அசத்தல் ஆதித்யா எல் 1.. புவி வட்டப்பாதையில் நிலை நிறுத்தப்பட்டது.. இஸ்ரோ தலைவர் சோம்நாத் மகிழ்ச்சி

ஸ்ரீஹரிகோட்டா: சூரியனை ஆய்வு செய்வதற்காக விண்ணில் செலுத்தப்பட்ட ஆதித்யா எல் 1 விண்கலம் தனது பயணத்தை வெற்றிகரமாக தொடங்கியுள்ளது. பி.எஸ்.எல்.வி சி. 57 ராக்கெட்டில் இருந்து வெற்றிகரமாக ஆதித்யா எல் 1 வெற்றிகரமாக தனியாக பிரிந்து புவி சுற்று வட்டப்பாதையில் நிலை நிறுத்தப்பட்டதாக இஸ்ரோ தலைவர் சோம்நாத் கூறியுள்ளார்.

பி.எஸ்.எல்.வி. சி-57 ராக்கெட் ஆதித்யா எல் 1 விண்கலத்தை சுமந்து கொண்டு திட்டமிட்டப்படி இன்று பகல் 11.50 மணிக்கு வெற்றிகரமாக விண்ணில் பாய்ந்தது. இதில் பெங்களூவில் உள்ள ஐ.ஐ.எம். கல்வி நிறுவனம் வடிவமைத்த 7 ஆய்வுக்கருவிகள் பொருத்தப்பட்டு உள்ளன. 11.50 மணிக்கு ஏவப்பட்ட பிஎஸ்எல்வி சி 57 ராக்கெட்டில் இருந்து சரியாக ஒரு மணி நேரத்தில் ஆதித்யா எல். 1 விண்கலம் தனியாக பிரிந்தது. இதனையடுத்து இஸ்ரோ விஞ்ஞானிகள் கைதட்டி மகிழ்ச்சியை வெளிப்படுத்தினர். பூமியில் இருந்து சரியாக 648 கிலோ மீட்டர் உயரத்தில் ஆதித்யா விண்கலம் பிரிந்ததாக இஸ்ரோ தலைவர் சோம்நாத் கூறினார்.

ராக்கெட்டில் இருந்து பிரிந்த ஆதித்யா விண்கலம் புவி வட்டப்பாதையில் நிலை நிறுத்தப்பட்டதாகவும் இஸ்ரோ தலைவர் சோம்நாத் கூறினார். அடுத்தடுத்த சுற்றுகளைக் கடந்த மிக நீண்ட பயணத்திற்குப் பிறகு எல். 1 புள்ளியை அடையும் என்றும் சோம்நாத் கூறினார்.

பூமியில் இருந்து 15 கோடி கிமீ., தூரத் தொலைவில் சூரியன் இருக்கிறது. விண்ணில் பயணத்தை தொடங்கியுள்ள ஆதித்யா எல் 1 விண்கலம் "லெக்ராஞ்சியன் பாயிண்ட் ஒன்" என்ற இடத்தில் நிலைநிறுத்தப்படும். புவியின் நீள்சுற்றுவட்டப் பாதையில் இருந்து ஆதித்யா எல் 1 விண்கலம் 'லெக்ராஞ்சியன் பாயிண்ட் ஒன்' என்ற பகுதிக்கு செலுத்தப்பட்டு அங்கிருந்து சூரியன் குறித்த ஆய்வை மேற்கொள்ளும். இன்று விண்ணில் ஏவப்பட்ட ஆதித்யா எல் 1 விண்கலம் 125 நாட்கள் பயணித்து அதாவது சுமார் 4 மாதங்கள் பயணித்து எல் 1 புள்ளியை சென்றடையும் என்றும் இஸ்ரோ தெரிவித்துள்ளது.

English summary

PSLV-C57/Aditya-L1 Mission | The launch of Aditya-L1 by PSLV-C57 is accomplished successfully. The vehicle has placed the satellite precisely into its intended orbit. India’s first solar observatory has begun its journey to the destination of Sun-Earth L1 point, say ISRO.