இங்கிலாந்து vs நியூசிலாந்து.. அரையிறுதியில் யாருக்கு வெற்றி? அசர வைக்கும் புள்ளி விவரத்தை பாருங்க

துபாய்: ஐசிசி டி20 உலகக் கோப்பை 2021 முதல் அரையிறுதியில் இங்கிலாந்து மற்றும் நியூசிலாந்து அணிகள் இன்று இரவு பலப்பரீட்சை நடத்துகின்றன. அபுதாபியில் உள்ள ஷேக் சயீத் ஸ்டேடியத்தில் போட்டி நடைபெறும்.

சூப்பர் 12 சுற்றின் போது இங்கிலாந்து குரூப் 1 இல் இடம்பெற்றிருந்தது. இயான் மோர்கன் தலைமையிலான அந்த அணி 5 ஆட்டங்களில் விளையாடி, 4ல் வெற்றி, 1ல் தோல்வியடைந்தது.

இங்கிலாந்து தனது தொடக்க ஆட்டத்தில் 6 விக்கெட் வித்தியாசத்தில் மேற்கிந்தியத் தீவுகளை வீழ்த்தியது. பின்னர் வங்கதேசத்தை 8 விக்கெட் வித்தியாசத்தில் வீழ்த்தியது. பின்னர் ஆஸ்திரேலியாவை 8 விக்கெட் வித்தியாசத்திலும், இலங்கையை 26 ரன்கள் வித்தியாசத்திலும் அசால்டாக வீழ்த்தியது.

இங்கிலாந்து வெற்றிகள்

அதேநேரம், இங்கிலாந்து அணி தனது இறுதிப் போட்டியில் தென்னாப்பிரிக்காவிடம் 10 ரன்கள் வித்தியாசத்தில் தோல்வியடைந்தது. 8 புள்ளிகளுடன், குழு 1ல் புள்ளிகள் பட்டியலில் முதலிடத்தை பிடித்தது இங்கிலாந்து. இங்கிலாந்து, ஆஸ்திரேலியா மற்றும் தென்னாப்பிரிக்கா சமமான வெற்றி புள்ளிகளை எடுத்திருந்தாலும், இங்கிலாந்துதான் இந்த 3 அணிகளில் சிறந்த நிகர ரன் விகிதத்தைக் கொண்டிருந்தது. எனவே டாப் அணியாக அரையிறுதிக்கு முன்னேறியது.

தென் ஆப்பிரிக்கா வெளியேறியது

நெட் ரன் ரேட்டில் ஆஸ்திரேலியா 2வது இடம் பிடித்ததால், அதுவும் அரையிறுதிக்கு போனது. 4 போட்டிகளில் வென்றபோதிலும், ஆஸி.யைவிட ரன் ரேட் குறைவு எனப்தால், 3வது இடம் பிடித்த தென் ஆப்பிரிக்கா வெளியேறியது.

நியூசிலாந்து வெற்றிகள்

நியூசிலாந்தைப் பொறுத்தளவில், குழு 2ல் இருந்தது. சூப்பர் 12 சுற்றின் போது 5 போட்டிகளில் விளையாடி 4 ஆட்டங்களில் வெற்றி, 1 தோல்வியடைந்தது. நியூசிலாந்து தனது 2வது ஆட்டத்தில் இந்தியாவை 8 விக்கெட் வித்தியாசத்தில் வீழ்த்தியது. இருப்பினும், முதல் ஆட்டத்தில் பாகிஸ்தானிடம் 5 விக்கெட் வித்தியாசத்தில் தோல்வியடைந்தது.

பாகிஸ்தானிடம் தோற்ற நியூசிலாந்து

நியூசிலாந்து, ஸ்காட்லாந்தை 16 ரன்கள் வித்தியாசத்திலும், நமீபியாவை 52 ரன்கள் வித்தியாசத்திலும், ஆப்கானிஸ்தானை 8 விக்கெட்கள் வித்தியாசத்திலும் தோற்கடித்தது. 8 புள்ளிகளுடன், குழு 2 புள்ளிகள் பட்டியலில் பாகிஸ்தானுக்கு கீழே 2வது இடத்தைப் பிடித்தது.

யார் பெரிய டீம்

ENG vs NZ ஹெட்-டு-ஹெட் ரெக்கார்ட்: இதுவரை இங்கிலாந்து-நியூசிலாந்து மோதிய போட்டிகளில் 13 போட்டிகளில் இங்கிலாந்தும், 7 போட்டிகளில் நியூசிலாந்தும் வெற்றி பெற்றுள்ளன. அபுதாபி கிரவுண்டில் இதற்கு முன்பு இரு அணிகளும் மோதியது இல்லை. கடந்த 5 டி20 போட்டிகளை மட்டும் எடுத்து பார்த்தால், நியூசிலாந்து 3ல் வென்றுள்ளது. இங்கிலாந்து 2ல் வென்றுள்ளது. ஐசிசி 20 ஓவர் உலக கோப்பை தொடர்களில், 5 போட்டிகளில் இரு அணிகளும் சந்தித்துள்ளன. அதில் 3 முறை இங்கிலாந்தும், 2 முறை இந்தியாவும் வெற்றி பெற்றுள்ளன.

இங்கிலாந்து டாப் வீரர்கள்

இங்கிலாந்து வீரர்களில் ஜோஸ் பட்லர் 5 ஆட்டங்களில் 240 ரன்கள் குவித்து அசைக்க முடியாத ஃபார்மில் உள்ளார். ஜேசன் ராய் 5 ஆட்டங்களில் 123 ரன்கள் எடுத்துள்ளார். டாவிட் மலான் 75 ரன்கள் எடுத்துள்ளார். ஆடில் ரஷீத் 5 போட்டிகளில் 8 விக்கெட்டுகளை வீழ்த்தியுள்ளார். மொயீன் அலி 5 போட்டிகளில், 7 விக்கெட்டுகளையும், டைமல் மில்ஸ் 5 போட்டிகளில் 7 விக்கெட்டுகளையும் வீழ்த்தியுள்ளனர்.

நியூசிலாந்து டாப் வீரர்கள்

நியூசிலாந்தின் டாப் பேட்ஸ்மேனாக இப்போது இருப்பவர் மார்டின் கப்தில். 5 போட்டிகளில் 176 ரன்கள் எடுத்துள்ளார். கேப்டன் கனே வில்லியம்சன் 5 போட்டிகளில் 126 ரன்கள் எடுத்துல்ளார். மிட்சல் 125 ரன்கள் எடுத்துள்ளார். டிரெண்ட் பவுல்ட் 5 போட்டிகளில் 11 விக்கெட்டுகளை வீழ்த்தியுள்ளார். இஷ் சோடி 8 விக்கெட்டுகள், டிம் சவுத்தி 7 விக்கெட்டுகளை வீழ்த்தியுள்ளனர்.

English summary

Eng vs NZ: England and New Zealand face off in the semi-finals of the ICC T20 World Cup 2021 tonight. The match will be played at the Sheikh Zayed Stadium in Abu Dhabi.