டாக்டரிடம் ஐபோன் திருடிய நபர்.. அடுத்த ஒரு மணிநேரத்தில் ட்விஸ்ட்.. சிக்கியது எப்படி? சுவாரசிய தகவல்

கான்பூர்: உத்தர பிரதேச மாநிலம் கான்பூரில் நோயாளி போல் நடித்து டாக்டரிடம் இருந்து ஐபோனை திருடிய நபரை போலீசார் அடுத்த ஒரு மணிநேரத்தில் அதிரடியாக கைது செய்தனர். இந்த திருடன் எப்படி சிக்கினான்? என்பது பற்றிய சுவாரசிய தகவல் வெளியாகி உள்ளது.

உத்தர பிரதேச மாநிலம் கான்பூரில் தனியாருக்கு சொந்தமான மருத்துவமனை உள்ளது. இந்த மருத்துவமனைக்கு ஒரு நபர் வந்தார். சட்டை மற்றும் ஷார்ட்ஸ் அணிந்திருந்தார். அவர் தனது காலில் அடிபட்டுள்ளதாக கூறினார். நொண்டிநொண்டி நடந்து சென்றார்.

அந்த நபரால் சரியாக நடக்க முடியவில்லை. இடது கையில் வாக்கிங் ஸ்டிக் வைத்திருந்தார். மருத்துவரின் மருந்து சீட்டுடன் நடந்து சென் று கொண்டிருந்தார். அப்போது மருத்துவமனை ஊழியர்களிடம் உதவி கோரினார். இதையடுத்து மருத்துவமனை ஊழியர்கள் அவருக்கு உதவி செய்தனர்.

இந்த வேளையில் மருத்துவமனையில் ஜூனியராக பணியாற்றும் டாக்டர் அணிந்திருந்த கோட்டில் இருந்து அந்த நபர் ஐபோனை திருடிவிட்டு சென்றார். அதனை டாக்டர் உணரவில்லை. அந்த நபர் மருத்துவமனையை விட்டு வெளியே சென்ற சமயத்தில் தான் டாக்டர் தனது ஐபோன் திருடப்பட்டு இருப்பதை உணர்ந்தார். உடனடியாக அவர் தனது எண்ணை தொடர்பு கொள்ள முயன்றார். அது ஸ்விட்ச்ஆப் செய்யப்பட்டு இருந்தது.

அப்போது தான் நோயாளியாக இருந்த நபர் திருடி இருக்கலாம் என்று அவர் சந்தேகித்தார். இதையடுத்து மருத்துவமனையில் உள்ள கண்காணிப்பு கேமராவை ஆய்வு செய்தார். அப்போது உதவி செய்தபோது அந்த நபர் நைசாக கோட்டில் இருந்த ஐபோனை திருடியது தெரியவந்தது. இதையடுத்து உடனடியாக அவர் போலீசில் புகார் தெரிவித்தார். அடுத்த 60 நிமிடத்தில் அந்த நபர் போலீசாரிடம் சிக்கினார்.

அவரிடம் இருந்த ஐபோன் பறிமுதல் செய்யப்பட்டது. விசாரணையில் அவரது பெயர் முகமது ஃபைஸ் என்பதும், நோயாளி போல் நடித்து டாக்டரிடம் ஐபோன் திருடியதும் தெரியவந்தது. மேலும் பல இடங்களில் அவர் மக்களின் கவனத்தை திசை திருப்பி செல்போன் உள்பட பலவற்றை திருடியது தெரியவந்தது.

இதுபற்றி துணை போலீஸ் கமிஷனர் ஷ்ரவன் குமார் கூறுகையில், ‛‛ஐபோன் திருடியவரை போலீசார் விரைவாக கைது செய்துள்ளனர். அவரை கைது செய்த போலீஸ் டீமை நான் பாராட்டுகிறேன் இந்த கைது நடவடிக்கைகள் கண்காணிப்பு கேமராவில் பதிவான காட்சி தான் காரணம். சிசிடிவியால் தான் திருட்டில் ஈடுபட்டவர் கைது செய்யப்பட்டுள்ளனர்'' என்றார்.

English summary

A man who stole an iPhone from a doctor by posing as a patient in Kanpur, Uttar Pradesh, was arrested by the police within an hour. Interesting information has been released about how this thief was caught.