ஜே.பி.நட்டாவுடன் சந்திப்பு.. பாஜகவில் இணைகிறாரா தெலுங்கு நடிகர் நிதின்? அரசியல் பேசியதாக ட்வீட்
ஐதராபாத்: தெலுங்கானா சென்ற பாஜக தேசிய செயலாளர் ஜே.பி.நட்டா பிரபல தெலுங்கு நடிகர் நிதினை நேரில் சந்தித்து பேசி இருக்கிறார்.
2024 நாடாளுமன்ற தேர்தலுக்கான முன் தயாரிப்பு பணிகளை இப்போதே தொடங்கி இருக்கிறது பாரதிய ஜனதா கட்சி. அத்துடன் தெலுங்கானா மாநிலத் தேர்தலும் நடைபெறுகிறது.
இந்த நிலையில் பாஜக தேசிய தலைவர் ஜே.பி.நட்டா பல்வேறு நிகழ்ச்சிகளில் கலந்துகொள்வதாக தெலுங்கானாவுக்கு சென்று இருக்கிறார்.
நிதின் ஜே.பி.நட்டா சந்திப்பு
அப்போது அவர் தெலுங்கு நடிகர் நிதின் குமார் ரெட்டியை சந்தித்து பேசி இருக்கிறார். இதுகுறித்து ட்விட்டரில் பதிவிட்டுள்ள ஜே.பி.நட்டா, "பிரபல தெலுங்கு நடிகர் நிதினை தெலுங்கானாவில் சந்தித்தேன். அரசியல், சமூகம், கலாச்சார பிரச்சனைகள் தொடர்பாக ஆலோசித்தோம். தன்னுடைய அடுத்தடுத்த படங்கள் குறித்து அவர் தெரிவித்தார். நான் அவரை வாழ்த்தினேன்" என்று பதிவிட்டுள்ளார்.
பாஜகவில் இணைகிறாரா?
இந்த சந்திப்பின்போது நிதினுக்கு பொன்னாடை அணிவித்த ஜே.பி.நட்டா மலர்கொத்தை அன்பளிப்பாக அளித்துள்ளார். நடிகர் நிதின் ஜே.பி.நட்டாவுக்கு பொன்னாடை அணிவித்து திருப்பதி கோயில் சிலையை அன்பளிப்பாக வழங்கி இருக்கிறார். நிதின் பாஜகவில் இணையப்போவதாக செய்திகள் நேற்று வெளியான நிலையில் இந்த சந்திப்பில் எந்த முடிவும் எடுக்கப்படவில்லை என்று தெரிகிறது.
புதிய திரைப்படம்
நிதின் நடிப்பில் ரிலீசுக்கு தயாராக இருக்கும் மசேர்ல நியூஜகர்வகம் திரைப்படத்தில், அஞ்சலியுடன் இவர் நடனமாடி இருக்கும் "சின்னதோ" என்ற பாடல் வெளியாகி பல மொழிகளிலும் ஹிட் அடித்தது குறிப்பிடத்தக்கது. இந்த நிலையில் அவரை ஜே.பி.நட்டா சந்தித்து அரசியல் பேசி இருப்பதாக கூறியுள்ளது அரசியல் முக்கியத்துவம் வாய்ந்ததாக பார்க்கப்படுகிறது.
ஜூனியர் என்.டி.ஆர் அமித்ஷா சந்திப்பு
ஐதராபாத்தில் சில நாட்களுக்கு முன்பாக பாஜகவின் தேர்தல் பிரச்சாரத்துக்காக வருகை தந்த உள்துறை அமைச்சர் அமித்ஷா, பிரபல தெலுங்கு நடிகர் ஜூனியர் என்.டி.ஆரை 22 ஆம் தேதி நேரில் சந்தித்து பேசினார். அப்போது அவரை கட்சியில் இணையுமாறு அமித்ஷா கேட்டுக்கொண்டதாகவும், ஆனால் ஜூனியர் என்.டி.ஆர். அதற்கு விருப்பம் தெரிவிக்கவில்லை என்றும் செய்திகள் வெளியாகின.
Click it and Unblock the Notifications
Sign in with Google