உத்தர பிரதேசத்தில் பாஜக முதல்வர் வேட்பாளர் யார் தெரியுமா?
தேர்தல் பிரசாரக் கூட்டங்களில் யோகி ஆதித்யாநாத்தை முதல்வர் வேட்பாளர் என அமித்ஷா மறைமுகமாக கூறி வந்தார். இதனால் அவரை முதல்வராக தேர்வு செய்யும் வாய்ப்பு உள்ளது.
டெல்லி: உத்தரப்பிரதேசத்தில் பாஜக ஆட்சியை கைப்பற்றும் என்று எக்சிஸ் போல் முடிவுகள் கூறும் நிலையில், அக்கட்சி யாரை முதல்வர் வேட்பாளராக நிறுத்த உள்ளது என்ற எதிர்பார்ப்பு எழுந்துள்ளது.
தேர்தலின்போது முதல்வர் வேட்பாளர் பெயரை அறிவிக்காமல் பாஜக போட்டியிட்டது நினைவிருக்கலாம். அக்கட்சியின் தேசிய தலைவர் அமித்ஷா, பிரதமர் மோடி ஆகியோர் இப்படி ஒரு முடிவை எடுத்து தேர்தலை சந்தித்தனர். அதாவது, மோடியை முன்னிருத்தியே இத்தேர்தலும் சந்திக்கப்பட்டது.
எனவே நாளை ரிசல்ட் பாஜகவுக்கு சாதகமாக வந்தால், கோரக்பூர் மக்களவைத் தொகுதியில் இருந்து 5 முறை வெற்றி பெற்ற யோகி ஆதித்யாநாத், பாஜகவின் சட்டசபை குழு தலைவராக தேர்ந்தெடுக்கப்படுவார் என எதிர்பார்க்கப்படுகிறது.
தேர்தல் பிரசாரக் கூட்டங்களில் யோகி ஆதித்யாநாத்தை முதல்வர் வேட்பாளர் என அமித்ஷா மறைமுகமாக கூறி வந்தார். இதனால் அவரை முதல்வராக தேர்வு செய்யும் வாய்ப்பு உள்ளது. அதேபோல, மேனகா காந்தியின் மகனும், எம்.பியுமான வருண்காந்தியை முதல்வராக்க பாஜகவில் ஒரு பிரிவினர் முயன்று வருகிறார்கள்.
இதில் ஆதித்யநாத்துக்கே அதிக வாய்ப்புள்ளதாக கருதப்படுகிறது. இவர் அவ்வப்போது மதம் சார்ந்த சர்ச்சை கருத்துக்களை வெளியிட்டு வருபவர் என்பது குறிப்பிடத்தக்கது.
Click it and Unblock the Notifications
Sign in with Google