பெட்ரோல் விலை தொடர்ந்து 2வது நாளாக குறைந்தது! சென்னை உள்ளிட்ட பெரு நகரங்களில் பெட்ரோல் விலை இதுதான்
Recommended Video
மும்பை: நாடு முழுவதும் தொடர்ந்து 2வது நாளாக பெட்ரோல் விலை குறைந்துள்ளது. வெள்ளிக்கிழமையான இன்று, அதிகபட்சமாக, மும்பையில், பெட்ரோல் விலை லிட்டருக்கு 18 பைசாக்கள் குறைந்து காணப்பட்டது.
சென்னையை பொறுத்தளவில் ஒரு லிட்டர் பெட்ரோல் விலை இன்று 15 பைசா குறைந்துள்ளது. டெல்லியில் 14 பைசாக்களும், கொல்கத்தாவில் 13 பைசாக்களுமாக விலை குறைந்துள்ளது. அதே நேரம், டீசல் விலையில் மாற்றம் இல்லை.
இன்றைய நிலவரப்படி, ஒரு லிட்டர் பெட்ரோல் சென்னையில் ரூ.78.89, மும்பையில், ரூ.83.74, டெல்லியில் ரூ.76.02, கொல்கத்தாவில் ரூ.78.70 என்ற விலையில் விற்பனையாகிறது.
கடந்த மே 29ம் தேதி பெட்ரோல் விலை வரலாறு காணாத உச்சம் தொட்டது. ஜனவரி 1ம் தேதி முதல் இதுவரை பெட்ரோல் விலை ரூ.6.46 ஏற்றம் கண்டுள்ளது. டீசல் ரூ.8.21 விலையேற்றம் கண்டுள்ளது.
பெட்ரோலிய பொருட்களின் விலையேற்றம் நாட்டில் பண வீக்கத்தை ஏற்படுத்தியுள்ளது. பண வீக்கம் சுமார் இரட்டை மடங்காக அதிகரித்து மே மாத நிலவரப்படி, 4.43 சதவீதமாக இருந்தது.