பிறந்தநாளன்றே மறைந்த காங்கிரஸ் மூத்த தலைவர் என்.டி. திவாரி

டெல்லி: காங்கிரஸ் கட்சியின் மூத்த தலைவரான என்.டி. திவாரி உடல்நலக் குறைவால் தன்னுடயை பிறந்தநாள் தினத்திலேயே மறைந்தார். அவருக்கு வயது 93.

உத்தரப்பிரதேசம், உத்தரகண்ட் மாநிலங்களின் முன்னாள் முதல்வராக இருந்தவர் என்.டி. திவாரி. ஆந்திர மாநில ஆளுநராகவும் பதவி வகித்தார். இவர் பக்கவாத நோயால் பாதிக்கப்பட்டார்.

இதற்காக டெல்லியில் உள்ள தனியார் மருத்துவமனையில் கடந்த ஆண்டு அனுமதிக்கப்பட்டார். கடந்த சில தினங்களாக அவரது உடல்நிலை மோசமடைந்தது.

இதையடுத்து ஐசியூவில் அனுமதிக்கப்பட்ட திவாரி இன்று சிகிச்சை பலனின்றி காலமானார். இவர் கடந்த 1925-ஆம் ஆண்டு நைனிடாலில் பிறந்தார். தனது 88-ஆவது வயதில் உஜ்வாலா திவாரியை திருமணம் செய்து கொண்டார்.

இவர் பிறந்த தினமான இன்றே இவர் காலமாகிவிட்டார். உத்தரப்பிரதேச மாநிலத்தினஅ முதல்வராக 3 முறை பதவி வகித்தவர். அதுபோல் உத்தரகாண்ட் முதல்வராகவும் இருந்தார் நாராயண் தத் திவாரி (என் டி திவாரி).

கடந்த 2007-ஆம் ஆண்டு ஆந்திர ஆளுநராக நியமனம் செய்யப்பட்ட இவர், தன் மீது செக்ஸ் புகார் கூறப்பட்டதை அடுத்து 2009-ஆம் ஆண்டு பதவியை ராஜினாமா செய்தார். இதைத் தொடர்ந்து டேராடூனுக்கே திரும்பி சென்றார்.

English summary

Former UP and Uttarkhand CM N.D.Tiwari dies of paralysis on his birthday.