ராகுல் விளம்பரத்தில் 'சுட்டு' வைக்கப்பட்ட மோடியின் வாசகம் 'நான் அல்ல நாம்'

By Siva

Updated: Friday, January 24, 2014, 16:32 [IST]

Subscribe to Oneindia Tamil

டெல்லி: கடந்த மூன்று ஆண்டுகளுக்கு முன்பு குஜராத் முதல்வர் நரேந்திர மோடி எழுதி பயன்படுத்திய வாக்கியம் காங்கிரஸ் துணை தலைவர் ராகுல் காந்தி புகைப்படத்துடன் கூடிய விளம்பரத்தில் பயன்படுத்தப்பட்டுள்ளது.

இன்றை செய்தித்தாளை பார்த்தீர்களா? இல்லை என்றால் செய்தித்தாளை எடுத்து அதன் கடைசி பக்கத்தில் வந்துள்ள காங்கிரஸ் விளம்பரத்தை பாருங்கள்.

கருப்பு, வெள்ளையில் வந்துள்ள அந்த விளம்பரத்திற்கு என்ன என்று கேட்கிறீர்களா? வில்லங்கமே தலைப்பில் தான் உள்ளது.

விளம்பரம்

இன்றைய விளம்பரத்தில் காங்கிரஸ் துணை தலைவர் ராகுல் காந்தி பொதுமக்கள் சிலர் மத்தியில் கையை கட்டிக் கொண்டு நிற்பது போன்ற புகைப்படத்திற்கு மேல் நான் அல்ல நாம் என்ற தலைப்பு உள்ளது.

நான் அல்ல நாம்

நான் அல்ல நாம் என்ற தலைப்பில் தான் பிரச்சனையே. காரணம் அந்த வாசகத்தை குஜராத் முதல்வர் நரேந்திர மோடி எழுதி அதை கடந்த 2011ம் ஆண்டு தான் கலந்து கொண்ட கூட்டம் ஒன்றிலும் பயன்படுத்தியிருக்கிறார். தற்போது அவருடைய வாசகம் காங்கிரஸ் விளம்பரத்தில் உள்ளது.