காங்கிரசாரே... மோடியின் திருமணத்தை விமர்சிக்காமல் ராகுலுக்கு கல்யாணம் செய்து வையுங்கள்- சிவசேனா

By Mathi

Published: Monday, April 14, 2014, 13:32 [IST]

Subscribe to Oneindia Tamil

மும்பை: பாரதிய ஜனதாவின் பிரதமர் வேட்பாளர் நரேந்திர மோடியின் திருமணத்தை விமர்சித்துக் கொண்டிருக்காமல் காங்கிரசார் ராகுல் காந்திக்கு கல்யாணம் செய்து வைக்க வேண்டும் என்று சிவசேனா சாடியுள்ளது.

சிவசேனாவின் சாம்னா நாளேட்டில் இதுபற்றி எழுதப்பட்டுள்ளதாவது:

மோடியின் திருமணம் பற்றியோ அவரது மனைவி ஜஷோடபென் பற்றியோ எந்த ஒரு புகாருமே இல்லையே.. பிறகு எதற்கு காங்கிரஸ் இந்த விவகாரத்தில் தேவையில்லாமல் மூக்கை நுழைக்கிறது?

விலைவாசி உயர்வு, ஊழல் போன்ற பல பிரச்சனைகள் இருக்கும் போது மோடியின் திருமணத்தைப் பற்றி பேசி என்ன பயன்? இதை பற்றி விமர்சித்துக் கொண்டிருக்கும் ராகுலுக்கு முதலில் திருமணம் செய்து வைக்க பாருங்க..

மோடியின் திருமண விவகாரத்துக்கும் பெண்களின் மேம்பாட்டுக்கும் என்னதான் தொடர்பை ராகுல் கண்டுபிடித்தாரோ?

இவ்வாறு அதில் தெரிவிக்கப்பட்டுள்ளது.

Published On April 14, 2014