பாஜக ஆட்சி அமைக்க 4 சுயேட்சைகள் ஆதரவு.. கோவாவில் மீண்டும் ஆட்சியைத் தக்கவைக்கும் பாஜக‌

By Logi

Published: Thursday, March 10, 2022, 15:25 [IST]

Subscribe to Oneindia Tamil

பானாஜி: கோவாவில் பாஜக ஆட்சி அமைக்க சுயேட்சைகள் ஆதரவு தெரிவித்துள்ளன. இதனால் கோவாவில் மீண்டும் பாஜக ஆட்சி அமையவுள்ளது.

கோவாவில் நடந்து முடிந்த 40 சட்டசபைத் தொகுதிகளுக்குமான‌ தேர்தல் முடிவுகள் இன்று காலை முதல் வெளியாகி வருகிறது. கோவாவில் தற்போது பாஜக ஆட்சி நடக்கிறது.

இந்த தேர்தலில் பாஜக, காங்கிரஸ், ஆம் ஆத்மி, திரிணாமூல் காங்கிரஸ் உள்ளிட்ட கட்சிகளோடு மாநில கட்சிகளும் போட்டியிட்டன.

கோவா

பாஜக ஆட்சி நடைபெறும் நிலையில் நடந்து முடிந்த தேர்தலில் பாஜக தனித்து போட்டியிட்டுள்ளது. காங்கிரஸ் கட்சி கோவா பார்வேர்டு கட்சியுடன் இணைந்து போட்டியிட்டுள்ளது. இதில் காங்கிரஸ் 37 இடங்களிலும் கோவா பார்வேர்டு கட்சி 3 இடங்களிலும் போட்டியிட்டுள்ளது. ஆம் ஆத்மி கட்சியும் போட்டியிடுகிறது. மேலும் திரிணாமுல் காங்கிரஸ் முதன்முறையாக களம் இறங்கி மாநில கட்சிகளுடன் களம் இறங்கி உள்ளது.

பாஜக‌

கோவா தேர்தல் முடிவுகள் வெளியாகி வருகிறது. மொத்தம் உள்ள 40 தொகுதிகளில் பாஜக 19 இடத்திலும், காங்கிரஸ் 12 இடத்திலும், திரிணாமுல் கட்சி 3 இடத்திலும், ஆம் ஆத்மி 2 இடத்திலும், சுயேட்சைகள் 4 இடத்திலும் முன்னிலையில் இருக்கின்றன.
தேர்தலுக்கு பிந்தைய கருத்துக்கணிப்பு கோவாவில் தொங்கு சட்டசபை அமையும் என்றது. ஆனால் பாஜக வெற்றிக்கு மிக அருகில் இருக்கிறது. ஆனால் பெரும்பான்மை இல்லாமல் இருக்கிறது.

பெரும்பான்மை

கோவாவில் எந்த கட்சியும் பெரும்பான்மைக்கு தேவையான இடங்களில் முன்னிலை பெறவில்லை. பாஜக 19 இடங்களில் முன்னிலை வகிக்கிறது. கோவாவில் காங்கிரஸ் 12 இடங்களில் முன்னிலை வகிக்கிறது. அங்கு 40 இடங்கள் உள்ள நிலையில் பெரும்பான்மை பெற 21 இடங்கள் தேவை. ஆம் ஆத்மி மற்றும் திரிணாமுல் கட்சி பாஜகவுக்கு ஆதரவு கொடுக்காது.

சுயேட்சைகள்

இந்நிலையில், கோவாவில் நான்கு இடங்களில் சுயேட்சைகள் முன்னிலையில் இருக்கிறார்கள். இவர்கள் அனைவரும் பாஜகவுக்கு ஆதரவு அளித்துள்ளனர். பிக்லோய்ம் தொகுதியில் சந்திரகாந்த் சத்யீ, கோர்டாலிம் தொகுதி, அலிக்ஸியோ, மனுயுல் வாஸ் மற்றும் கர்டோரியம் தொகுதியில் முன்னனியில் இருக்கும் சுயேட்சைகள் தற்போது பாஜகவுக்கு ஆதரவளித்துள்ளனர். இதனால் பெரும்பான்மை பெற்று பாஜக ஆட்சி அமைக்கும் நிலைக்கு வந்துள்ளது. கோவாவில் மீண்டும் ஆட்சியைத் தக்கவைக்கிறது பாஜக.

Published On March 10, 2022