காஞ்சிபுரம் பட்டு சேலையை மேற்கோள்காட்டி.. தேச ஒற்றுமையை குறிப்பிட்ட ராகுல் காந்தி!
டெல்லி: நாட்டின் ஒற்றுமைக்கு எடுத்துக்காட்டு 'காதி' உடைதான் என்று ராகுல் காந்தி கூறியுள்ளார். மக்களவையில் பேசிய அவர், நாட்டின் ஒற்றுமைக்கு காஞ்சி பட்டும் எடுத்துக்காட்டுதான் என்று ராகுல் காந்தி கூறியுள்ளார்.
மக்களவையில் அவர் பேசியதாவது, "காதிக்கு மகாத்மா காந்தி ஏன் இவ்வளவு முக்கியத்துவம் கொடுத்தார் என்று நீங்கள் எப்போதாவது யோசித்திருக்கிறீர்களா? அவர் ஏன் முழு இந்திய சுதந்திரப் போராட்டத்தையும் காதி என்ற கருத்தைச் சுற்றி வடிவமைத்தார்? ஏன் அவர் காதியை மட்டுமே அணிந்தார்? ஏனென்றால் காதி என்பது வெறும் துணி அல்ல. காதி என்பது இந்திய மக்களின் வெளிப்பாடு. அது மக்களின் கற்பனை, மக்களின் உணர்வு, இந்திய மக்களின் உற்பத்தி சக்தி.
நீங்கள் எந்த மாநிலத்திற்குச் சென்றாலும், நீங்கள் வெவ்வேறு துணிகளைக் காண்பீர்கள். ஹிமாச்சலி தொப்பி, அசாமி கோம்சா, பனார்சி சேலை, காஞ்சிபுரம் பட்டு, நாகா ஜாக்கெட் இப்படி சொல்லிக்கொண்டே போகலாம். மேலும் இந்த துணிகள் அனைத்தும் மக்களை பிரதிநிதித்துவப்படுத்துவதை நீங்கள் உணர்வீர்கள்.
இந்த துணிகள் அழகாக இருக்கின்றன. ஆனால், நீங்கள் சற்று ஆழமாகப் பார்த்தால், அவை ஒவ்வொன்றிலும் ஆயிரக்கணக்கான சிறிய நூல்களால் ஒன்றையொன்று பிணைக்கப்பட்டிருப்பதை காண்பீர்கள். எந்த நூலும் மற்றொரு நூலை விட உயர்ந்தது அல்ல. வெறும் ஒற்றை நூலால் உங்களைப் பாதுகாக்க முடியாது. ஒரு துண்டு நூலால் மட்டும் உங்களை சூடாக வைத்திருக்க முடியாது. ஆனால் அவை ஒரு துணியாக ஒன்றிணைந்தால், அவை உங்களை சூடாக வைத்திருக்கவும், உங்களைப் பாதுகாக்கவும், உங்கள் இதயத்தில் இருப்பதை வெளிப்படுத்தவும் முடியும்.
அதேபோல், நமது தேசமும் 1.4 பில்லியன் மக்களால் ஆன ஒரு துணி. இந்த துணி வாக்குகளால் ஒன்றாக நெய்யப்படுகிறது. இன்று நான் நிற்கும் இந்த சபை, மக்களவை, மாநிலங்களவை, சட்டமன்றம், பஞ்சாயத்துகள் என வாக்குரிமை இல்லாவிட்டால் எதுவும் இருக்காது" என்று பேசியுள்ளார்.
Click it and Unblock the Notifications
Sign in with Google