மதுரையில் அமித் ஷா.. தூங்கா நகரில் திட்டமிட்டு கூட்டத்தை நடத்தும் டிடிவி தினகரன்.. மாறும் கணக்கு!

Updated: Saturday, June 7, 2025, 13:24 [IST]

Subscribe to Oneindia Tamil

மதுரை: அதிமுக + ஓபிஎஸ் + டிடிவி தினகரன் ஆகியோர் இணைந்து போட்டியிட வேண்டும் என்பதில் பாஜக தீவிரமாக இருக்கிறது. திமுக ஆட்சியை வீழ்த்த வேண்டுமென்றால் ஒருங்கிணைந்த அதிமுக உருவாக வேண்டும் என்று மத்திய அமைச்சர் அமித் ஷா விரும்புவதாக சொல்லப்பட்டு வருகிறது. இதன் காரணமாகவே பாஜக தரப்பில் ஓபிஎஸ் மற்றும் டிடிவி தினகரன் ஆகியோர் என்டிஏ கூட்டணியில் இருப்பதாக கூறி வருகின்றனர்.

என்டிஏ கூட்டணி

ஆனால் எடப்பாடி பழனிசாமிம், ஓபிஎஸ் மற்றும் டிடிவி தினகரன் ஆகியோரை சேர்க்க கூடாது என்பதில் தீவிரமாக இருக்கிறார். ஆனால் நயினார் நாகேந்திரன், அண்ணாமலை உள்ளிட்ட பாஜகவின் முக்கிய தலைவர்கள், முன்னாள் முதல்வர் ஓபிஎஸ் மற்றும் டிடிவி தினகரன் ஆகியோர் கூட்டணியிலேயே இருப்பதாக கூறி வருகின்றனர்.

TTV Dhinakaran Holds AMMK Meeting in Madurai Ahead of Amit Shah Visit

மதுரையில் அமித் ஷா

இந்த நிலையில் மத்திய உள்துறை அமைச்சர் அமித் ஷா இன்று இரவு மதுரை வருகிறார். தென் மாவட்டங்களைச் சேர்ந்த பாஜகவின் முக்கிய நிர்வாகிகளை அமித் ஷா சந்திக்கும் நிலையில், தேர்தல் பணிகள் தொடர்பாகவும் ஆலோசனைகளை வழங்க உள்ளார். அதேபோல் ஒத்தக்கடையில் நடக்கவுள்ள பாஜக பொதுக்கூட்டத்தில் அமித் ஷா பங்கேற்க உள்ளார்.

அமமுக செயல் வீரர்கள் கூட்டம்

இதனிடையே அமித் ஷாவை ஓபிஎஸ் மற்றும் டிடிவி தினகரன் ஆகியோர் சந்திக்க ஆர்வமாக இருக்கின்றனர். இதற்காக டிடிவி தினகரன் மதுரையில் முகாமிட்டுள்ளது தெரிய வந்துள்ளது. அமித் ஷா வரும் இன்றைய நாளில், மதுரை மாவட்ட அமமுக செயல் வீரர்கள் கூட்டத்தை டிடிவி தினகரன் நடத்தி வருகிறார். இந்த ஆலோசனை கூட்டம் என்பது பெயரளவிலான கூட்டம் என்றே சொல்லப்படுகிறது.

டிடிவி தினகரன் பேட்டி

மதுரையில் டிடிவி தினகரன் முகாமிட்டிருப்பது அமித் ஷாவை சந்திப்பதற்காக தான் என்று சில அரசியல் விமர்சகர்கள் கூறியுள்ளனர். அதுமட்டுமல்லாமல் செய்தியாளர்களை சந்தித்து டிடிவி தினகரன் பேசுகையில், பாஜக கூட்டணியில் ஓபிஎஸ்-க்கு அதிக முக்கியத்துவம் அளிக்கப்படுகிறது. தேர்தல் நேரத்தில் சசிகலாவுக்கு முக்கியத்துவம் கிடைக்கும் என்று தெரிவித்துள்ளார்.

இன்றிரவு சந்திப்பு?

இன்று இரவு மதுரை வரும் அமித் ஷாவை சந்திக்க டிடிவி தினகரன் நேரம் கேட்டுள்ளதாக தெரிகிறது. இதனால் பாஜக நிர்வாகிகளுடனான ஆலோசனை முன் டிடிவி தினகரன் அமித் ஷாவை சந்திக்க வாய்ப்புகள் இருப்பதாக சில தகவல் வெளியாகியுள்ளது. இதனால் அதிமுக - பாஜக கூட்டணியில் அமமுக இணைவதற்கும் வாய்ப்புகள் இருப்பதாக பார்க்கப்படுகிறது.