'அண்ணே ஒரு காபி குடுங்க'.. டீக்கடை குறித்து மதுரை எம்.பி நெகிழ்ச்சி ட்வீட்.. நெட்டிசன்கள் கமெண்ட்

Updated: Monday, February 7, 2022, 9:30 [IST]

Subscribe to Oneindia Tamil

மதுரை: மதுரை எம்.பி சு.வெங்கடேசன் கம்யூனிஸ்ட் கட்சியை சேர்ந்தவர். மேலும் இவர் பிரபல எழுத்தாளரும் கூட. காவல் கோட்டம், வேள்பாரி ஆகிய நூல்கள் இவரை தமிழ்நாடு முழுவதும் அடையாளம் காண செய்தது.

மதுரை எம்.பி சு.வெங்கடேசன்

மத்திய அரசு தமிழகத்துக்கு எதிரான திட்டம் கொண்டு வந்தால் தொடர்ந்து எதிர்ப்பு குரல் எழுப்பி வருகிறார். அதுவும் தமிழகத்திற்குள் ஏதாவது ஒரு வகையில் இந்தி திணிப்பு நடந்தால் முதல் ஆளாக எதிர்ப்பு குரல் கொடுத்து விடுவார். தமிழக அரசு நிறைவேற்றிய நீட் மசோதாவை குடியரசு தலைவருக்கு அனுப்பாமல் அரசுக்கே திருப்பி அனுப்பி இருந்தார் மாநில ஆளுநர் ஆர்.என்.ரவி.

தமிழகத்துக்காக குரல் கொடுப்பவர்

இதற்கு கடுமையாக கண்டனம் தெரிவித்த சு.வெங்கடேசன் ''எம்.பி வாடகை வீட்டிலிருக்கும் எனக்கு அந்த வீடோ, நிலமோ சொந்தமில்லை. உரிமையாளரின் உடமை. என்னைப்போல தமிழகத்தில் வாடகைக்கு இருக்கும் ஒருவர் உரிமையாளரின் உத்தரவுகளை அறவே மறுக்கிறார்'' என்று தமிழக ஆளுநரை மறைமுகமாக தாக்கி இருந்தார் அவர். இப்படி அதிரடியான கருத்துக்களை டுவிட்டரில் தொடர்ந்து பதிவிட்டு வரும் சு.வெங்கடேசன் நேற்று வித்தியாசமான பதிவு ஒன்றை வெளியிட்டு இருந்தார்.

தேநீர் கடை குறித்து பதிவு

அதாவது மதுரையில் உள்ள விசாலம் என்னும் டீக்கடை குறித்து பதிவிட்ட அவர், '' அண்ணே ஒரு காபி குடுங்க !சாரம் கட்டி வரிசையில் விடுவது சாராயக்கடைகளில் மட்டுமல்ல ... மதுரை விசாலம் காபி கடையிலும் உண்டு ...மதுரை முகவரிகளில் ஒன்று விசாலம் காபி'' என்று நெகிழ்ச்சியுடன் கூறி இருந்தார். அந்த தேநீர் கடையில் காபி குடித்த எம்.பி சு.வெங்கடேசன் இதுபற்றி பெருமையுடன் பதிவிட்டுள்ளார்.

நெட்டிசன்கள் கமெண்ட்

வெங்கடேசன் எம்.பி வெறும் அரசியல் பதிவுகள் மட்டுமில்லாது அவர் செல்லும் இடங்களில் அவரைக் கவர்ந்தவற்றையும் டுவிட்டரில் பதிவிடுவதை வாடிக்கையாக வைத்துள்ளது குறிப்பிடத்தக்கது. மதுரை எம்.பி .யின் இந்த பதிவுக்கு நெட்டிசன்கள் பல்வேறு கமெண்ட்களை பதிவு செய்து வருகின்றனர்.