பைக்கில் சென்ற மத்திய அமைச்சர் சுப்ரியோ விபத்தில் சிக்கி காயம்: மருத்துவமனையில் அனுமதி

டெல்லி: டெல்லியில் பைக்கில் சென்ற மத்திய அமைச்சர் பாபுல் சுப்ரியோ விபத்தில் சிக்கி காயம் அடைந்தார்.

மத்திய நகர்ப்புற மேம்பாட்டுத்துறை இணை அமைச்சராக உள்ளவர் பாபுல் சுப்ரியோ. அவர் வெள்ளிக்கிழமை மாலை டெல்லியில் பைக் ஓட்டிச் சென்றுள்ளார். தெற்கு டெல்லியில் உள்ள மோதி பாக் அருகே செல்கையில் அவர் விபத்தில் சிக்கினார்.

இதில் அவருக்கு கை, மார்பில் காயம் ஏற்பட்டது. இதையடுத்து அவர் டெல்லி எய்ம்ஸ் மருத்துவமனையில் அனுமதிக்கப்பட்டுள்ளார். அவர் எப்படி விபத்தில் சிக்கினார் என்ற விபரம் தெரியவில்லை.

இது குறித்து எய்ம்ஸ் டாக்டர் ஒருவர் கூறுகையில்,

சுப்ரியோ நலமாக உள்ளார். அவருக்கு லேசான காயம் தான். தற்போது அவர் மருத்துவர்களின் கண்காணிப்பில் உள்ளார் என்றார்.

English summary

Union Minister Babul Supriyo has been admitted to the All India Institute of Medical Sciences or AIIMS in New Delhi after suffering minor injuries during a road accident on Friday evening.