ஓமிக்ரான் பாதித்த அத்தனை பேருக்கும் "ஒரு அறிகுறி" ஒரே மாதிரி இருக்குதே.. உஷார் மக்களே!

ஒமிக்ரான் வைரஸின் புது அறிகுறிகள் வெளியாகி உள்ளது

Updated: Tuesday, December 21, 2021, 18:18 [IST]

Subscribe to Oneindia Tamil

லண்டன்: மூக்கு ஒழுகுதல், தொண்டை வலி, தும்மல் என குளிர் தொடர்புடையவையாக எது இருந்தாலும், அதை அசால்ட்டாக எடுத்து கொள்ள கூடாது என்றும் அவை ஒருவேளை ஒமிக்ரான் அறிகுறிகளாக இருக்கலாம் என்றும் ஆய்வாளர்கள் புது தகவலை வெளியிட்டுள்ளனர்.

ஒமிக்ரான் பாதிப்பு

நம் நாட்டை பொறுத்தவரை மும்பையில் கண்டுபிடிக்கப்பட்ட ஒமிக்ரோன், 7-க்கும் மேற்பட்ட மாநிலங்களில் பாதிப்பை தந்து வருகிறது.. 200 பேர் பாதிப்புக்கு ஆளாகி உள்ளனர்.. இதனால், பாதுகாப்பு முன்னெச்சரிக்கைகள் கையில் எடுக்கப்பட்டு வருகின்றன.... அதேசமயம், இந்த ஒமிக்ரான் பன்மடங்கு வீரியம் கொண்டது, வேகமாக பரவக்கூடியது என்ற ஆய்வுகள் வெளிவந்து கொண்டேயிருக்கின்றன.. குறிப்பாக டெல்டா வைரஸைவிட பரவும் தன்மையில் வேகம் கொண்டது என்று உலக சுகாதார அமைப்பும் எச்சரிக்கை விடுத்து வருகிறது.

ஜலதோஷம்

அதேசமயம், ஒமிக்ரான் வைரஸின் அறிகுறிகள் என்ன என்பது குறித்த ஆராய்ச்சிகளும் தொடர்ந்து நடந்து கொண்டிருக்கின்றன.. அதன்படி அவ்வப்போது அதன் அறிகுறிகளும் சொல்லப்பட்டு வருகின்றன.. சில தினங்களுக்கு முன்பு பிரிட்டனில் நடந்த ஆய்வில், புதிய அறிகுறிகளாக, மூக்கு ஒழுகுதல் (Runny Nose), தலைவலி (Headache), சோர்வு (Fatigue) மற்றும் தொண்டை வறட்சி (Dry throat) போன்ற அறிகுறிகள் கூறப்பட்டிருந்தன.. இந்த அறிகுறிகள் அனைத்துமே சாதாரண ஜலதோஷத்திற்கானது, சாதாரண சளி என்று எடுத்து கொண்டு அசால்ட்டாக விட்டுவிட்டால் என்னாவது? என்ற கலக்கம் மக்களை சூழ்ந்தது.

தொண்டை வலி

இப்படி பல ஆய்வுகள் வெளிவந்து கொண்டிருந்தாலும் பொதுவான அறிகுறியாக இருப்பது தொண்டை வலிதான்.. ஒமைக்ரானின்ஒரே ஒரு பொதுவான அறிகுறியாக தொண்டை வலி என்கிறார்கள்.. காரணம், ஆரம்ப காலத்தில் இந்த வைரஸால் தென்னாப்பிரிக்கா, பிரிட்டன் போன்ற நாடுகளில் பாதிக்கப்பட்டவர்களுக்கு தொண்டை வலிதான் முதலில் இருந்ததாம்.. அவர்கள் எல்லாருக்குமே தொண்டை வலி ஆரம்ப கட்டத்தில் முக்கிய அறிகுறியாக இருந்திருக்கிறது.. இதற்கு பிறகு மூக்கடைப்பு அடுத்த அறிகுறியாக இருந்துள்ளது

அறிகுறிகள்

இது தொடர்பாக, கடந்த டிசம்பர் 3-ம் தேதி முதல் 10ம் தேதி வரை, பிரிட்டனில் ஒமிக்ரான் வைரஸ் பாதித்தோரிடையே ஒரு ஆய்வு நடத்தப்பட்டது.. அதில், தலைவலி, சோர்வு, குளிர் போன்றவைகள் முக்கியமான மற்றும் பொதுவான அறிகுறிகளாக இருந்ததாம். ஆனால், ஜோ சிம்ப்டம் ட்ராக்கிங் (ZOE Symptom Tracking) என்ற மற்றொரு ஆய்வில், மூக்கு ஒழுகுதல், தலைவலி, சோர்வு (லேசான மற்றும் அதிகமானது) தும்மல், தொண்டை புண் அல்லது வலி போன்றவைகள் ஒமிக்ரானின் அறிகுறிகள் என்று சொல்லப்பட்டுள்ளது.

தொண்டை வலி

அனைத்துவிதமான ஆய்விலும் தொண்டை வலி என்ற அறிகுறி இடம்பெற்றாலும், டெல்டாவுக்கும், ஒமிக்ரானுக்குமான அறிகுறிகள் வேறு வேறாக இருப்பதாக ஆய்வாளர்கள் சொல்கிறார்கள்.. அதாவது டெல்டா வைரஸ் பாதித்தால், சுவை தெரியாதாம், வாசனையும் தெரியாதாம்.. காய்ச்சல், இருமல், சோர்வு, சிலருக்கு குடல் பிரச்சனை போன்றவை அறிகுறிகளாக இருக்கின்றன..

அலட்சியம் கூடாது

ஆனால், ஒமிக்ரான் பாதித்தால், மூக்கு ஒழுகுதல், தொண்டை வலி, தும்மல் என குளிர் தொடர்புடையவையாக இருக்கும் என்றும் இப்படியான அறிகுறிகள் தென்பட்டால் சாதாரணமாக எடுத்துக்கொள்ள கூடாது, ஒருவேனைள அது கோவிட்டாகவும் இருக்கலாம் என்றும் இந்த ஆய்வை நடத்தும் டிம் ஸ்பெண்டர் என்ற விஞ்ஞானி கடுமையாகவே எச்சரித்துள்ளார்... இன்னும் இந்த ஒமிக்ரான் நம்மை என்னவெல்லாம் செய்ய போகிறதோ?!