டெல்லியில் மெட்ரோ ரயிலில் குடிபோதையில் தள்ளாடி கீழே விழுந்த போலீஸ்காரர்: தீயாக பரவும் வீடியோ
டெல்லி: டெல்லியில் போலீஸ்காரர் ஒருவர் குடிபோதையில் மெட்ரோ ரயிலில் பயணம் செய்கையில் தள்ளாடி கீழே விழுந்தபோது எடுக்கப்பட்ட வீடியோ சமூக வலைதளங்களில் தீயாக பரவியுள்ளது.
டெல்லியில் போலீஸ்காரர் ஒருவர் மூக்கு முட்ட குடித்துவிட்டு போதையில் மெட்ரோ ரயிலில் ஏறியுள்ளார். அந்த ரயிலில் கூட்டம் அவ்வளவாக இல்லை. போலீஸ்காரர் குடிபோதையில் நிற்க முடியாமல் தள்ளாடியுள்ளார். அவர் தள்ளாடியதை பிற பயணிகள் பார்த்து அதிர்ச்சி அடைந்தனர்.
போதையில் அவர் அங்கும் இங்குமாக தள்ளாடுகையில் ரயில் டிரைவர் பிரேக் போட்டார். இதையடுத்து போலீஸ்காரர் கீழே விழுந்துவிட்டார். இதை பார்த்த பயணிகள் ஓடி வந்து அவரை தூக்கிவிட்டனர். போலீஸ்காரரின் போதை லீலையை பயணி ஒருவர் தனது செல்போனில் வீடியோ எடுத்துள்ளார்.
ஃபேஸ்புக்கில் வெளியாகியுள்ள அந்த வீடியோ தீயாக பரவிக் கொண்டிருக்கிறது. டெல்லி மெட்ரோ ரயிலில் குடித்துவிட்டு பயணம் செய்ய அனுமதி இல்லை. மேலும் மது பாட்டில்களை ரயிலில் எடுத்துச் செல்லவும் அனுமதி இல்லை.
36 நொடிகள் ஓடும் அந்த வீடியோ தற்போது பலரின் கவனத்தையும் ஈர்த்துள்ளது.