நவ.16 முதல் டிச.16 வரை நாடாளுமன்ற குளிர்கால கூட்டத் தொடர்!
டெல்லி: நாடாளுமன்ற குளிர்கால கூட்டத் தொடர் நவம்பர் 16-ம் தேதி தொடங்கி டிசம்பர் 16-ம் தேதி வரை நடைபெறும் என்று அறிவிக்கப்பட்டுள்ளது. இந்த கூட்டத்தொடரில் பல முக்கிய மசோதாக்கள் நிறைவேற்றப்படும் என தகவல்கள் தெரிவிக்கின்றன.
நாடாளுமன்ற விவகாரங்களுக்கான மத்திய அமைச்சரவைக் குழு கூட்டம் டெல்லியில் நேற்று நடைபெற்றது. இந்த கூட்டத்தில் குளிர்கால கூட்டத்தொடரை நவம்பர் 16-ந் தேதி முதல் டிசம்பர் 16-ந் தேதி வரை நடத்த முடிவு செய்யப்பட்டுள்ளது.
பொதுவாக நவம்பர் மாதம் இறுதியில் குளிர்கால கூட்டத் தொடர் தொடங்குவது வழக்கம். இம்முறை சற்று முன்கூட்டியே நாடாளுமன்ற குளிர்கால கூட்டத் தொடர் தொடங்குகிறது. இந்த கூட்டத் தொடரில் பாகிஸ்தானின் அத்துமீறல், காவிரி மேலாண்மை வாரியம் உள்ளிட்ட விவகாரங்கள் எழுப்பப்படும் என எதிர்பார்க்கப்படுகிறது.
நவ.16 முதல் டிச.16 வரை நாடாளுமன்ற குளிர்கால கூட்டத் தொடர்! https://t.co/F85QSliRj5 #Parliament #WinterSession pic.twitter.com/Z7sWz1yKfd
— Oneindia Tamil (@thatsTamil) October 14, 2016