அட்சய திருதியை நாளில்.. தரங்கா மலை கோயிலில் கவுதம் அதானி சிறப்பு வழிபாடு!
மும்பை: அதானி குழுமத் தலைவர் கௌதம் அதானியும் அவரது மனைவி டாக்டர் ப்ரீத்தி அதானியும் அக்ஷய திருதி தினத்தன்று குஜராத்தில் உள்ள தரங்கா மலைகளில் அமைந்துள்ள வரலாற்றுச் சிறப்புமிக்க ஸ்ரீ அஜித்நாத் பகவான் ஸ்வேதாம்பர ஜெயின் தேராசர் கோவிலுக்குச் சென்று தரிசனம் செய்தனர்.
அதானி- ப்ரீத்தி அதானி தம்பதி அங்குப் பக்திப் பிரார்த்தனைகளில் ஈடுபட்டனர். மேலும், பக்தர்களுக்கான வசதிகளை மேம்படுத்துவது குறித்தும், சுற்றியுள்ள மலைகளில் காடு வளர்ப்பு முயற்சிகளை ஆதரிப்பதாக உறுதியளித்தும், பாரம்பரியப் பாதுகாப்புக்கும் நிலையான வளர்ச்சிக்கும் இடையிலான சமநிலையை வலியுறுத்தினர்.
அதானி
இந்த தம்பதியினர், அன்றைய தினம் காலை மெஹ்சானா மாவட்டத்தின் கெராலு தாலுகாவில் உள்ள டாபோடா ஹெலிபேடிற்கு வந்து சேர்ந்தனர். அங்கு அவர்களை ஜெயின் சமூக உறுப்பினர்கள் அன்புடன் வரவேற்றனர். அங்கிருந்து, கோவில் அமைந்துள்ள மலை உச்சிக்குப் புறப்பட்டுச் சென்றனர். அக்ஷய திருதி, இந்து மற்றும் ஜெயின் மரபுகளில் மிகவும் புனிதமான தினங்களில் ஒன்றாகக் கருதப்படுவதால், ஏராளமான பக்தர்கள் கோவிலில் திரண்டிருந்தனர்.
ஜெய்ன மதத்தின் இரண்டாவது தீர்த்தங்கரரான ஸ்ரீ அஜித்நாத் பகவானுக்கு அர்ப்பணிக்கப்பட்டுள்ள இத்தலம், இப்பகுதியின் மிகப் குறிப்பிடத்தக்கப் புனித யாத்ரீகத் தளங்களில் ஒன்றாகும். சுமார் 12 ஆம் நூற்றாண்டைச் சேர்ந்த இந்த கோவில், சோலங்கி மன்னர் குமார்ப்பாலுடன் நெருங்கிய வரலாற்றுத் தொடர்பு கொண்டது. நேர்த்தியான கலை வேலைப்பாடுகளுடன் கூடிய இதன் கட்டிடக்கலையும், ஆழ்ந்த ஆன்மிக முக்கியத்துவமும், நாடு முழுவதிலும் இருந்துவரும் பக்தர்களைத் தொடர்ந்து ஈர்த்து வருகிறது.
சிறப்பு வழிபாடு
கோவில் வருகையின் போது, கௌதம் அதானி கருவறைக்குள் சென்று சிறப்புப் பிரார்த்தனைகளைச் செலுத்தினார். அதன் பின்னர், அவர் கோவில் வளாகத்திற்குள் சிறிது நேரம் செலவிட்டார். அங்குள்ள வசதிகள் குறித்துக் கேட்டறிந்தார். குறிப்பாக, பக்தர்கள் தங்கள் பயணத்தின் போது ஒன்றுகூடும் உணவு கூடப் பகுதியையும் இந்த தம்பதியினர் பார்வையிட்டனர்.
பக்தர்கள் வசதி
பக்தர்களின் வசதிகளை மேம்படுத்துவது குறித்து, கோவில் அறங்காவலரான சச்சின் அசோக்பாய் ஷாவுடன் அதானி விரிவான கலந்துரையாடல்களை நடத்தினார். இந்த விவாதங்கள், பக்தர்களுக்கு அணுகல் தன்மை, பார்வையாளர் வசதிகள் மற்றும் ஒட்டுமொத்த சௌகரியத்தை அதிகரிப்பதில் கவனம் செலுத்தின. இருந்த போதிலும், கோவிலின் கட்டிடக்கலைப் பாரம்பரியத்தையும், அதன் ஆன்மிக அடையாளத்தையும் பாதுகாப்பது முதன்மையான அம்சமாக இருந்தது.
உள்கட்டமைப்பு மேம்பாடுகளை மேற்கொள்வதுடன், கோவிலின் பாரம்பரியப் பாதுகாப்பைச் சமநிலைப்படுத்துவது, இத்தலத்தின் எதிர்காலத் திட்டங்களில் ஈடுபட்டுள்ள அனைத்துத் தரப்பினரின் முக்கிய முன்னுரிமையாக உள்ளது.
பக்தர்கள் வசதிகள் தொடர்பான ஆலோசனைகளைத் தாண்டி, அதானி குழுமம் தரங்கா மலை பகுதிகளில் காடு வளர்ப்பு முயற்சிகளுக்கும் தனது ஆதரவை வழங்குகிறது. இத்திட்டம், அப்பகுதியின் சுற்றுச்சூழலை மீட்டெடுத்து, நீண்டகால இயற்கைச் சூழல் பாதுகாப்பு, பசுமையான மலைப்பகுதிகள், மேம்பட்ட பல்லுயிர் பெருக்கம் மற்றும் சுற்றுச்சூழல் நிலைத்தன்மை ஆகியவற்றை ஏற்படுத்தும் என எதிர்பார்க்கப்படுகிறது.
அக்ஷய திருதி
அக்ஷய திருதி, பொதுவாகச் செல்வம், செழிப்பு, புதிய தொடக்கங்கள் மற்றும் தானதர்மங்களுடன் பரவலாகத் தொடர்புடைய ஒரு புனித தினமாகும். ஜெயின மரபில், நீண்டகால விரதத்திற்குப் பிறகு ஸ்ரீ ரிஷபநாதர் தனது முதல் பிச்சையை ஏற்றுக்கொண்ட சமயத்தை இது நினைவுகூருகிறது. இச்சம்பவம், துறவிகளுக்கு உணவளிக்கும் சிறப்பான பாரம்பரியத்தை நிறுவியதால், ஜெயின பக்தர்களுக்கு இந்த நாள் மிகவும் முக்கியத்துவம் வாய்ந்தது.
இம்மாத தொடக்கத்தில் அயோத்தி ராமர் கோயிலுக்கு அனுமன் ஜெயந்தி தினத்தன்று அதானி குடும்பத்துடன் சென்று வழிப்பட்டார். இந்தச் சூழலில் தான் அதைத் தொடர்ந்து இப்போது தரங்கா மலைக்குச் சென்றுள்ளனர். இந்த பயணம், இந்தியாவின் நம்பிக்கை சார்ந்த பாரம்பரியத் தலங்களில் ஆன்மிகம், பாதுகாப்பு மற்றும் சமூக மேம்பாடு ஆகியவை ஒன்றிணைந்து செயல்படும் முக்கியத்துவத்தைக் காட்டுகிறது.
Click it and Unblock the Notifications
Sign in with Google