ஓலா கேப்ஸ் வாடிக்கையாளரா?: இனி உங்கள் செல்போன் எண்ணை டிரைவரால் பார்க்க முடியாது
பெங்களூர்: இனி ஓலா கேபை புக் செய்தால் வாடிக்கையாளர்களின் செல்போன் எண்களை டிரைவர்கள் பார்க்க முடியாதபடி புதிய திட்டத்தை அறிமுகம் செய்து வைத்துள்ளார்கள்.
ஓலா டாக்சிகளை புக் செய்தால் வாடிக்கையாளர்களின் செல்போன் எண் சம்பந்தப்பட்ட டிரைவருக்கு செல்லும். அவர் அந்த எண்ணை பார்த்து போன் செய்வார். இந்நிலையில் வாடிக்கையாளர்களின் எண்களை டிரைவர்கள் பார்க்க முடியாதபடி புதிய திட்டத்தை ஓலா அறிமுகப்படுத்தியுள்ளது.
யாராவது டாக்சி புக் செய்தால் அவரின் செல்போன் எண் என்கிரிப்டட் வடிவில் டிரைவருக்கு செல்லும். அதை வைத்து தான் அவர் வாடிக்கையாளரை அழைக்க முடியும். இந்த புதிய திட்டம் ஓலா நிறுவனம் செயல்பட்டு வரும் அனைத்து நகரங்களிலும் தற்போது நடைமுறையில் உள்ளது.
வாடிக்கையாளர்களின் பாதுகாப்புக்காக 20 மில்லியன் அமெரிக்க டாலர்களை ஒதுக்கி வைத்துள்ளதாக ஓலா அண்மையில் தெரிவித்திருந்தது. வாடிக்கையாளர்களுக்கு டிரைவர்கள் செய்யும் போன் கால்களை ஓலா பதிவு செய்யும்.
இந்த புதிய திட்டத்தின் மூலம் வாடிக்கையாளர்களின் செல்போன் எண்கள் அனைவர் கையிலும் கிடைக்காமல் பாதுகாக்கப்படுகிறது.
Click it and Unblock the Notifications
Sign in with Google