் முதலமைச்சர் ஜெயலலிதாவின் பிறந்த தினம் இன்று. அதிமுகவினர் அவரது பிறந்த நாளை கொண்டாடி வருகின்றனர். இப்படி இருக்கையில், சமூக நீதி, அனைவரையும் உள்ளடக்கிய வளர்ச்சி என சிறந்த ஆட்சியாளராக இருந்தார் ஜெயலலிதா என பிரதமர் மோடி புகழாரம் சூட்டியிருக்கிறார்.

தனது x பக்கத்தில் அவர் பதிவிட்டிருப்பதாவது, "ஜெயலலிதா அவர்களை அவரது பிறந்த நாளில் நினைவுகூர்கிறேன். மனம் கவர்ந்த தலைவர் மற்றும் தலைசிறந்த நிர்வாகியாக எண்ணற்ற மக்களின் இதயங்களிலும், மனங்களிலும் அவர் இடம் பிடித்துள்ளார்.

அவரது வாழ்க்கைப் பயணம் மன உறுதி மற்றும் தீர்மானத்துடன் இருந்தது. தமிழ்நாட்டின் முதலமைச்சர் என்ற முறையில், பெண்களுக்கு அதிகாரமளித்தல் குறித்து வலுவான நோக்கத்துடனும், சமூக நீதி மற்றும் அனைவரையும் உள்ளடக்கிய நலத்திட்டங்களாலும் இயக்கப்பட்ட நிர்வாகத்தில் சிறந்த ஆட்சியாளராக திகழ்ந்தார். கருணை, உறுதி என்ற இரண்டு பண்புகளையும் அவர் கொண்டிருந்தார். அவருடனான எனது கலந்துரையாடல்களை மிகுந்த மகிழ்ச்சியோடு நான் நினைவுகூர்கிறேன்" என கூறியிருக்கிறார்.

ஜெயலலிதா அவர்களை அவரது பிறந்த நாளில் நினைவுகூர்கிறேன். மனம் கவர்ந்த தலைவர் மற்றும் தலைசிறந்த நிர்வாகியாக எண்ணற்ற மக்களின் இதயங்களிலும், மனங்களிலும் அவர் இடம் பிடித்துள்ளார். அவரது வாழ்க்கைப் பயணம் மன உறுதி மற்றும் தீர்மானத்துடன் இருந்தது. தமிழ்நாட்டின் முதலமைச்சர் என்ற முறையில்,… pic.twitter.com/cegS3CG7OW
— Narendra Modi (@narendramodi) February 24, 2026

முன்னதாக இந்த மாத மனதின் குரல் ரேடியோ நிகழ்ச்சியில், ஜெயலலிதா குறித்து பிரதமர் மோடி பேசியிருந்தார். அந்த பேச்சையும், இந்த ட்வீட்டில் இணைத்திருக்கிறார்.

அதேபோல மத்திய உள்துறை அமைச்சர் அமித்ஷா தனத x பக்கத்தில், "முன்னாள் தமிழக முதல்வரும் மக்கள் தலைவருமான ஜெ.ஜெயலலிதா அவர்களின் பிறந்த தினத்தில் அவருக்கு புகழஞ்சலிகள்.

ஏழைகளின் நலனுக்காகவும், பெண்களின் உரிமைக்காகவும் அவர் அர்ப்பணிப்புடன் செயல்பட்டதன் மூலம், தமிழ்நாட்டின் வளர்ச்சியை மறுசீரமைத்து, அவரது ஆட்சியின் பலன்களை கடைக்கோடி மக்கள் வரை சென்றடைவதை உறுதி செய்தார். பொது சேவையில் அவரது அர்ப்பணிப்பு அனைவருக்கும் எப்போதும் ஒரு உத்வேகத்தை தரும்" என்று பதிவிட்டிருக்கிறார்.