நைட் ஷோ பார்த்துவிட்டு வந்த பெண்ணை.. கடத்தி சென்று பலாத்காரம்.. கான்ஸ்டபிள் முருகன் கைது.. பின்னணி

மதுரையில் இளம்பெண்ணை பலாத்காரம் செய்த ஏட்டு கைதானார்

Updated: Tuesday, November 30, 2021, 20:40 [IST]

Subscribe to Oneindia Tamil

சென்னை: இளம்பெண்ணை பலாத்காரம் செய்த கான்ஸ்டபிள் முருகனை போலீசார் கைது செய்துள்ளனர்.

மகேஷ்

''நைட் நேரத்தில் எங்கே போறீங்க? இருவரும் தம்பதியா? என்று விசாரித்துள்ளதாக கூறப்படுகிறது. அப்போது அவர்கள் தாங்கள் தம்பதி இல்லை என்று சொல்லி உள்ளனர்.. உடனே, நைட் நேரத்தில் சுற்றி திரிவதை அவரவர் குடும்பங்களுக்கு தெரிவிக்க போவதாக மிரட்டி உள்ளார் கான்ஸ்டபிள் முருகன்.. பிறகு, அந்த பெண்ணுடன் வந்த கடை ஓனரிடம் இருந்து டெபிட் கார்டை பறித்துக்கொண்டு ஏடிஎம் மூலம் 40,000 ரூபாயை எடுத்ததாக கூறப்படுகிறது.

தயக்கம்

மேலும், பெண்ணையும் பத்திரமாக நான் வீட்டில் விடுகிறேன் என்று சொல்லி உள்ளார்.. கடை ஓனர் தயங்கியபடியே நிற்கவும், அங்கிருந்து கிளம்பும்படியும் மிரட்டி அனுப்பியுள்ளார் கான்ஸ்டபிள்.. இதையடுத்து, அப்பெண்ணை அவர் வீட்டுக்கு அழைத்து செல்லாமல், நேதாஜி ரோட்டில் உள்ள ஒரு லாட்ஜுக்கு கடத்திச் சென்று பாலியல் பலாத்காரம் செய்துள்ளார்... இறுதியில் இதை பற்றி யாரிடமும் சொல்லக்கூடாது என்று மிரட்டிவிட்டு ஒரு ஆட்டோவில் ஏற்றி வீட்டிற்கும் அனுப்பி வைத்துள்ளார்..

அதிர்ச்சி

அழுதுகொண்டே வீட்டுக்கு வந்த அந்த பெண், போலீஸ்காரர் தன்னை கடத்தி சென்று பலாத்காரம் செய்ததை வீட்டில் இருப்பவர்களிடம் தெரிவித்துள்ளார். இதனால் அதிர்ந்து போன குடும்பத்தினர், திடீர்நகர் போலீசில் இதை பற்றி புகார் தந்தனர்.. அந்த புகாரின்பேரில் வழக்கு பதிவு செய்த போலீசார் சம்மந்தப்பட்ட நபரை பிடித்து விசாரித்தனர்... அப்போதுதான், அவர் திடல் ஸ்டேஷனில் வேலை பார்க்கும் கான்ஸ்டபிள் முருகன் என்பதே அவர்களுக்கு விசாரணையில் தெரியவந்தது.. அதை தொடர்ந்து அவர் சஸ்பெண்ட் செய்யப்பட்டார்...

முருகன்

அவரை கைது செய்த போலீசார், முருகன் மீது 5 பிரிவுகளின் கீழ் வழக்குப்பதிவு செய்தனர்.. சம்பவ இடத்தில் உள்ள சிசிடிவி. கண்காணிப்பு பதிவுகளை கைப்பற்றி ஆய்வு செய்தபோது, போலீஸ்காரர் முருகன் பெண்ணை மோட்டார் சைக்கிளில் அழைத்து செல்வது, விடுதிக்குள் செல்வது உறுதியானது. மேலும் மகேஷ்குமாரின் ஏடிஎம் கார்டு மூலம் ரூ.30 ஆயிரத்தை போலீஸ்காரர் முருகன் எடுத்து இருப்பதும் தெரியவந்தது. இப்போது கான்ஸ்டபிள் முருகனை போலீசார் கைது செய்துள்ளனர்.. அவரிடம் தொடர்ந்து விசாரணையும் நடத்தி வருகின்றனர்..!

வாக்குமூலம்

முதலில் பாதிக்கப்பட்ட பெண்ணின் குடும்பத்தினர் தந்த இந்த புகாரை போலீசார் நம்பவே இல்லையாம்.. பிறகு திலகர் திடல் உதவி கமிஷனர் ரவீந்திரநாத், பாதிக்கப்பட்ட அந்த பெண்ணிடமே நேரிடையாக வாக்குமூலத்தை பெற்று கமிஷனரிடம் தந்துள்ளார்.. அதற்கு பிறகு மகளிர் ஸ்டேஷனில் இன்ஸ்பெக்டர் தீபா தலைமையில்தான் இந்த கைது நடவடிக்கை நடந்துள்ளது..

கோரிக்கை

மதுரையில் இரவில் சினிமா பார்த்துவிட்டு திரும்பும் நபர்களை போலீசார், விசாரணை, என்ற பெயரில் இரவில் மிரட்டி பணம் பறிப்பதாகவும், இரவில் பெண்களுடன் செல்லும் நபர்களை பொய்வழக்கு பதிவு செய்வதாக கூறி பணத்தை பறிப்பதாகவும் தொடர்ந்து குற்றச்சாட்டுகள் வருகின்றன. எனவே, இதற்கும் தீர்வு வேண்டும் என்று கோரிக்கைகள் வர ஆரம்பித்துள்ளன.

புகார்

இப்போது கைதாகி உள்ள முருகன் இதற்கு முன்பும் இதுபோன்ற செயல்களில் ஈடுபட்டதாக கூறப்படுகிறது.. திடீர் நகர் ஸ்டேஷனில் பணியாற்றியபோது, மது அருந்திவிட்டு, அங்கிருந்த ஒரு கடையில் சென்று தகராறு செய்திருக்கிறார்.. அதற்கு பிறகுதான் திலகர் திடல் ஸ்டேஷனுக்கு மாற்றப்பட்டார் என்று தகவல்கள் கசிந்து வருகின்றன.. இதுபோல வேறு எங்காவது பிரச்சனை செய்துள்ளாரா? என்பது குறித்தும் விசாரணை நடந்து வருகிறது.