நீங்கள் எப்படி முடிவு எடுத்தீர்கள்.. நீதிபதி ஜிஆர் சுவாமிநாதன் மேஜர் கேள்வி.. வழக்கறிஞர்கள் பேட்டி

மதுரை: என் நீதிமன்ற உத்தரவை ஏன் யாரும் மதிக்கவில்லை? உத்தரவை பின்பற்றாமல் இருக்க எந்த அதிகாரத்தின் கீழ் நீங்கள் முடிவு எடுத்தீர்கள்?" என நீதிபதி அதிகாரிகளை நோக்கி நீதிபதி ஜிஆர் சுவாமிநாதன் கேள்வி எழுப்பினார். நீதிமன்றத்தின் உத்தரவை மீறி செயல்பட்டதாக தெரிகிறது என்றும், இதற்கு உரிய விளக்கம் அவசியம் என்றும் அவர் வலியுறுத்தினார் என்று வழக்கறிஞர் வாஞ்சிநாதன், வள்ளியப்பன் ஆகியோர் செய்தியாளர்களுக்கு பேட்டி அளித்தனர்.

திருப்பரங்குன்றம் தீப வழக்கில் நீதிபதியின் உத்தரவை அவமதிப்பு செய்த விவகாரத்தில் மதுரை மாவட்ட ஆட்சியர், மாநகர காவல் ஆணையர் லோகநாதன் உள்ளிட்ட முக்கிய நிர்வாகிகள் நேரில் ஆஜராகினார்கள். இதுபற்றி வழக்கறிஞர் வாஞ்சிநாதன், வள்ளியப்பன் ஆகியோர் செய்தியாளர்களுக்கு பேட்டி அளித்தனர்.

அப்போது அவர்கள் கூறுகையில், "மதுரை திருப்பரங்குன்றம் மலை மீது தீபம் ஏற்றுவது தொடர்பான விவகாரம் நாளுக்கு நாள் தீவிரமாகி, தற்போது நீதிமன்ற அவமதிப்பு வழக்காக பெரும் சர்ச்சையை உருவாக்கியுள்ளது.இந்த வழக்கு தொடர்பான விசாரணை இன்று மதுரை உயர்நீதிமன்ற கிளையில் நீதிபதி ஜி.ஆர். சுவாமிநாதன் அமர்வில் நடைபெற்றது. விசாரணையின் போது மாவட்ட நிர்வாகம் மற்றும் காவல் துறை உயர் அதிகாரிகள் மீது நீதிமன்றம் கடும் அதிருப்தியை வெளிப்படுத்தியது.

இந்த வழக்கில், திருப்பரங்குன்றம் மலை விவகாரத்தில் நீதிமன்ற உத்தரவை முறையாக பின்பற்றவில்லை என்ற குற்றச்சாட்டின் பேரில், மதுரை மாவட்ட ஆட்சியர் பிரவீன் குமார், மாநகர காவல் ஆணையர் லோகநாதன் உள்ளிட்ட முக்கிய அதிகாரிகள் நேரில் ஆஜராகினர். இதேபோல், தமிழக அரசின் தலைமை செயலர் காணொலி காட்சி (வீடியோ கான்பரன்ஸ்) மூலம் நீதிமன்றத்தில் ஆஜராகினார். அதிகாரிகள் அனைவரும் முன்னிலையிலிருந்த நிலையில், நீதிபதி ஜி.ஆர். சுவாமிநாதன் கடுமையான கேள்விகளை எழுப்பினார்.

"என் நீதிமன்ற உத்தரவை ஏன் யாரும் மதிக்கவில்லை? உத்தரவை பின்பற்றாமல் இருக்க எந்த அதிகாரத்தின் கீழ் நீங்கள் முடிவு எடுத்தீர்கள்?" என நீதிபதி அதிகாரிகளை நோக்கி கேள்வி எழுப்பினார். நீதிமன்றத்தின் உத்தரவை மீறி செயல்பட்டதாக தெரிகிறது என்றும், இதற்கு உரிய விளக்கம் அவசியம் என்றும் அவர் வலியுறுத்தினார். நீதிமன்ற உத்தரவுகளை நடைமுறைப்படுத்தாமல் தவிர்க்க, சட்ட விதிகளை அதிகாரிகள் எவ்வாறு பயன்படுத்தினார்கள் என்பதையும் விளக்க வேண்டும் என நீதிபதி கேட்டார்.

மேலும், "நீதிமன்ற உத்தரவுகளை அதிகாரிகள் மதிக்காமல் விட்டால், சட்டத்தின் ஆட்சி என்ற கருத்தே அர்த்தமற்றதாகி விடும்" என்றும் நீதிபதி கடுமையாகக் குறிப்பிட்டார். இந்த விவகாரம் மிக முக்கியமானது என்பதால், சம்பந்தப்பட்ட அனைத்து அதிகாரிகளும் தங்களது நிலைப்பாட்டை விரிவான அறிக்கையாக தாக்கல் செய்ய வேண்டும் என்றும் அவர் உத்தரவிட்டார். அதற்காக குறிப்பிட்ட கால அவகாசமும் வழங்கப்பட்டது.

திருப்பரங்குன்றம் மலை தொடர்பான விவகாரம், மத, சமூக உணர்வுகளை உள்ளடக்கிய நுணுக்கமான பிரச்சினையாக பார்க்கப்படுகிறது. இதனால், அரசு நிர்வாகம் மற்றும் காவல் துறை எடுத்த நடவடிக்கைகள் சட்டப்படி இருந்ததா, அல்லது நீதிமன்ற உத்தரவுகளை மீறியதா எனறு நீதிபதி ஜிஆர் சுவாமிநாதன் எழுப்பிய கேள்வி தற்போது மையமாகியுள்ளது. இந்த வழக்கின் மூலம், நிர்வாக அதிகாரிகளின் பொறுப்பும், நீதிமன்ற உத்தரவுகளின் கட்டாயத்தன்மையும் மீண்டும் விவாதத்திற்குள்ளாகியுள்ளது.

வழக்கின் விசாரணை முடிவில், அதிகாரிகள் தாக்கல் செய்யும் விளக்க அறிக்கைகள் அடிப்படையில் அடுத்தகட்ட நடவடிக்கைகள் எடுக்கப்படும் என உயர்நீதிமன்றம் தெரிவித்துள்ளது. இந்த வழக்கு, தமிழக நிர்வாக வரலாற்றில் முக்கியமான வழக்காக மாறும் சூழல் உருவாகியுள்ளது. நீதிமன்றத்தின் அடுத்த விசாரணை வரை, இந்த விவகாரம் அரசியல் மற்றும் சமூக வட்டாரங்களில் பெரும் கவனத்தை ஈர்த்து வருகிறது " என்று வழக்கறிஞர்கள் பேட்டியின் போது கூறினார்கள்

English summary

“Why has no one respected my court order? Under what authority did you decide not to follow the order?” Justice G.R. Swaminathan questioned the officials. Let's look at the interview given by the lawyers regarding this matter.