நக்சல்களை வேட்டையாட பெண் கமாண்டோ படை.. நாட்டிலேயே முதல் முறையாக சத்தீஸ்கரில் உருவாக்கம்
தண்டேவாடா: நாட்டில் முதல் முறையாக சத்தீஸ்கர் மாநிலத்தில் நக்சல் ஆதிக்கம் உள்ள இடங்களில், பெண் கமாண்டோக்கள் பணியமர்த்தப்பட்டுள்ளனர். சிறப்பு பயிற்சி பெற்ற 30 பெண் கமாண்டோக்கள் அடங்கிய குழு தண்டேவாடா மற்றும் பாஸ்தரில் களமிறங்கியுள்ளனர்.
பாம்பின் கால் பாம்பறியும் பழமொழிக்கு ஏற்ப சரணடைந்த பெண் மாவோயிஸ்டுகள் 5 பேர், இந்த பெண்கள் கமாண்டோ படைப்பிரிவில் சேர்க்கப்பட்டுள்ளனர். மாவோயிஸ்டுகளின் நடமாட்டம் மற்றும் செயல்பாடுகள் குறித்து இந்த முன்னாள் மாவோயிஸ்டுகள் நன்கு அறிந்திருப்பார்கள்.
எனவே இவர்களுக்கு தீவிர பயிற்சி அளிக்கப்பட்டுள்ளது. இது தவிர மாவோயிஸ்டுக்கு எதிரான கிளர்ச்சி இயக்கத்தில் இருந்த 10 பெண்கள் உதவி கான்ஸ்டபிள்களாக இணைந்துள்ளனர். இந்த பெண்கள் கமாண்டோ குழுவிற்கு தண்டேஸ்வரி ஃபைட்டர்ஸ் ( Danteshwari fighters) என பெயரிடப்பட்டுள்ளது.
சத்தீஸ்கரில் வன்முறை தாக்குதல்கள் மற்றும் சட்டவிரோத செயல்களில் ஈடுபடும் மாவோயிஸ்டுகளை ஒடுக்க அரசு தீவிர நடவடிக்கை எடுத்து வருகிறது. அதே சமயத்தில் மாவோயிஸ்டுகள் தங்களது ஆயுதங்களை ஒப்படைத்து விட்டு சரணடைந்தால், அவர்கள் திருந்தி வாழ வாய்ப்பு வழங்கப்படுகிறது.
இதனை ஏற்று ஏராளமான மாவோயிஸ்டுகள் குடும்பத்தினருடன் சரண் அடைந்து இயல்பு வாழ்கைக்கு திரும்பியுள்ளனர். தற்போது அமைக்கப்பட்டுள்ள தண்டேஸ்வரி ஃபைட்டர்ஸ் படை, தண்டேவாடா மாவட்ட கண்காணிப்பாளர் அபிஷேக் பல்லவ் தலைமையில் செயல்பட உள்ளது. இதன் மூலம் தண்டேவாடா மாவட்டத்தில் ரிசர்வ் படைப் பிரிவுகளின் எண்ணிக்கை 6 ஆக உயர்ந்துள்ளது.
இது பற்றி ஊடகங்களுக்கு பேட்டியளித்த பாஸ்தர் பகுதி ஐ.ஜியான விவேகானந்த சின்ஹா, பெண்களின் ஆற்றலை வெளிப்படுத்த இது ஒரு வாய்ப்பாக அமையும். நக்சல்களுக்கு எதிரான நடவடிக்கைகளில் பெண் கமாண்டோக்கள் சிறப்பாக பணியாற்றுவார்கள் என நம்பிக்கை உள்ளது என்றார்.
கடந்த ஆண்டில் மத்திய சிறப்பு காவல் படை சார்பில் இளைஞர்கள் மற்றும் இளம்பெண்கள் அடங்கிய குழு ஒன்று உருவாக்கப்பட்டது. நக்சல்களுக்கு எதிரான நடவடிக்கைகளுக்காக அக்குழு பிரத்யேகமாக தயார்படுத்தப்பட்டிருப்பது குறிப்பிடத்தக்கது.
-
இமாச்சல் போல.. தமிழகத்தில் அரசு ஊழியர்களின் மாத சம்பளத்தை 30% குறைக்க வேண்டியது வரும்.. அன்புமணி -
1 சவரன் தங்க நகை வாங்க போறீங்களா? கடைக்காரர் போடும் கணக்கில் அதிக மாற்றமா? ஏமாறாமல் இருக்க பில் தேவை -
10 பைசா கூட வராது.. தங்கத்தை மொத்தமாக விற்கும் முதலீட்டாளர்கள்.. நெருங்கி வரும் பேரழிவு? -
அதை சொல்ல யாருக்கும் அருகதை இல்லை.. வீட்டிலும், ஆபீஸிலும் இதுதான் நடக்குது செல்வராகவன் ஆதங்கம் -
56 out of 234: விசிகவுக்கு "6+2!" திமுக கூட்டணியில் எந்தெந்த கட்சிகளுக்கு எத்தனை தொகுதிகள்? -
அதிமுக கூட்டணியில் பாமகவுக்கு 18, அமமுகவுக்கு 11 தொகுதிகள் ஒதுக்கீடு! -
கேஸ் மானியம் ₹300 வந்தாச்சா? வங்கிக்கு போகவே வேண்டாம்… வீட்டிலேயே 2 நிமிஷத்தில் தெரிஞ்சுக்கலாம் -
48 அவுட் ஆஃப் 234! திமுக கூட்டணியில் இதுவரை எந்தெந்த கட்சிகளுக்கு எத்தனை சீட் ஒதுக்கீடு! -
PHH, AAY ரேஷன் கார்டுதாரர்களுக்கு முக்கிய அறிவிப்பு! கார்டு காலி ஆயிடும்..ரேகை வைக்கலைனா ப்ளாக் தான் -
அமெரிக்காவை வீழ்த்தும் ஈரான்.. ஆட்டம் காணும் மிதக்கும் அரண்மனை.. ஒரே இரவில் பஸ்பம் ஆன $13000000000! -
டிரம்ப் வயிற்றில் பாலை வார்த்த ஈரான்.. அமெரிக்காவுக்கு முதல் முறையாக பச்சைக்கொடி -
நாகர்கோவில் எம்எல்ஏ காந்திக்கு கல்தா.. பாஜக தலைமை முடிவால் கலக்கம்
Click it and Unblock the Notifications
Sign in with Google