டிரம்பின் 'ஸ்கெட்ச்' ரஷ்யாவுக்கு கிடையாது.. உக்ரைனுக்குதான்! இன்னையோட எல்லாம் முடிந்தது!

நியூயார்க்: போருக்கு உதவி செய்ததற்கு பதிலீடாக, உக்ரைனில் உள்ள கனிம வளங்களில் பாதியை அமெரிக்காவுக்கு கொடுக்க வேண்டும் என்று டிரம்ப் வலியுறுத்தி வந்தார். இந்நிலையில் இன்று ஜெலன்ஸ்கி-டிரம்ப் இடையே இதற்கான ஒப்பந்தம் கையெழுத்தாகிறது.

இப்படி நடந்தால், உக்ரைனின் இயற்கை வளங்கள் அனைத்தும் சுரண்டி எடுக்கப்படும். சொல்லப்போனால் போருக்கு காரணமே உக்ரைனை சுரண்டுவதாகத்தான் இருக்கிறது என சர்வதேச அரசியல் விமர்சகர்கள் சந்தேகம் தெரிவித்து வருகின்றனர்.

இந்த போர் உருவாக காரணம் அமெரிக்காதான். உக்ரைன் அது பாட்டுக்கு தனியாக இருந்தது. ஆனால், "வா வந்து நேட்டோவுல இணைஞ்சுக்கோ" என அமெரிக்கா ஆசை வார்த்தை கூற.. உக்ரைன் குஷியாகிவிட்டது. நேட்டோ அமைப்பில் இணையும் நாடுகளில், ஏற்கெனவே இணைந்த நாடுகளின் ராணுவம் பாதுகாப்புக்கு நிற்கும். அதாவது பாகிஸ்தான் நேட்டோவில் இணைகிறது எனில்.. பாக். எல்லையில் அமெரிக்க ராணுவம் நிறுத்தப்படும். ஏனெனில் அமெரிக்காதான் ஏற்கெனவே அதில் உறுப்பினராக இருக்கிறதே!

இதே கதைதான் ரஷ்யா-உக்ரைனுக்கு இடையேயான பஞ்சாயத்துக்கு காரணம். பாக். எல்லையில் அமெரிக்க ராணுவம் நின்றால் நமக்கு பிரச்சனை கிடையாது. ஆனால் சீன ராணுவம் நின்றால்? நமக்கு சீனா எப்படியோ, அதுபோல ரஷ்யாவுக்கு அமெரிக்கா.

உக்ரைன் நேட்டோவில் இணைந்துவிட்டால், அமெரிக்க ராணுவம் எல்லைக்கு வந்துவிடும். இது ரஷ்யாவுக்கு நேரடி அச்சுறுத்தல். எனவே, நேட்டோவுக்கு போக வேண்டாம். பிரச்சனையை பேசி தீர்த்துக்கொள்ளலாம் என புதின் எவ்வளவோ சொல்லி பார்த்தார் வேலைக்கு ஆகவில்லை. எனவே வேறு வழியில்லாமல் கடந்த 2022ம் ஆண்டு போரை தொடங்கினார்.

உக்ரைன் சிறிய நாடு.. சொல்லிக்கொள்ளும் அளவுக்கு ராணுவ பலம் கிடையாது. எனவே அமெரிக்காவிடம் போய் நின்றது. அமெரிக்காவும் அள்ளி அள்ளி கொடுத்தது. ஆனால் சும்மா கொடுக்குமா? கொடுத்ததை எல்லாம் இப்போது திரும்ப கேட்கிறது.

'அவ்வளவு பணத்துக்கு நான் எங்க போவேன்?' என்று உக்ரைன் கைவிரிக்க.. கவலைப்படாதே ஜெலன்ஸ்கி, நாட்டில் உள்ள இயற்கை வளங்களில் பாதியை எங்களுக்கு வித்துடு என்று டிரம்ப் ஆலோசனை சொல்லியுள்ளார். இப்படியாக இன்று அமெரிக்காவுக்கும் - உக்ரைனுக்கும் இடையே இது தொடர்பான ஒப்பந்தம் கையெழுத்தாகிறது. அதற்காக இன்று வெள்ளை மாளிகைக்கு வருகிறார் ஜெலன்ஸ்கி.

சரி உக்ரைனில் அப்படி என்னதான் இருக்கிறது என்று கேட்கிறீர்களா? உக்ரைனில் இல்லாத வளமே கிடையாது என்று சொல்லலாம். இன்று மின்சார வாகனங்கள் தயாரிக்க பயன்படுத்தப்படும் அத்தனை கனிமங்களும் அங்குதான் குவிந்து இருக்கிறது. உக்ரைனை தவிர சீனாவிடம் இந்த கனிமங்கள் அதிகம் இருக்கின்றன. எனவே, சீனாவுக்கு தண்ணி காட்ட உக்ரைன் வளங்களுக்கு வலை விரித்துள்ளது அமெரிக்கா.

இரும்பு, எஃகு, டைட்டேனியம், யுரேனியம், மெக்னீஸ், கிராஃபைட் , இயற்கை எரிவாயு ஆகியவை உக்ரைனின் முக்கிய வளங்கள். இதில் யுரேனியம் அணு ஆயுதங்கள் தயாரிக்கவும், அணு உலைகளுக்கு எரிபொருளாகவும் பயன்படுகிறது என்பது குறிப்பிடத்தக்கது.

அமெரிக்கா-உக்ரைன் இடையேயான ஒப்பந்தம் குறித்து என்ன நினைக்கிறீர்கள்? உங்கள் கருத்துக்களை பகிருங்கள் வாசகர்களே!

English summary

Trump had been insisting that, in return for assistance in the war, Ukraine must give half of its mineral resources to the United States. In this situation, an agreement for this is being signed today between Zelensky and Trump. If this happens, Ukraine’s natural resources will be exploited entirely. In fact, international political analysts suspect that the real reason behind the war itself is the exploitation of Ukraine.