9 வயது சிறுமியை ஐஎஸ்ஐஎஸ் தீவிரவாதி மணந்தாரா?: உண்மையில் நடந்தது என்ன?

துனிஸ்: 9 வயது சிறுமியை ஐ.எஸ்.ஐ.எஸ். தீவிரவாதி திருமணம் செய்து கொண்டதாக வெளியான தகவலில் உண்மை இல்லை.

கடந்த சில தினங்களுக்கு முன்பு துனிசியாவைச் சேர்ந்த ஐ.எஸ்.ஐ.எஸ். தீவிரவாதி 9 வயது சிறுமியை திருமணம் செய்து கொண்டதாகவும், அப்போது சிறுமி அழுதபடியே அந்த நபருடன் நிற்கும் புகைப்படம் சமூக வலைதளங்களில் வெளியாகி பரபரப்பை ஏற்படுத்தியது.

உண்மையில் அந்த நபர் சிறுமியை திருமணம் செய்து கொள்ளவில்லை.

போட்டி

குர்ஆனில் உள்ள சூராக்களை மனப்பாடமாக கூறும் போட்டியில் கலந்து கொண்ட சிறுமி ஒரு சூராவை தவறாக கூறியதால் அழுதுள்ளார். அவரை போட்டிக்கு ஏற்பாடு செய்தவர்களில் ஒருவரான அந்த வாலிபர் சமாதானம் செய்ததை பார்த்து அவர்களுக்கு திருமணமாகிவிட்டதாக செய்திகள் வெளியாகின.

வீடியோ

இந்நிலையில் இது குறித்த வீடியோ ஃபேஸ்புக்கில் வெளியாகியுள்ளது. அரபு மொழியில் உள்ள வீடியோவின் தலைப்பில் துனிசியாவைச் சேர்ந்த போராளி 9 வயது சிறுமியை திருமணம் செய்ய விரும்புகிறார். அதனால் சிறுமி அழுகிறார் என்று கூறப்பட்டுள்ளது.

துனிசியர்

இந்த வீடியோவை பார்த்த அரபு மொழி தெரிந்த ஒருவர் ஃபேஸ்புக்கில் கூறியிருப்பதாவது, துனிசிய போராளி ஒருவர் 9 வயது சிறுமியை திருமணம் செய்ய விரும்புவதாக கூறப்பட்ட வீடியோவை பார்த்தேன். நான் துனிசியாவைச் சேர்ந்தவன் என்றாலும், முஸ்லீம் என்றாலும் போராளிகளை அவமதிக்க தயங்காதவன். தங்களை போராளிகள் என்று கூறிக் கொள்ளும் தீவிரவாதிகளை ஐரோப்பியர்கள் மட்டும் இன்றி முஸ்லீம்களும் வெறுக்கிறார்கள்.

குரான் போட்டி

ஆனால் அந்த வீடியோவில் குரான் போட்டியை நடத்தும் நபரை பார்த்தேன். சிறுமி ஒரு சூராவை தவறாக கூறியதுடன் மறந்துவிட்டதாலும் அழுதார். நல்ல காலம் எனக்கு அரபு மொழி தெரிந்ததால் அது புரிந்தது. அரபு மொழி தெரியாதவர்கள் அந்த வீடியோ குறித்து என்னவெல்லாம் சொல்வார்களோ என்று அந்த நபர் தெரிவித்துள்ளார்.

English summary

The photos recently surfaced in internet saying that an ISIS terrorists married a 9-year old girl is not true.